Lúcas 1:9

Ñanderuete Ñe’ẽ Porã 2015

Pa’ikuéra ojepokuaa háicha, po’a rupi, ho’a ichupe oike hag̃ua Ñanderuete rogaguasúpe omohatatĩ hag̃ua mba’e ryakuã iporãitéva,

Referencias Cruzadas

1 Crónicas 23:13

Amram ra’ykuéra: Aaron ha Moises. Ha Aaron ojeporavo oiko hag̃ua Ñanderuete rogaguasu rembiapópe, ha’e ha ita’yrakuéra opaite árape ohapy hag̃ua mba’e ryakuã porã Ñanderuete renondépe, ha ohovasa hag̃ua Ñanderuete rérape hetãyguakuérape opaite árape.

1 Crónicas 6:49

Aaron ha ita’yrakuéra oikuave’ẽ kuave’ẽmby ojehapypáva kuave’ẽmby renda ári, ha pe kuave’ẽmby renda mohyakuãha ári ohapy mba’e ryakuã porã ha ojapo opaichagua tembiapo ojejapova’erãva guive pe tenda oñemboykéva Ñanderuetépe g̃uarã, ha oikuave’ẽ avei hikuái kuave’ẽmby angaipa reheguáva Israel rehe, Moises, Ñanderuete rembiguái, he’i haguéicha ojejapo hag̃ua.

2 Crónicas 26:16

Ha oñemombaretete rire ou oñembotuicha ipy’apýpe iñehundirã gotýo; opu’ãgui Ñanderuete, Ijára rehe, oikévo Ñanderuete rógape omotimbo hag̃ua mba’e ryakuã porã pe mohyakuãha kuave’ẽmby renda ári.

2 Crónicas 29:11

Che ra’ykuéra ani peñembotavýtei ko’ág̃a, Ñanderuete ningo pendeporavo peime hag̃ua henondépe ha pemomba’eguasu hag̃ua ichupe, ha peiko hag̃ua hembiguái ramo, ha pehapy hag̃ua ichupe mba’e ryakuã porã.

Números 16:40

Israel ñemoñarenguéra imandu’a hag̃ua Aaron ñemoñarenguérante oikuave’ẽva’erãha mba’e ryakuã porã Ñanderuete renondépe, ha ani hag̃ua ojehu ichupekuéra Core ha iñirũnguérape ojehu haguéicha ha Ñanderuete he’i haguéicha ichupe Moises juru rupi.

Matéo 27:5

Upémaramo Júdas omombo umi 2.000.000 guarani Ñanderuete rogaguasúpe ha osẽ upégui ha oho ojejuvy.

hebreoyguakuerape 9:6

Upéicha oñembosako’i ko’ã mba’e, oĩmba hag̃ua; pe kotyguasu oñemboyke pa’ikuérape g̃uarã térã kotyguasu peteĩháme oike pa’ikuéra meme árape ojapo hag̃ua pe cúlto rehegua rembiapokuéra.

1 Samuel 2:28

Che poiporavova’ekue che pa’irã opaite Israel ñemoñare apytégui, peikuave’ẽ hag̃ua che kuave’ẽmby renda ári, pehapy hag̃ua mba’e ryakuã asy, pemonde hag̃ua poncho mbyky, pa’ikuéra omondéva che renondépe, ha ame’ẽ nde ru rogayguakuérape Israel ra’ykuéra kuave’ẽmbýgui.