Lúcas 12:2

Ñanderuete Ñe’ẽ Porã 2015

Ndaipóri mba’eve oñemíva, ojehecha’ỹva’erã, térã okañýva, ojekuaa’ỹva’erã.

Referencias Cruzadas

Eclesiástes 12:14

Ñanderuete ombojovakéta opaichagua yvyarigua rembiapo, ta’iporã térã ta’ivai, ñemiháme ramojepe ojejaporaka’e ko’ã mba’e.

Jeremías 16:17

Che resakuéra oma’ẽ hapekuéra rehe, chehegui nokañýi mba’eve, ni umi heko ñañáva nokañymo’ãi che resa renondégui.

Oséas 8:13

Tymba kuave’ẽmby ohayhu hikuái, ho’u hag̃ua so’ónte, umía nombovy’amo’ãi Ijapoharépe. Ko’ág̃a Che ahaviráta ichupekuéra hembiapo vaikuéra rehe ha amondo jevýta ichupekuéra Egípto retãme.

Márcos 4:22

Ndaipóri voi ningo mba’eve ñemimby ojehechauka’ỹva’erãva, ha mba’eve ñemiha megua ojekuaauka’ỹva’erãva.

Lúcas 8:17

Ndaipóri voi ningo mba’eve oñemíva ojehechauka porã’ỹva’erãva, térã peteĩ ñemimby ojekuaa porã’ỹ hag̃ua.

Romayguakuérape 2:16

Og̃uahẽva’erã katuete pe ára Hesu Crísto ombojovakeva’erãha umi mba’e ñemi oĩva guive opaite tetãyguakuéra py’apýpe.

1 Corintoyguakuérape 4:5

Upévare peha’ãrõ Hesu Crísto ouha ára peve, Ha’e ombojovake hag̃ua. Ha’e voi omyesakãmbáta umi mba’evai ha iporãva oñemivahína pytũmbýpe jepe, ha Ha’e ohechaukáta ñande py’apy rembipota jepe; upépe ae peteĩteĩva ohupitýta pe hekopeteguáva Ñanderuetégui.

2 Corintoyguakuérape 5:10

Opavave ñande jajehechaukava’erã Hesu Crísto ñembojovakehápe, oñeme’ẽ hag̃ua ñandéve ñane rembiapokue repy, ta’iporã térã ta’ivai jepe ra’e.