Lúcas 12:12

Ñanderuete Ñe’ẽ Porã 2015

Katuete pe Pytu Porãmbáva penembo’eva’erã, mba’épa pejeva’erã upe hóra upévape.

Referencias Cruzadas

Éxodo 4:11

Ha Ñanderuete he’i jevy ichupe: Máva piko ombojuru yvyariguakuérape, térã mávapa ojapo iñe’ẽngúvape ha ijapysapévape, umi ohecháva ha ohecha’ỹvape. Ndachéipa pende apohare.

Éxodo 4:12

Tereho katu ko’ág̃a, ha Che aĩta nendive reñe’ẽvo, ha rombo’éta ereva’erãva guive.

Matéo 10:19

Ha penemoĩ ramo hikuái ipoguypekuéra, ani pejepy’apy mba’éichapa térã mba’épa pejeva’erã rehe; upe hóra upéva og̃uahẽvo, oñeme’ẽta peẽme upe pejeva’erãva.

Matéo 10:20

Ndaha’emo’ãi ningo peẽ peñe’ẽtava, pende Ruete Pytu Porãitéva oñe’ẽta pendepype.

Lúcas 12:13

Upéramo pe aty apytégui peteĩ kuimba’e he’i Hesúpe: Mbo’ehára, eréna che ryke’ýpe omboja’o hag̃ua chéve ore ru ha ore sy mba’ekue.

Lúcas 21:15

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Apostolkuéra 4:8

Upérõ, Pédro henyhẽva Pytu Porãmbávagui, he’i ichupekuéra: Tetã ruvichakuéra ha karai ancianokuéra, pemyakãva ko tetã kóvape:

Apostolkuéra 6:10

Ha’ekuéra ndaipu’akái katu Estéban rehe, pe Pytu Porãmbáva oipytyvõgui ichupe ha’e iñaranduve hag̃ua hapichakuéragui.

Apostolkuéra 7:55

Estéban henyhẽ Pytu Porãmbávagui ha oma’ẽvo yvágare ojehechauka ichupe Ñanderuete reko jajaipa ha Hesu Crísto oñembo’ýva Itúva akatúape.