Lúcas 10:14

Ñanderuete Ñe’ẽ Porã 2015

Upévare ivevuiveva’erã pe castígo oñeme’ẽtava Tíro ha Sidónpe pendehegui pe ñembojovakeha árape.

Referencias Cruzadas

Joel 3:4

Ha avei peẽ, Tíro, Sidon ha Filistéa retã tuichakue, mba’épa pejapose. Pemyengoviase piko Che ajapova’ekue penderehe térã peẽ voi peñorãirõse chendive, peju pya’e Che aity jevy hag̃ua hepykue pene akã ári.

Amos 1:9

Péicha he’i pende Ruete: Mbohapy Tíro angaipaguasu rupi, ha opoi rãngue hembiapo vaígui ojapove uvei pe irundyha, upévagui Che naperdonamo’ãi ichupekuéra ovende rehe che retãyguakuérape ojegueraha hag̃ua tembiguái ramo Edom retãme.

Amos 3:2

Tetãnguéra yvy ape apytégui Che poiporavova’ekue, upévare Che pohaviráta pemboyke haguére che rembipota.

Matéo 10:15

Añetehápe Che ha’e peẽme upe ñembojovakeha árape ivevuivéta pe jehavira Sodóma ha Gomórra retãme g̃uarã, umi táva umívape g̃uarãgui.

Matéo 11:21

Angái nde Corazin, angái nde Betsáida, Tíro ha Sidónpe ojejapo rire umi tembiapo techapyrãva, ojejapova’ekue pende apytépe, ymáma oñembyasyva’erãmo’ã oiko vai haguére, ao vosakuépe ha tanimbupápe oikova’erãmo’ã hikuái.

Juan 3:19

Kóva ningo pe ñembojovake oúva Tesape rupi ko yvy ape ári, tetãyguakuéra ohayhuve pe pytũme tesapégui, ha ndohechaséi hembiapokuéra ivaiha.

Romayguakuérape 2:1

Upévare, nde kuimba’e térã nde kuña ndaiporimo’ãi ndéve g̃uarã peteĩ discúlpa taha’e ha’éva, umi mba’e nde rembojovakéva nde rapicha rekovépe, upeichaite Ñanderuete nembojovake jevyva’erã avei ne rembiapokue rehe.

Romayguakuérape 2:27

Umi ojapóva Ñanderuete rembiapoukapy noñekytĩ’oiva’ekue ramojepe, ombojovakéta Israelguakuérape Ñanderuete ñembojovakeha árape, ko’ãva oikuaa porãgui Moises rembiapoukapykuéra katu ndojapói hikuái, oñekytĩ’o ramojepe hikuái.