Lúcas 10:27

Ñanderuete Ñe’ẽ Porã 2015

Ha ha’e ombohovái Hesúpe he’ívo: Rehayhuva’erã Ñanderuetépe nde py’aite guive, ha opaite ne ánga ha nde pu’aka reheve, ha opaite ne pensamiénto reheve ha ehayhu nde rapichápe nde voi rejehayhu haichaite.

Referencias Cruzadas

Levítico 19:18

Ani reñevenga ha ani ndepochýtei ne retãygua ndive, rehayhuva’erã katu nde rapichápe rejehayhu háicha ndejupe. Che ningo Jahve, pende Ruete.

Matéo 19:19

Emomba’ete nde ru ha nde sýpe, ha ehayhu nde rapichápe ndete rejehayhu háicha.

Lúcas 10:26

Ha Hesu he’i ichupe: Mba’épa Moises rembiapoukapykuérape he’i, ha mba’épa rejohu ipype.

Romayguakuérape 13:9

Upéicharupi: Ani rembyai ne mendare, ani reporojuka, ani remonda, ani reipota ne mba’e’ỹva, ha opaite ambue Moises rembiapoukapykuéra oñembyaty ha oĩmba ko tembiapoukapy kóvape: Ehayhu nde rapichápe nde rejehayhu haichaite.

Galaciayguakuérape 5:13

Che hermanokuéra, Ñanderuete ningo penerenói peiko hag̃ua teko sãsóme (libertádpe). Ani peiporu, pe teko sãso peiko jevy hag̃ua pende yvyarigua rete rembipota vai poguýpe. Peñopytyvõ uvei Hesu Crísto mborayhu reheve.

Deuteronómio 10:12

Israel, mba’épa Ñanderuete ojerure ndehegui. Ha’e oipota nde rekyhyje nde Járagui ha reguata hapykuéri ha rehayhu ichupe nde py’aite guive ha ne ánga mbytete guive;

Deuteronómio 30:6

Ñanderuete, Ñandejára, omopotĩta pende py’apy ha pene ñemoñarenguéra py’apy pehayhu hag̃ua añetehápe Jahve, pende Járape, pende py’aite ha pene ánga mbytete guive, peikove hag̃ua añetehápe.

Deuteronómio 6:4

Ehendúke Israel: Jahve, nde Ruete, peteĩnte hína Ha’e.

Deuteronómio 6:5

Ehayhu Jahve, nde Jaraitépe, nde py’aite ha ne angaite guive ha opaite nde pu’aka reheve.

hebreoyguakuerape 8:10

Upévare Ñanderuete he’i: Pe ñembopy’apeteĩ ajapótava Israel retã ndive umi ára umíva rire péicha ningo: Che amoĩta che rembiapoukapy ipensamientokuérape ha ahaíta ipy’apýpe, ha Che apytáta Ijaratee ramo ha ha’ekuéra che retãtee ramo (Romayguakuérape 10, 4).

Tiágo 2:8

Peẽ pejapo porãite, pejapo ramo añetehápe ha hekoitépe pe tembiapoukapy tuichavéva oĩva Ñanderuete kuatiañe’ẽme: Ehayhu nde rapichápe, nde rejehayhu háicha, (Levítico 19,18).

1 Juan 3:18

Che hermanokuéra ani japorohayhu ñande jurúpente térã ñe’ẽ rei rupínte, japorohayhu katu uvei añetehápe ñane rembiapo porã rupi.