Lúcas 10:18

Ñanderuete Ñe’ẽ Porã 2015

Hesu katu he’i ichupekuéra: Che ahechava’ekue Satana, aratirícha ho’a ramo yvágagui.

Referencias Cruzadas

Isaías 14:12

Mba’eichaite piko re’a áragui nde, mbyja ko’ẽ megua, nde. Rejeity yvyete rehe, nde remokangypava’ekue ambue tetãnguérape.

Matéo 4:10

Upérõ Hesu ombohovái ichupe: Tereho, nde Satana, Ñanderuete kuatiañe’ẽme ojehai avei: Ñandejára, Ñanderuete renondépe añoite ija reñesũ ha reñembo’évo ichupe ha ichupe añoitente rejejokuaiukava’erã, (Deuteronómio 6,13).

Juan 12:31

Ko’ág̃a oñembojovakéta ko múndope ha oñemosẽta avei okápe Satana, ko múndo ruvichápe.

Juan 16:11

Ha ohechaukáta oñembojovakemaha ko múndo ruvicha, Satanáme.

hebreoyguakuerape 2:14

Ita’yrakuéra ho’o ha huguýgui, oñeme’ẽ avei Hesu Crístope to’o ha tuguy, imano rupi Ha’e ombopoguy hag̃ua Satanáme, pe ñemano jarakuépe,

1 Juan 3:8

Pe hembiapo vaíva katu aña mba’e, pe aña oñemohembiapo vaígui ñepyrũ guive. Upévare ningo Ñanderuete Ra’y ou, ombyai hag̃ua aña rembiapo.

Apocalípsis 20:2

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.

Apocalípsis 9:1

Ha pe yvága rembiguái 5-ha ombopúvo ituru ahecha peteĩ jasytata ho’áva áragui yvýpe, ha oñeme’ẽ ichupe pe yvykua pypukuete lláve.