Lúcas 13:12

Ñanderuete Ñe’ẽ Porã 2015

Hesu ohechávo ichupe ohenói ha he’i ichupe: Nde kuñakarai, ne mba’asy ojeíma ndehegui.

Referencias Cruzadas

Salmokuéra 107:20

Ombou iñe’ẽ ha omonguera ichupekuéra ha oguenohẽ ichupekuéra iñuhãgui.

Isaías 65:1

Chereka ningo umi oporandu’ỹva’ekue cherehe ha chejohu umi chereka’ỹva’ekue, Che ha’ékuri: Péina ápe aĩ, péina ápe aĩ. Péva Che ha’e peteĩ tetãme ndogueraháiva che réra.

Joel 3:10

Pejapo kyse puku pende aradokuégui, ha yvyra puku akua pende kyse peiporúvagui pende parraltýpe, ha pe ikangýva te’i: Chembarete.

Matéo 4:23

Ha Hesu oguata Galiléa departaménto tuichakue rupi, ombo’e hag̃ua Ñanderuete rogakuérape, omyasãi Ñanderuete evangélio (marandu porã) ha omonguera opaichagua hasývape ojeguerúva guive hendápe.

Matéo 8:16

Ha ka’aru pytũvo ogueru hikuái ichupe heta kuimba’e oĩva mba’epochy poguýpe, ha Ha’e omosẽmba umi mba’epochýpe, ha omonguerapa ambue hasývape iñe’ẽ rupínte.

Lúcas 13:11

Ha upépe og̃uahẽ avei peteĩ kuñakarai hasýva, peteĩ mba’epochy omokarapãva ichupe, ha ndikatuvéima oñembo’y porã 18 áño pukukue rupi.

Lúcas 13:13

Ha Hesu omoĩvo ipo hi’ári, upevove ha’e oñakãrapu’ã ha oñembo’y porã jevy, ha ha’e omomba’eguasu Ñanderuetépe.

Lúcas 13:16

Ko Abraham rajýpe Satana oñapytĩ 18 áñoma, ha naiporãi piko jajora isã sábado árape.