Lúcas 11:4

Ñanderuete Ñe’ẽ Porã 2015

Ha eperdonami ore angaipa (rembiapo vai), ore roperdona háicha ore rapichápe ojapo vaiva’ekue orerehe. Ha ani oregueraha jepy’ara’ãme.

Referencias Cruzadas

Genesis 48:16

Ijyvága rembiguái cheguenohẽmava’ekue opaite mba’e vaígui, ha’e tohovasa ko’ã mitãrusúpe; ha ha’ekuéra rupi toikove che ru Abraham, Isaac ha che réra, ha toñembohetaite hikuái ko yvy apére.

1 Réyes 8:34

ehendumi yvága guive, ha eperdonami ne retã Israel angaipa, ha egueru jevymi ituvakuéra retãme Nde voi reme’ẽva’ekue ichupekuéra.

1 Réyes 8:36

upérõ ehendu jevymi ichupekuéra yvága guive, ha eperdonami ne rembiguaikuérape ha ne retã Israel angaipa, ha embo’e jevymi ichupekuéra oiko hag̃ua tape porãme, ha emongymi yvy apére, ne retãyguakuérape reme’ẽ ndete voi ko yvy kóva imba’etee ramo.

Salmokuéra 121:7

Ñanderuete nemo’ãta opaite mba’evaígui, Ha’e oñangarekóta nde rekove rehe.

Salmokuéra 25:11

Nde réra rehehápe, Nde, che Ruete, eperdona che rembiapo vai, heta ramo jepe.

Salmokuéra 25:18

Ema’ẽmína che jepy’apy asy ha che jehasa asy rehe, ha cheperdonami opaite che rembiapo vaíre.

Daniel 9:19

Nde, ore Jára, ehendu, Nde, ore Ruete, eperdona, ejapysaka ha orepytyvõna ne mborayhu rehehápe; Nde, ore Jára, nde táva Jerusalen ha ne retã Israel oguerahágui nde réra porãite.

Oséas 14:2

Peñembyasyete pejapo vai haguére ha pejevy pende Ruete rendápe, ha peje ichupe: Emopotĩ ore rembiapo ky’a ha ejapyhy jevy ore ñemomba’eguasu rome’ẽséva ore kuave’ẽmby rendápe.

Matéo 18:35

Peichaite avei che Ruete yvága pegua ojapóta penderehe, peteĩteĩva napeperdonái ramo pende rapichápe pende py’aite guive.

Matéo 26:41

Peñeñangarekóke ha peñembo’e ani hag̃ua pe’a jepy’ara’ãme. Pe pytu porã ningo ikyre’ỹ, pe to’o (ánga) katu ikangyete.

Lúcas 11:5

Ha upéi he’i ichupekuéra: Oimeraẽva iñirũ añete ramo, ha oho ramo hendápe pyharepyte jepe ha he’i: Che amígo eiporukamína chéve mbohapy pan.

Lúcas 13:4

Térãpa peimo’ã umi 18 kuimba’e ári ho’ava’ekue pe Siloe pegua óga yvate, oñemoangaipaveva’ekue opaite ambue Jerusalenguakuéragui.

Lúcas 22:46

Upémarõ Hesu he’i ichupekuéra: Mba’érehe piko pekepeína. Pepu’ã ha peñembo’e ani hag̃ua pe’a jepy’ara’ãme.

Lúcas 8:13

Umi ita ári guare katu ningo umi ohendúva pe ñe’ẽ ha vy’apópe oñongatu ipy’apýpe. Ko’ãva katu ndahapói ojerovia porã hag̃ua, ha og̃uahẽ ramo pe jepy’ara’ã peteĩha opoi jevy ijerovia pyahúgui.

Juan 17:15

Ndajeruréi Nde reipe’a hag̃ua ichupekuéra ko yvy árigui, ajerure uvei Nde reñangareko hag̃ua hesekuéra mba’evaígui (Añagui).

1 Corintoyguakuérape 10:13

Umi jepy’ara’ã pehupitýva ndaipohyietereíri, yvy arigua reheguánte, Ñanderuete ndohejamo’ãi ipohyieterei pegueropu’aka’ỹ hag̃uáicha, hendivénte voi oĩ pe pohã pegueropu’aka hag̃ua ha Ha’e ome’ẽta peteĩ tape peropu’akapa hag̃ua.

Colosayguakuérape 3:13

Pejogueropu’aka ha peñoperdona, oime ramo oñemohembiapo vaíva; Hesu Crísto peneperdona haguéicha upéicha peperdona avei pende rapichápe.

2 Tesalonicayguakuérape 3:3

Hesu Crísto ndopoimo’ãi iñe’ẽ ome’ẽva’ekuégui, Ha’e voi penemombarete ha oñangarekohína penderehe mba’epochýgui.

2 Timotéope 4:18

Hesu Crísto voi oñangareko porã cherehe opaichagua mba’evaígui ha chemog̃uahẽ porãta hetãguasu yvága peguápe. Toñemomba’eguasu ichupe ára atyguasukuéra guive ára atyguasukuéra peve (tapia g̃uarã), taupéicha.

Tiágo 2:13

Umi oporoporiahuvereko’ỹva oñembojovakéta avei jeporiahuvereko’ỹre; upévare upe oporoporiahuverekóva natekotevẽi okyhyje pe ñembojovake áragui, (1 Pédro 4,8).

Apocalípsis 2:10

Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.