Lúcas 11:9

Ñanderuete Ñe’ẽ Porã 2015

Che ha’e peẽme: Pejerure ha oñeme’ẽva’erã peẽme, peheka ha pejohuva’erã, pembota ha ojepe’ava’erã peẽme.

Referencias Cruzadas

Salmokuéra 118:5

Ajepy’apy jave ahenói Ñanderuetépe, ha Ha’e cherendu ha chemosãso.

Salmokuéra 27:4

Peteĩ mba’e ajerure Ñanderuetépe, ha upéva ahekáta: Taiko Ñanderuete rogaguasúpe aikove aja pukukue ajepy’amongeta hag̃ua Ñanderuete rehe ha romomba’eguasu joáta ichupe.

Salmokuéra 27:8

Che py’apy ningo he’i voi: Peju Ñanderuete rendápe, peheka añetehápe ichupe.

Salmokuéra 34:10

Umi leõ ra’y ohasa asy ha iñembyahýi hikuái, umi ohekáva Ñanderuetépe katu ndofaltái ichupekuéra mba’eveichagua mba’eporã.

Salmokuéra 34:4

Ahekágui Ñanderuetépe, Ha’e cherendu, ha opaite mba’e chemongyhyjéva oipe’a chehegui.

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Cantar de los cantáres 5:6

Che aipe’a pe okẽ che mborayhu járape g̃uarã; ha che mborayhu jára katu oho jepéma, ohasámara’e; ha iñe’ẽngue rapykuéri oho che ánga. Aheka ichupe, ha ndajohuvéi; ahenói ichupe, ha nombohováiri.

Isaías 45:19

Nañe’ẽi ñemiháme, térã iñypytũveha rupi; nda’éi Jacóbo ñemoñarenguérape: Peẽ chereka reiha. Che, pende Ruete, Che ningo heko peguávante, ha amombe’únte pe añetegua.

Jeremías 29:12

Upéramo peẽ cherenóita, ha pejuva’erã peñembo’évo chéve, ha che pohendúta;

Jeremías 33:3

Nde cherenói ramo Che ambohováita ndéve ha rombo’éta mba’e ndetuichapa jepévare, iñemimby ha reikuaa’ỹvare.

Daniel 9:3

Ha ajesaupi Ñanderuete, pe Jaraitéva gotýo, ahekávo ichupe ñembo’e ha mba’ejerure rupi, karu’ỹme, ao vosakuépe ha aguapy jave tanimbúpe.

Matéo 21:22

Opaite mba’e pejeruréva guive pene ñembo’épe, pejerovia ramo, pehupityva’erã katuete.

Matéo 21:31

Mavaitépa ko’ã mokõivévagui ojapo itúva rembipota. Ha he’i hikuái: Pe tenondeguáva. Ha Hesu he’i ichupekuéra: Añetehápe ha’e peẽme umi impuésto mbyatyhára ha kuña heko vaíva ningo itenondeve pendehegui Ñanderuete retãguasúpe.

Matéo 6:29

Che katu ha’e peẽme, Salomon jepe opaite ijeguaka reheve noñemondéi peteĩ lírioicha.

Márcos 11:24

Upévare ha’e peẽme: Opaite pejeruréva pene ñembo’épe, peguerovia ramo pehupitytaha katuete, pehupityva’erã.

Márcos 13:37

Upe ha’éva peẽme, opavavépe ha’e: Peñeñangareko porãke.

Lúcas 11:10

Upe ojeruréva ningo ohupity, ha upe ohekáva ojohu, ha upe ombotávape ojepe’ava’erã.

Juan 14:13

Ha opaite mba’e peẽ pejeruréva che rérape, upéva Che ajapóta avei. Che Ruete oñembotuicha hag̃ua chérupi.

Juan 15:16

Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Juan 15:7

Peime ramo chepype, ha Che ñe’ẽ oĩ ramo pendepype, opaite mba’e pejeruréva guive oñeme’ẽta peẽme.

Juan 4:10

Hesu ombohovái ichupe ha he’i: Reikuaa rire Ñanderuete remime’ẽ ha pe ojeruréva nde ymi, nde voi rejerureva’erãmo’ã ichupe, ha Ha’e ome’ẽva’erãmo’ã ndéve y oporomoingovéva.

Romayguakuérape 2:7

Ñanderuete voi ningo ome’ẽta tekove opa’ỹva umi ojapóvape tembiapo porã, ha oñeha’ãmbáva ohupity hag̃ua Ñanderuete reko ojajaipáva, tekove opa’ỹva ha ombotuichaséva Ijárapente.

2 Corintoyguakuérape 6:2

Ñanderuete kuatiañe’ẽme he’i voi: Pe ára iporãvehápe che rohendu, ha pe salvacion árape che roipytyvõ. Eikuaa porãke ko’ág̃a og̃uahẽma pe ára iporãveha, ko’ág̃a oúma pe salvacion ára, (Isaías 49, 8).

hebreoyguakuerape 11:6

Ndajajeroviái ramo nañambopy’arorýi Ñanderuetépe; umi og̃uahẽva hendápe ojeroviava’erã Ñanderuete oĩha, ha Ha’e ohepyme’ẽtaha umi ohekávape ichupe.

hebreoyguakuerape 4:16

upévare ñag̃uahẽ jeroviapópe iguapyhaguasúpe, jahupity hag̃ua iporiahuvereko ha jajohu hag̃ua ipy’aporã, Ha’e ñanepytyvõ hag̃ua ñaikotevẽha árape.

Tiágo 1:5

Ha oime ramo pende apytépe peteĩ iñarandu’ỹva, tojerure Ñanderuetépe, Ha’e katuete ome’ẽta arandu oimeraẽ ojerurévape, ha nombotovemo’ãi.

Tiágo 5:15

ha pe ñembo’e jerovia rehegua osalváta pe ikangývape térã hasývape, ha Ñanderuete omopu’ãta ichupe, ha oñemoangaipárõ oñeperdonáta ichupe,

1 Juan 3:22

Upéicha oñeme’ẽ ñandéve ñane rembijerure, ñande jajapógui hembipota ha umi mba’e umíva ombovy’a ichupe.

Apocalípsis 2:24

Che katu ha’e peẽ ambuekuérape, peẽ peiméva Tiatírape, ha nomokõiva ko Satana mbo’epy ipypukuetéva, he’i háicha hikuái. Ndaitymo’ãi pende’ári ambue mba’e ipohýiva.