Lúcas 11:2

Ñanderuete Ñe’ẽ Porã 2015

Ha Hesu he’i ichupekuéra: Peñembo’e ramo, péicha peje: Ore Ruete, toñemomba’eguasu nde réra. Ne retãguasu tou.

Referencias Cruzadas

1 Réyes 8:43

upérõ ehendumi Nde reikoha guive, yvága guive, ha ejapomi avei pe tetã ambueygua omba’ejeruréva ndéve, ikatu hag̃uáicha opaite ambue tetãyguakuéra oikuaa avei nde réra ha okyhyje avei ndehegui ne retã Israel okyhyje háicha, ha toikuaa nde réra oñehenoiha ko óga kóvape, che amopu’ãva’ekue ndéve g̃uarã.

2 Réyes 19:19

Ko’ág̃a, ore Ruete, ore Jára, orepe’a ipoguikuéra, ajerure ndéve, ha mayma yvy ape arigua toikuaa, nde añoitenteha ore Ruete, ore Jaratee.

2 Crónicas 20:6

Ha oñembo’e: Ore Ruete, ore rukuéra Jára, Nde ningo yvagakuéra Jára, ha nde poguýpe oĩmba tetãnguéra pu’aka. Nde pópe oĩ mbarete ha pu’akapa, ha ndaipóri avave ipu’akakuaáva nderehe.

Salmokuéra 103:20

Pemomba’eguasu Ñanderuetépe, peẽ angelkuéra imba’éva guive, peẽ pendepy’aguasu mbaretéva ha pejapóva guive iñe’ẽ, peẽ peneñe’ẽrendu porã hembiapoukapy he’ívape.

Salmokuéra 108:5

Eñembotuichaiteve umi yvágagui, ore Ruete, ha opaite yvy apére toñemosarambi nde reko jajaipáva.

Salmokuéra 11:4

Ñanderuete oĩ hogaguasúpe, Ñanderuete guapyhaguasu oĩ yvágape, hesakuéra ohechapa, hopeakuéra ombojovake yvyariguakuérape.

Salmokuéra 57:11

Reñemboyvate yvagakuéra ári, Nde, che Ruete, opa rupiete yvy ape ári toñemyasãi nde reko jajaipa.

Eclesiástes 5:2

Ha ani rembopya’e nde juru ome’ẽ hag̃ua peteĩ promésa Ñanderuete renondépe, nde reimégui yvy apére, Ha’e katu oĩ yvágape, upévare reñe’ẽ mboyve epensa porã ovale hag̃uáicha.

Isaías 63:16

Nde ningo ore Ruete, Abraham ndaorekuaái ha Israel naimandu’ái orerehe, Nde katu, ore Ruete, Nde ningo ore Jára, oresalvátava, nde réra oĩma ymaite guive (ko ára peve).

Ezequiel 36:23

Che añetehápe ambotuicha jevýta che reraguasuete, oñemongy’ava’ekue tetãnguéra apytépe, pene rembiapo vaieta rupi peẽ chemotĩva’ekue; ha umi tetã oikuaáta Che ha’eha pe Oikovéva tapia g̃uarã, he’i pende Ruete, ág̃a amboheko potĩ vove pende rekovépe hesakuéra renondepe.

Daniel 2:28

Oĩ katu peteĩ Jára yvágape, Ha’émante oikuaauka mba’e iñemimbýva, Ha’e voi ningo oikuaaukase tetã ruvichápe umi mba’e ojehútava umi ára pahápe. Péina ápe nde ke peguare ha umi ta’ãnga rehechava’ekue nde rupápe ko’ãva ha’e:

Daniel 2:44

Ko’ã tetã ruvicha árape Ñanderuete, Yvagakuéra Jára, omopu’ãva’erã peteĩ tetã guasutee noñehundimo’ãiva araka’eve, ha upe tetãguasutee ndo’amo’ãvéi ambue tetã poguýpe, hetã ruvichaguasurã ipu’akapa ha ohundipava’erã opaite tetãnguéra oĩva guive ko yvy apére, Ha’e katu oikóta opaite ára peve g̃uarã.

Daniel 7:18

Uperire pe tetãguasuete oñeme’ẽ pe Ijyvatetéva retãyguakuérape ha heko potĩvape g̃uarã, opytapa hag̃ua tapiaite imba’erã ramo.

Daniel 7:27

Ha oñeme’ẽta umi Ijyvatetéva retãygua heko potĩvape pe tetãguasu, pe pu’aka ha pe mburuvicha reko ha opaite tetãnguéra oĩva guive yvága guýpe. Upe ára guive Ñanderuete retãguasu ndopamo’ãvéima araka’eve, ha opaite pu’aka oservíta Ñanderuetépe ha iñe’ẽrendúta ichupe.

Oséas 14:2

Peñembyasyete pejapo vai haguére ha pejevy pende Ruete rendápe, ha peje ichupe: Emopotĩ ore rembiapo ky’a ha ejapyhy jevy ore ñemomba’eguasu rome’ẽséva ore kuave’ẽmby rendápe.

Levítico 10:3

Upéramo Moises he’i Aarónpe: Kóva ningo Ñanderuete he’iva’ekue: Umi oñembojávape cherehe, Che ahechaukáta che reko iporãha, ha mayma tetãygua renondépe ahechaukáta che reko jajaipa, Aaron katu okirirĩ.

Levítico 22:23

Ndejeheguínte reikuave’ẽse ramo reikuave’ẽkuaa avei ne rymba ikarẽva térã noĩmbáiva; reikuave’ẽse ramo katu peteĩ tymba reme’ẽgui ne ñe’ẽ pende Ruetépe (promésa, vóto) ndaikatuiete.

Habacuc 2:14

Ko yvy apére ojekuaapaitéta Ñanderuete reko jajaipa, pe y oñu’ãmba háicha yguasu.

Matéo 10:32

Upévare oimeraẽ ohechaukáva chekuaaha yvyariguakuéra apytépe, Che avei aikuaaukáta ichupe che Ru yvága pegua renondépe.

Matéo 3:2

Peñembyasýke, pejapo haguére mba’evai ha pejevýke Ñanderuete rendápe, Ha’e oisãmbyhýtama hetãguasúpe.

Matéo 5:16

Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.

Lúcas 11:1

Hesu oho peteĩ hendápe oñembo’e hag̃ua, ha oñembo’epávo, peteĩ hemimbo’e he’i ichupe: Ore Jára, orembo’éna ore roñembo’ekuaa hag̃ua, Juan ombo’e haguéicha hemimbo’ekuérape.

Romayguakuérape 1:7

Opaite peẽ peiméva guive Rómape Ñanderuete penderayhu ha pendeporavo pende reko porã hag̃ua. Ñandejára, Ñanderuete ha Ñandejára Hesu Crísto poriahuvereko ha ipy’aguapy toĩ penendive.

Romayguakuérape 8:15

Noñeme’ẽigui peẽme peteĩ Pytu Porãmbáva penemongyhyjéva peiko hag̃ua hembiguái ramo, oñeme’ẽ katu peẽme pe Pytu Porãmbáva peiko hag̃ua Ñanderuete ra’y ha itajýra ramo, ikatu hag̃ua peje: Nde ningo, che Ruete.

1 Corintoyguakuérape 1:3

Ñandejára Ñanderuete ha Ñandejára Hesu Crísto poriahuvereko ha ipy’aguapy tomyenyhẽ pende rekove.

2 Corintoyguakuérape 1:2

Ñandejara Ñanderuete ha Ñandejára Hesu Crísto tapenembopy’a porã ha tapenembopy’aguapy.

Galaciayguakuérape 1:4

Hesu Crísto oñeme’ẽva’ekue ojupe ñane rembiapo vai rehehápe, ñandepe’a hag̃ua ko ára atyguasu vaígui, Ñanderuete rembipota porã rupi.

Efesoyguakuérape 1:2

Ñandejára Ñanderuete ha Ñandejára Hesu Crísto py’aporã ha ipy’aguapy toĩ penendive.

Filipoyguakuérape 1:2

Pevy’a pe mborayhu ha pe py’aguapy rehe Ñandejára Ñanderuete ha Ñandejára Hesu Crísto ome’ẽva’ekue ñandéve.

Filipoyguakuérape 4:20

Toñemomba’eguasu Ñanderuete, Ñandejárape, ára atyguasu guive ára atyguasu peve.

Colosayguakuérape 1:2

ore hermanokuérape, ojeroviáva guive Hesu Crísto rehe; Ñandejára Ñanderuete jopói iporãmba jepéva (grácia) ha ipy’aguapy toĩ penendive.

1 Tesalonicayguakuérape 1:1

Páblo, Silváno ha Timotéo omomaitei pe iglésia Tesalónica peguápe, opytáva Ñandejára Ñanderuete ha Ñandejára Hesu Crísto poguýpe. Ñanderuete jeporiahuvereko ha py’aguapy toĩ penendive.

1 Tesalonicayguakuérape 1:3

Oremandu’a ore ñembo’épe Ñandejára Ñanderuete renondépe pende jerovia ha pene mborayhu rembiapo rehe ha rovy’a peropu’aka haguére opaite mba’e pene esperánza rupi, peguerekóva Hesu Crísto rehe.

2 Tesalonicayguakuérape 2:16

Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 15:4

Máva piko ndokyhyjemo’ãi ndehegui ha nanemomba’eguasumo’ãi. Nde añómante ningo nde reko porãite, upévare opaite tetãnguéra oúta nemomba’eguasu hag̃ua ojehechauka haguére Nde rembojovake porã ha hekoitépe.

Apocalípsis 19:6

Upérõ ahendu tetãygua atyguasu ñe’ẽpúicha, ku yguasu ryapúicha ha arasunu mbarete ryapúicha, he’íva: Alelúia! Oisãmbyhýma Ñandejára, Ñanderuete, pe Ipu’akapáva.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.