Lúcas 11:41

Ñanderuete Ñe’ẽ Porã 2015

Peme’ẽ katu pende pirapire mboriahukuérape py’aporã reheve, ha pende py’apy iporã ramo opaite pene rembiapo pejapóva guive pende rete rupi iporãmbáta avei.

Referencias Cruzadas

Salmokuéra 112:9

Omboja’o ja’o ha ome’ẽ rei imboriahúvape, ijustícia heko pegua ndopamo’ãi, ipu’aka ha herakuã porã ojehechakuaa.

Salmokuéra 41:1

Ovy’aite upe oipytyvõva imboriahúvape. Ñanderuete oipytyvõta avei ichupe, ha’e ohasa asy jave.

Mga Kawikaan 14:31

Pe ojopy asýva imboriahúvape omotĩ Ijapoharépe; ha upe oiporiahuverekóva pe mboriahúpe, omomba’eguasu Ijárape.

Mga Kawikaan 16:6

Poriahuvereko ha añetegua rupi oñemyatyrõ pe tembiapo vai rapykuere, ha kyhyje Ñanderuetégui omboyke yvyariguakuérape mba’evaígui.

Mga Kawikaan 19:17

Upe oipytyvõva imboriahúvape ome’ẽhína Ñanderuetépe, ha pe mba’eporã ojapóva, oñemyengovia jevyva’erã ichupe.

Daniel 4:27

Upévagui ajerure che retã ruvichápe, ejapo che ha’étava ndéve: Ne angaipa rendaguépe eporoporiahuvereko ha embojovake hekópe, ha nde reko ñaña rendaguépe eipytyvõ umi imboriahúvape, umi mba’e rupi ikatu rembopukumive jevy nde py’aguapy.

Matéo 26:11

Mboriahukuéra ningo tapiaite peguerekóta penendive, ha che katu naĩmo’ãi tapiaite penendive (ko yvy ári).

Matéo 5:42

Nde rapicha ojerure ramo reipytyvõ hag̃ua ichupe ani reñemboyke ichugui.

Márcos 7:19

Ndoikéigui ipy’apýpe, hyépente katu, ha upégui osẽ jevy báñope, oñemopotĩvo.

Lúcas 12:33

Pevende umi mba’e perekóva peipytyvõ hag̃ua mboriahukuérape, ani pembyaty pende pirapire ko yvy apére oñehundipahápe, pembyaty uvei pende pirapire yvágape, péva he’ise pejapo mba’eporã pende pirapire rupi pende rapicha mboriahu rekovépe. Yvágagui noñemondamo’ãi pende pirapire, ni kupi’i nombyaimo’ãi nde pláta.

Lúcas 16:9

Ha Che ningo ha’e voi peẽme: Pembovy’a pene irũnguérape pende pirapire rupi, ha pende sogue ramo pene irũnguéra penemog̃uahẽta hógape peikove aja pukukue.

Lúcas 18:22

Hesu ohendúvo péva, he’i ichupe: Hemby gueteri ndéve peteĩ mba’e rejapoveva’erãva, evendepa reguerekóva guive ha eme’ẽ mboriahukuérape, ha nemba’e retáta yvágape, upéi eju che rendápe ha chemoirũ.

Lúcas 19:8

Zaquéo katu oñembo’y ha he’i: Che Jára, amboja’óta che mba’e reta mbyte rupi, ame’ẽ hag̃ua mboriahukuérape peteĩ mbytekue, ha umi che ambotavyva’ekuépe, amyengoviáta ichupekuéra irundy jevyve pe pirapire aipe’a reiva’ekue ichuguikuéra.

Apostolkuéra 10:15

Ha pe oñe’ẽva ichupe he’i: Umi mba’e pende Ruete omopotĩva’ekue rehe ani nde ere hese iky’aha.

Apostolkuéra 11:29

Upévare umi Hesu Crísto reheguáva oikóva Antioquíape omondo pirapire, peteĩteĩ ikatumi háicha oipytyvõ hag̃ua umi Juda departaménto iglesiayguakuérape.

Apostolkuéra 24:17

Heta áño rire che aju jevýma agueru hag̃ua pirapire che retãyguakuéra mboriahúpe g̃uarã ha aikuaave’ẽ hag̃ua avei Jerusalénpe,

2 Corintoyguakuérape 8:12

Upe ome’ẽva ipu’aka háicha oguerohory Ñanderuetépe, Ha’e ndojeruréi pe ojeguereko’ỹva rehe.

Efesoyguakuérape 4:28

Upe omondáva anive omonda, toñeha’ãmba uvei omba’apo hag̃ua ipo rupi, ome’ẽkuaa hag̃ua upe oikotevẽvape.

Títope 1:15

Opaite mba’e ningo ipotĩ umi ipotĩvape g̃uarã, umi oñemongy’áva ha umi ndojeroviaséivape katu mba’eve voi naipotĩri, ipensamientokuéra ha ipy’apyñe’ẽ voi iky’águi avei.

hebreoyguakuerape 13:16

Peipytyvõ ha pemboja’o pene mba’e pende rapichakuéra ndive, koichagua kuave’ẽmby rupi nde rerohory Ñanderuetépe.

hebreoyguakuerape 6:10

Ñanderuete ndojapói mba’eve hekope’ỹ, upévare Ha’e ndahesaráiri avei pene rembiapo porã ha pene mborayhúgui pehechaukava’ekue héra rehehápe, peipytyvõ ramoguare pene hermanokuérape, ha peipytyvõ gueteri pehóvo ichupekuéra.

Tiágo 1:27

Pe ñemomba’eguasu (cúlto) ipotĩva, Ñandejára Ñanderuete ohayhúva ningo kóva: Ñaipytyvõ umi ityre’ỹvape ha imenave’ỹvape hemikotevẽme, ha ñañemboyke opaichagua teko vaígui.