Lúcas 13:14

Ñanderuete Ñe’ẽ Porã 2015

Upe Ñanderuete róga rerekua katu ipochy Hesu ndive, Ha’e omonguera haguére peteĩ hasývape sábado árape, ha he’i umi oñembyatývape: Oĩ ningo 6 ára (meme semánape) ñamba’apo hag̃ua, upévare anítei peju sábado árape Ha’e penemonguera hag̃ua, peju uvei hendápe umi ambue 6 árape.

Referencias Cruzadas

Éxodo 20:9

Seis ára remba’apova’erã ha umía aja rejapova’erã opaite ne rembiapo;

Éxodo 23:12

Seis ára remba’apova’erã ha pe ára 7-hápe emboareteva’erã, opytu’u hag̃ua nde guéi ha nde búrro ha ipiro’y hag̃ua ne rembiguái memby ha tetã ambueygua.

Ezequiel 20:12

Ha hi’ári ame’ẽ avei ichupekuéra umi pytu’uha ára, oiko hag̃ua techaukaha ramo Che ha ha’ekuéra pa’ũme, oikuaa hag̃ua hikuái Che Ijaraha, ha Che voi aiporavo hague ichupekuéra ha amboyke hague ichupekuéra che retãteerã ramo opaite tetãnguéra apytégui.

Ezequiel 34:21

Pende ati’ýpe pemyaña ijykéguio, ha pene ratĩme peikutu umi ikangývape, peity ha pemosarambipa peve.

Levítico 23:3

Seis ára (día) pemba’apova’erã, ha pe ára 7-ha katu pepytu’uva’erã, peju hag̃ua atyguasúpe; mba’eveichagua tembiapo ndapejapoiva’erã jepytu’uha árape, ko ára kóvape pende Ruete omboykéma avei peẽme g̃uarã mamo peikohápe.

Matéo 12:2

Ha umi fariséo ohechávo péva he’i: Péina ne remimbo’ekuéra ojapo upe ojejapo’ỹva’erãva sábado árape.

Márcos 5:22

Ha og̃uahẽ Hesu rendápe peteĩ Ñanderuete róga myakãhára, hérava Jáiro, ha ojeity Hesu py renondépe.

Lúcas 6:11

Ha’ekuéra katu okapu pochýgui, ha oñe’ẽ oñondive mba’épa ikatu ojejapo Hesu rehe.

Lúcas 6:7

Ha umi kuatia haihára ha fariseokuéra omaña porã hese oikuaaségui omongueránepa sábado árape, ojohu hag̃ua hikuái peteĩ mba’e omoĩ vai hag̃ua ichupe.

Lúcas 8:41

Ha peteĩ kuimba’e hérava Jáiro, ha’e ningo peteĩ Ñanderuete róga rerekua, ojeity Hesu renondépe ha ojerure asy ichupe oike hag̃ua hógape.

Apostolkuéra 13:15

Ha omoñe’ẽ rire Ñanderuete ñe’ẽ umi omyakãva pe cúlto he’i hikuái Páblo ha Bernabépe: Peẽ, ore ryvykuéra, peñe’ẽse ramo pemokyre’ỹ hag̃ua ñane retãyguakuérape peñe’ẽ katu.

Apostolkuéra 18:17

Ojapyhy hikuái Sóstenespe, pe oñangarekóva Ñanderuete róga rehe, ha oinupã ichupe mbojovakeha róga renondépe. Upéva katu mba’evete Gálionpe g̃uarã.

Apostolkuéra 18:8

Críspo katu, pe oñangarekóva Ñanderuete róga rehe, ojerovia Hesu Crísto rehe opaite hogayguakuéra ndive. Heta Corintoygua ojapysaka porã Páblo ñe’ẽ rehe, upéi ojerovia ha ojebautizauka avei.

Romayguakuérape 10:2

Che aikuaa porã ha’ekuéra hakate’ỹha Ñanderuete rehe, ndoikuaa porãi katu ichupe ni ndojeroviái hekópe hese.

Deuteronómio 5:13

Seis ára remba’apova’erã ha rejapova’erã opaite ne rembiapo;