Lúcas 10:2

Ñanderuete Ñe’ẽ Porã 2015

ha he’i ichupekuéra: Añetehápe oĩ heta mba’e ñamono’õ hag̃ua, mbovymi katu oĩ umi omono’õva, upévare pejerure katu pe kokue Járape ombouve hag̃ua umi mono’õhára ikokueguasúpe g̃uarã.

Referencias Cruzadas

1 Réyes 18:22

Ha Elías he’i jevy hetãyguakuérape: Che añoite cheremby Ñanderuete proféta apytégui, ha Baal profetakuéra katu oĩ 450.

Salmokuéra 68:11

Ñanderuete ome’ẽma iñe’ẽ: Heta ombopoguy hesekuéra ija’e’ỹvape, heta ningo oĩ umi omombe’útava pe marandu porã:

Jeremías 3:15

Ha ame’ẽta peẽme pende rerekuarã chembovy’áva, oñangareko hag̃ua penderehe katupyry ha arandúpe.

Zacarías 11:17

Angái, peẽ ovecha rerekua pituva peheja reipáva pene rymbakuéra, kyse puku toikutu ijyva ha hesa akatúape, toñembopiru ichugui ijyva, ha hesa taiñypytũ.

Zacarías 11:5

ha umi ojoguáva ko’ã ovecha ojuka ichupekuéra oñembyasy’ỹre ha ovende rire he’i: Grácias Ñanderuetépe, ahupitýgui heta pirapire, iñangarekohára jepeve ndoiporiahuverekói ichupekuéra.

Números 11:17

Che aguejýta añe’ẽ hag̃ua nendive upépe, ha amboja’óta pe pytu porã oĩva ndepype amoĩ hag̃ua ipypekuéra; ha ha’ekuéra ogueraháta nendive ko tetã cárga pohýiva, ha ndererahamo’ãvéi neañónte.

Números 11:29

Ha Moises he’i jevy ichupe: Ndépa nerakate’ỹ cherehe. Mba’éicha tamora’e mayma Ñanderuete retãygua toiko proféta ramo ha Ñanderuete tome’ẽ ichupekuéra Ipytu Porãitéva.

Matéo 20:1

Ñanderuete retãguasu ningo ojoguaite ku óga járape osẽva ko’ẽjúvo oheka umi omba’apótava iparraltýpe.

Márcos 13:34

Ojogua peteĩ kuimba’épe ohóva mombyry, oheja hóga ha ome’ẽ peteĩteĩ hembiguaikuérape hembiaporã, ha he’iuka okẽ rerekuápe oñangareko porã hag̃ua.

Márcos 16:15

Ha Hesu he’i ichupekuéra: Tapeho opárupi, ko yvy jerekuévo, ha pemyasãi opavavépe ko evangélio.

Márcos 16:20

Hemimbo’ekuéra, oho ha omyasãi Ñanderuete ñe’ẽ oporombovy’áva opárupi ha Ñanderuete Ra’y oipytyvõ ichupekuéra ha omoañete iñe’ẽ techaukahakuéra (señalkuéra) rupi.

Lúcas 9:1

Upéi Hesu ohenói umi 12 hemimbo’ekuérape ha ome’ẽ ichupekuéra pu’aka omosẽ hag̃ua mba’epochykuérape ha omonguera hag̃ua hasývape.

Apostolkuéra 11:19

Ha umi hermanokuéra oñemosarambiva’ekue ojepersegui haguére Estéban jejuka arakuérape oho Fenícia, Chípre ha Antioquía, Síria pegua peve. Ha’ekuéra katu omombe’únte Judayguakuérape Hesu Crísto evangélio (marandu porã).

Apostolkuéra 13:2

Ha’ekuéra oñembyaty oajuna (ojeko’akúpe) ha omomba’eguasu hag̃ua Ñanderuetépe, pe Pytu Porãmbáva katu he’i ichupekuéra: Pemboyke chéve g̃uarã Bernabe ha Sáulope pe tembiaporãme che ame’ẽmava’ekuépe ichupekuéra.

Apostolkuéra 13:4

Upéicha pe Pytu Porãmbáva omondo Bernabe ha Sáulo Seléuciape, ha upégui omondo ichupekuéra bárcope Chíprepe.

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

Apostolkuéra 22:21

Ha Hesu he’i chéve: Tereho, Che romondóta mombyry tetã ambueyguakuéra apytépe.

Apostolkuéra 8:4

Umi oñemosarambiva’ekue katu oñepyrũ omyasãi opárupi Hesu Crísto evangélio (marandu porã).

1 Corintoyguakuérape 12:28

Ñanderuete voi omoĩma ijiglésiape: Tenonderãme apostolkuéra (temimondo), mokõiháme katu proféta, mbohapyhápe mbo’ehára, ambuépe ome’ẽ pu’aka ojapo hag̃ua milágro, upéi me’ẽmby oporomongueráva, me’ẽmby oporopytyvõva (diácono), me’ẽmby oporomoakãva (oporosambyhykuaáva), me’ẽmby oñe’ẽva hetaichagua ñe’ẽ ojekuaa’ỹva.

1 Corintoyguakuérape 15:10

Ñanderuete poriahuvereko rupínte katu che ha’e pe ha’éva, ha pe mborayhu Ha’e oiporúva cherehe ndareíri, añeha’ãmbave opaite ambuekuéragui. Ndachéi jepe ningo, Ñanderuete rembiapo rupi uvei, ipy’aporã chemyañáva,

2 Corintoyguakuérape 6:1

Ore poavisase Hesu Crísto rembiguái ramo, ani hag̃ua peipyhy rei Ñanderuete poriahuvereko.

Filipoyguakuérape 2:21

Opavave ningo oheka imba’erãnte, noñeha’ãi ojapo hag̃ua Hesu Crísto rembipota.

Filipoyguakuérape 2:25

Hi’ã ningo chéve amondo jevyva’erãha che hermáno Epafrodíto pene rendápe, ha’e che pytyvõhára ha che ñorãirõ irũ porãva, peẽ voi pembou ichupe che rendápe che remikotevẽrã reheve.

Filipoyguakuérape 2:30

Hesu Crísto rembiapo rehehápe ningo ha’e haimete omano, nahakate’ỹi hekove rehe chepytyvõ porã hag̃ua pene rendaguépe.

Colosayguakuérape 1:29

upevarã che voi añeha’ãmba, ha añeha’ãmbaite ipu’aka rupi.

Colosayguakuérape 4:12

Epáfras penemomaitei avei, ha’e ningo pendereheguáva, ha Hesu Crísto rembiguái, ipy’a ojejopy oikóvo penderehe ha iñembo’épe ha’e ojerure peẽ peñemombareteve hag̃ua pehóvo pende jeroviápe pejapopa hag̃ua Ñanderuete rembipota.

1 Tesalonicayguakuérape 2:9

Peẽ ore hermanokuéra, penemandu’a porã gueteri, ore roñeha’ãmba hague romba’apo hag̃ua (ore pópe) ára ha pyharépe ani hag̃ua orepohýi peẽme, romyasãi aja peẽme Ñanderuete ñe’ẽ.

1 Tesalonicayguakuérape 5:12

Rojerure ningo peẽme, ore hermanokuéra, pehechakuaa hag̃ua umi omba’apóva ha omoakãva pe iglésia rembiapo (ancianokuéra) pende apytépe ha umi penerekombo’évape.

2 Tesalonicayguakuérape 3:1

Ipahápe, ore hermanokuéra, peñembo’éke orerehe, Hesu Crísto ñe’ẽ porãite ta’iñasãi porã ohóvo ha tojejerovia hese, ojehu haguéicha pende apytépe.

1 Timotéope 4:10

Upevarã romba’apo ha roñeha’ãmba, romoĩgui ore esperánza Ñanderuete Oikovévare; Ha’e ningo osalváse opavavépe, osalváma katu umi ojeroviávape hese.

2 Timotéope 4:5

Nde, Timotéo, eñeñangareko porã opaite mba’épe, eropu’aka pe jehasa asy, ejapopa hekópe ha emyasãi porãke Ñanderuete ñe’ẽ porãite.

Filemónpe 1:1

Che, Páblo, aĩ cárcelpe Hesu Crísto rehehápe ha che hermáno Timotéo ndive, ore romomaiteiuka ndéve, nde, Filemon, ore rembiapo irũ rohayhuetéva,

hebreoyguakuerape 3:6

Hesu Crísto katu ojapo hekoitépe Ñanderuete rembipota ita’yratee ramo opaite Ñanderuete rogayguakuéra apytépe, ha pe óga Ñanderuete omopu’ãvahína ñande voi, jajerovia ramo vy’apópe hese ha ñaha’ãrõkuaa ramo umi mba’e ñambo’etevañaína ipaha peve.

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.