Lúcas 12:4

Ñanderuete Ñe’ẽ Porã 2015

Che ningo ha’e peẽme, che pohayhúvape, ani pekyhyje umi ikatúva ojuka pende rete, péva rire ndaikatuvéima ojapo mba’eve ivaíva penderehe (ndaikatúi ojuka pende pytu porã).

Referencias Cruzadas

Mga Kawikaan 29:25

Upe okyhyjéva yvyariguakuéragui ho’ava’erã ñuhãme ha Ñanderuete rehe ojeroviáva oñemoĩ porãva’erã.

Cantar de los cantáres 5:1

Karia’y oñe’ẽ: Che ajúma che yvatýpe, nde che rembirekorãmi, amono’õma che mírra ha umi mba’e ryakuã porã; ha’úma che eíra, che víno ha che kamby. Pekaru joa che irũnguéra; che rayhupára pey’u ha peñemohyg̃uatã mborayhu reheve.

Cantar de los cantáres 5:16

Iñapekũ he’ẽ asy ha heko iporãite. Peichaite hína che mborayhu jára, peichaite hína che angirũ, peẽ Jerusalen rajykuéra (peikuaa hag̃ua ichupe).

Isaías 41:8

Ha nde Israel, che rembiguái; nde Jacóbo, che aiporavomava’ekue; nde Abraham ñemoñare, Che rohayhu.

Jeremías 1:17

Ndékena, ejeku’a jokua ha eñembosako’i, epu’ã ha ere ichupekuéra opaite mba’e Che ha’étava guive ndéve. Ani rekyhyje ichuguikuéra, ỹrõ Che roipy’apy asýta henondepekuéra.

Jeremías 1:8

Aníke rekyhyjétei henondepekuéra, aĩva’erã nendive rosalva hag̃ua, he’i nde Jára.

Jeremías 41:18

okyhyjégui umi Caldeayguágui, Ismael ojuka Gedalías, Ahicam ra’ýpe, Babilónia retã ruvicha ohejamava’ekuépe oisãmbyhy hag̃ua Juda retãme.

Ezequiel 2:6

Nde katu, kuimba’e ra’y, ani rekyhyjétei ichuguikuéra ha ani rekyhyjétei ereva’erãvagui, jepémo reime jukerity ha ñuatĩndy pa’ũme, térã alacran apyte rupi; ani rekyhyjétei iñe’ẽnguéragui, ha ani rekyhyje ichuguikuéra, ha’ekuéra ningo peteĩ tetã oñemoĩva cherehe.

Matéo 10:28

Aníke pekyhyje umi ojukávagui pende rete, ndaikatúigui ojuka pene ánga; pekyhyjeva’erã uvei pe ikatúvagui ohundi aña retãme pende rete ha pene ánga.

Juan 15:13

Upe imborayhu tuichavéva ome’ẽ hekovetee voi ohayhúva rehehápe.

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

Apostolkuéra 4:13

Umi mburuvicha ohecha ramo mba’éichapa Pédro ha Juan py’aguasúpe omombe’u Hesu Crísto evangélio, oikuaa porã voi ha’ekuéra ndoike areiha escuélape ni noñemoarandúi hague yvy arigua arandúpe, upévare ohecharamoite hikuái.

Filipoyguakuérape 1:28

Ani pekyhyje mba’evetégui umi penderehe oñemoĩvagui; umi oñemoĩva Ñanderuete rehe oñehundíta katuete ha umi oguatáva Ñanderuete rapére katuete ojesalváta, ha mokõivéva Ñanderuete rembiaporã.

Tiágo 2:23

Ñanderuete kuatiañe’ẽ he’i voi: Abraham ojerovia haguére Ñanderuete rehe, Ha’e ohechakuaa ichupe heko porãva ramo, ha oñembohéra ichupe Ñanderuete rayhupára (amígo) (Génesis 15,6).

1 Pédro 3:14

Peẽ pehasa asy ramo pende jerovia rehehápe, Ñanderuete penderovasáta. Ani pekyhyje, ha’ekuéra pendejopyete ramo, ani pene’angekõitei.

Apocalípsis 2:10

Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.