Lúcas 10:7

Ñanderuete Ñe’ẽ Porã 2015

Upe óga upévape pepyta, pekaru ha pemboy’u oñeme’ẽva guive peẽme, pe omba’apóva ningo ohupity avei hembiapo repy. Ani pehasapeína peteĩ ógagui ambueha ógape.

Referencias Cruzadas

Números 18:31

peẽ ha pende rogaygua pe’ukuaa peimeháme, péva hína pene rembiapo repykue pejapóva pe óga jojohuhápe.

Márcos 6:10

Ha he’i ichupekuéra: Peike ramo peteĩ ógape, pepyta upépe, peho jevy peve pe tava’ígui.

Lúcas 10:6

Ha upe óga upévape oiko ramo peteĩ ohayhúva pe py’aguapy, pende py’aguapy oñembohasáta avei ichupe g̃uarã, ha ndaipóri ramo avave ohayhúva py’aguapy, pe py’aguapy ojevýta peẽme g̃uarã.

Lúcas 9:4

Ha oimeraẽva óga peg̃uahẽháme ha peikérõ, pepytami, pesẽ jevy peve upégui.

Apostolkuéra 16:15

Ha ha’e ojebautizauka rire hogayguakuéra ndive ojerure asy oréve roiko hag̃ua hógape imbohupaharakuéra ramo, he’ívo: Hi’ã ramo peẽme che ajerovia hekópe Hesu Crísto rehe, peike ha pepyta che rógape.

Apostolkuéra 16:34

Uperire ogueraha ichupekuéra hógape ha omongaru ichupekuéra, ha ovy’aite hogayguakuéra ndive ojeroviaháre Hesu Crísto rehe.

Apostolkuéra 16:40

Ha osẽ rire pe cárcelgui oho Lídia rendápe, ha ohecha rire hikuái hermanokuérape omokyre’ỹ ichupekuéra ha oho hikuái.

Galaciayguakuérape 6:6

Upe oñehekombo’éva Ñanderuete ñe’ẽ porãite rehe tome’ẽ imbo’ehárape opaite mba’e oguerekóvagui avei.

Deuteronómio 12:12

Ha upépe pevy’a joava’erã pende Ruete renondépe, peẽ, pende ra’ykuéra, pende rajykuéra, pene rembiguái kuimba’e ha kuñakuéra ha umi Levigua oikóva pende apytépe; ha’ekuéra ndoguerekomo’ãigui penendive ilotekuéra, imba’eteerã.

Deuteronómio 18:8

upérõ ambue Leviguakuéra omboja’óta ichupe hembi’urã ha oñeme’ẽta ichupe avei pe pirapire ituvatee ohejámava ichupe g̃uarã.

1 Timotéope 5:13

Ha nomba’aposevéigui, ojepokuaa oiko rei, upéi oho oñandu ambue ogayguakuérape oikuaa ha ombohasa hag̃ua heta mba’e naiporãiva (hapicha rekovégui); ha’e he’i he’i’ỹva’erãva ha upéicha oporomoingo vai hapichakuéra oñondive.

2 Timotéope 2:6

Pe kokue jára omba’apo pohýiva ikokuépe, ohupity ra’ẽta ikoga’a.