Lúcas 10:16

Ñanderuete Ñe’ẽ Porã 2015

Oimeraẽ penerendúva guive, cherendu chéve avei, ha oimeraẽ penemboykéva, chemboyke chéve avei, ha oimeraẽ chemboykéva omboyke avei pe chembouva’ekuépe.

Referencias Cruzadas

Éxodo 16:7

ha pyhareve pehecháta Ñanderuete reko jajaipa, Ha’e ohendúgui pekaguaiha hese, ha orerehe mba’e piko ore, pekaguái avei orerehe.

Éxodo 16:8

Moises he’i avei: Ñanderuete ome’ẽta peẽme ko ka’arúpe so’o pe’uva’erãva ha pyharevekue pan peneryg̃uatã hag̃ua; Ñanderuete ohendúgui, mba’éichapa peñe’ẽguyguýkuri hese; ha ore piko mba’e mba’e. Pene ñe’ẽguyguy ndaha’éi orerehe, Ñanderuete rehe uvei.

Malaquías 1:6

Pe ta’ýra omomba’e itúvape, ha pe tembiguái ijárape. Ha Che, pende Ruete ramojepe, mba’érehepa peẽ nachemomba’éi: Che ningo pende Ruete ha mba’éichapa peẽ ndapekyhyjéi chehegui. Péicha pende Ruete he’i ipa’ikuérape: Peẽ chemboyke, ha peẽ peje: Moõpa ore romboykéra’e.

Números 14:11

Ha Ñanderuete he’i Moiséspe: Araka’e pevépa ko’ã tetãygua chembopochýta. Araka’e pevépa ndojeroviamo’ãi cherehe, jepevémo ajapo umi milágro ijapytepekuéra.

Números 14:2

Ha Israel ñemoñarenguéra oñe’ẽvai Moises ha Aaron rehe; ha mayma Israelguakuéra he’i ichupekuéra: Romanonteva’erãmo’ã Egípto retãme, térã romanova’erãmo’ãra’e ko desiérto kóvape.

Números 16:11

Upéicharupi peẽ ha penendive oĩva peñembyatýva guive peñemoĩ Ñanderuete rehe; ha ndaha’éi Aaron rehe, ha mba’éiko ha’e, peñe’ẽ vai hag̃ua hese.

Matéo 10:40

Oimeraẽ penemog̃uahẽva hógape, chéve chemog̃uahẽ; ha oimeraẽ chemog̃uahẽva, omog̃uahẽ chembouharépe (Ñanderuetépe).

Matéo 18:5

Ha upe omog̃uahẽva koichagua mitãme, chéve chemog̃uahẽ.

Márcos 9:37

Oimeraẽ omog̃uahẽva koichagua mitãme che rérape, chéve chemog̃uahẽ ha pe chéve chemog̃uahẽva, nachemog̃uahẽi chéve año, pe chembouva’ekuépe avei.

Lúcas 9:48

ha he’i ichupekuéra: Oimeraẽva omog̃uahẽva ko mitã kóvape che rérape, chéve chemog̃uahẽ. Ha upe chemog̃uahẽva hekovépe, omog̃uahẽ pe chembouva’ekuépe. Upe michĩvéva pende apytépe, upéva ningo pe tuichavéva.

Juan 12:44

Hesu katu oñe’ẽ hatã ha he’i: Upe ojeroviáva cherehe, ndojeroviái cherehénte, ojerovia uvei pe chembouva’ekue rehe,

Juan 12:48

Upe chemboykéva ha ndojapóiva che ñe’ẽ, ojohúma imbojovakehára, pe ñe’ẽ Che amombe’úva, upéva voi ombojovakéta ichupe.

Juan 13:20

Añetehápe, añetehápe, ha’e peẽme: Upe omog̃uahẽva Che amondova’ekuépe, chéve chemog̃uahẽ. Ha ha’e omog̃uahẽ pe Chembouva’ekuépe.

Apostolkuéra 5:4

Revende’ỹ rire ne mba’eva’erãmo’ã gueteri, ha revende rire opaite pe yvy repykue ne mba’e gueteri avei. Mba’épa ojehu nde remoĩ hag̃ua ko mba’evai kóva nde py’apýpe. Nde nandejapúi hermanokuérape, Ñanderuetépe uvei ndejapu.

Galaciayguakuérape 4:14

ha che rete peporombojeguaru ramojepe, peẽ napeñemomombyrýi chehegui, napetĩri chehegui ni napendyvúi che renondépe, peẽ chemog̃uahẽ porã uvei ku Ñanderuete yvága remimondóicha, térã Hesu Crístoicha.

1 Tesalonicayguakuérape 4:8

Upéicha, upe omboykéva ko tekombo’e kóva nomboykéi hapichápe, omboyke uvei Ñanderuetépe, Ha’e ome’ẽgui Ipytu Porãmbáva pendepype.