Lúcas 10:21

Ñanderuete Ñe’ẽ Porã 2015

Ha pe hóra pévape Hesu ovy’aite Ipytu Porãme ha he’i: Che Ruete, yvy ha yvága Jára, Che romomba’eguasu, reñomi hag̃uére ko’ã mba’e iñarandúva ha heta mba’e oikuaávagui, ha rehechauka hag̃uére umi itavývape. Upeichaite voi Nde reipotava’ekue.

Referencias Cruzadas

Salmokuéra 24:1

Ko yvy kóva Ñanderuete mba’e voi ha opaite mba’e oĩva guive ipype; ko yvy ha mayma ipype oikóva guive imba’e avei.

Salmokuéra 25:14

Ñanderuete ohayhuhína umi okyhyjévape ichugui ha umi mba’e ha’ekuéra oikuaa’ỹva Ha’e omoarandúta ichupekuéra omoirũ porã guive ichupe.

Salmokuéra 8:2

Umi mitãmimi ha umi okambúva jurúgui remopu’ã nde róga yvate oñemombaretéva umi nderehe ija’e’ỹva rehehápe, remokirirĩ hag̃ua upe oporohayhu’ỹvape ha oñemoĩvape nderehe.

Isaías 29:14

Upévare Che ahechaukáta ko tetã kóvape tembiapo techapyrãva oporomongyhyjéva; opa rei hag̃ua umi iñarandúva arandu, ha ogue hag̃ua iñakã porãva.

Isaías 35:8

Ha upépe oĩta peteĩ tape, ha pe tape péva Ñanderuete oiporavóma, upérupi hembiapo vaíva ndohasamo’ãi, hapére heko potĩvante oguatáta, upe oikóva ko tape kóva rehe, ipytũve ramojepe, ndojavymo’ãi haperã.

Isaías 53:11

Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére.

Isaías 62:5

Peteĩ karia’y omenda háicha peteĩ kuñataĩ rehe, péicha nde apohare omendáta nderehe; ha pe ména ovy’a háicha hembireko ndive, péicha avei nde Jára ovy’áta nendive.

Isaías 66:1

Péicha he’i pende Ruete: Pe yvága che guapyha renda, ha pe yvy che pykuéra renda; mba’eichagua óga piko peẽ pemopu’ãkuaa chéve g̃uarã ha mba’épa peẽ pejapokuaa Che apytu’u hag̃ua.

Sofonías 3:17

Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.

Matéo 16:17

Upévo Hesu ombohovái ha he’i ichupe: Revy’aite nde Simon, Jonas ra’y, ndaha’éigui to’o térã tuguy ohechauka ndéve ko mba’e kóva, Che Ru yvága pegua añónte uvei.

Matéo 21:16

Ha oporandu ichupe: Rehendúpa ko’ã he’íva. Ha Hesu he’i ichupekuéra: Ahendu. Ndapejohúi piko Ñanderuete kuatiañe’ẽme: Umi mitãmi ha umi okambúva juru omomba’eguasu ichupe (Salmokuéra 8,2).

Matéo 3:7

Ha Juan ohechávo ouha heta fariséo ha saducéo ha’e obautizahápe, he’i ichupekuéra: Peẽ, mbói ñemoñare, mávapa penembo’e pekañýne hag̃ua pe pochyguasu oútavagui.

Márcos 10:15

Añetéko ha’e peẽme: Upe oiko’ỹva mitãicha, araka’eve ndoikeiva’erã Ñanderuete retãguasúpe (yvágape).

Lúcas 15:5

Ha ojohúvo ichupe ohupi vy’apópe ijati’y ári.

Lúcas 15:9

Ha ojohúvo ombyaty iñirũnguéra ha hóga ypy peguávape ha he’i ichupekuéra: Pevy’a chendive ajohu haguére che pláta pehẽnguemi okañyva’ekue chehegui.

Juan 11:41

Upémaramo oipe’a hikuái pe itaguasu, ha Hesu ojesaupi ha he’i: Che Ruete, Che agradece ndéve cherendu haguére.

2 Corintoyguakuérape 4:3

Ñanderuete ñe’ẽ porãite (evangélio) ojejaho’i ramo gueteri, upéicharõ ojejaho’i umi oñehundívape g̃uarãnte.

Efesoyguakuérape 1:11

Ñanderuete ñandeporavo Hesu Crísto rupi, Ha’e oipotágui jajesalva Ita’ýra rupi; Ñanderuete ojapopa hekópe Ha’e voi oipota háicha.

Efesoyguakuérape 1:5

Ymaite guive Ñanderuete ñandeporavo jaiko hag̃ua ita’ýra ha itajýra ramo Hesu Crísto rupi, imba’eteerã ramo hembipota porã rupi,