Lúcas 11:32

Ñanderuete Ñe’ẽ Porã 2015

Ha umi Niniveygua opu’ãta ombojovake ha ocondena hag̃ua ko’ag̃ayguakuérape. Ha’ekuéra ningo oñembyasyete ojapo vai haguére ohendu rire Jónas ñe’ẽ. Ha péina pene renondépe oñembo’yhína peteĩ ituichavéva Jónasgui.

Referencias Cruzadas

Jonas 3:4

Ha Jonas oikévo pe távape, ha’e oguata peteĩ ára pukukue ha upe ára jave omombe’u Ñanderuete ñe’ẽ ha he’i: Ko ára guive, 40 ára haguépe Nínive oñehundíta.

Jonas 3:5

Ha umi Niniveygua oguerovia Ñanderuetépe, ha ohechauka oñembyasyha hikuái, upévare ndokaruvéi ha oñemonde ao vosakuépe, itujavéva guive imitãvéva peve.

Jonas 4:9

Upévo Ñanderuete he’i Jonáspe: Iporã piko, ndepochy ipiru haguére ko mba’ysyvo kóva. Iporãite, he’i Jonas, chepochy amano hag̃uáicha.

Matéo 12:39

Ha Hesu he’i ichupekuéra: Peẽ ñemoñare ñaña ha peguata okárava piko pehechase techaukaha, mba’eveichagua techaukaha noñeme’ẽmo’ãi peẽme, pe proféta Jonas rehegua techaukahámante.

Matéo 12:41

Niniveyguakuéra oñemoĩva’erã mbojovakeha árape ko’ã ñemoñare ko’ãva rehe ha ocondenáta ichupekuéra, ha’ekuéra oñembyasýgui hi’angaipakuéragui Jonas ñe’ẽ rupi. Ha péina ápe oĩ mba’eguasuvéva Jonásgui (Hesu Crísto voi).

Lúcas 11:31

Pe kuñakarai oikova’ekue tetã ruvicha ramo sur gotýo opu’ãta ombojovake hag̃ua ko’ã kuimba’e ko’ãvape pe ñembojovakeha árape. Ha’e ou yvy paha guive Jerusalénpe ohendu hag̃ua Salomon arandu, ha peikuaa porãke ko’ápe oĩveha Salomon arandúgui (1 Réyes 10,1-10).

hebreoyguakuerape 7:26

Peichagua pa’iguasu ñaikotevẽ. Hesu Crísto ningo, heko porã, ipy’aporã, oñemomombyry angaipavóra rembiapo vaígui ha upévare oñemboyvateve ichupe yvagakuéragui.