Lúcas 11:52

Ñanderuete Ñe’ẽ Porã 2015

Angái peẽ, peporombo’éva Moises rembiapoukapykuéra, peẽ pemboyke pe kuaapy lláve. Peẽ voi ndapeikemo’ãi yvágape ha ndapehejái oike umi oikesévape.

Referencias Cruzadas

Malaquías 2:7

Umi pa’i jurúpe ojejohúta pe arandu, ha ijurúgui hetãyguakuéra oha’ãrõ tekombo’e, ha’égui voi Ñanderuete proféta.

Matéo 22:35

Ha peteĩva, umi fariseokuéra apytégui, oikuaa porãva Moises rembiapoukapykuéra, oporandu Hesúpe:

Matéo 23:13

Angái peẽ kuatia haihára ha peẽ fariseokuéra rova mokõi. Pembotýgui Ñanderuete retãguasu rokẽ, ani hag̃ua yvyariguakuéra oike, ha peẽ voi ndapeikéi avei, ha ndapehejái oike umi oikesévape.

Lúcas 11:53

Ha Hesu osẽ rire upégui, umi oporombo’éva Ñanderuete ñe’ẽ ha fariseokuéra ipochyete ha oñemoĩ hese ha ojopyse ichupe heta porandu ñuhã reheve.

Apostolkuéra 5:40

Ha oñemoĩ hikuái peteĩ ñe’ẽme hendive, ha ohenói jevy rire apostolkuérape, oinupã ichupekuéra ha oavisa porã hikuái anive hag̃ua oñe’ẽ Hesu réra rehe, ha opoi ichuguikuéra.