Lúcas 1:8

Ñanderuete Ñe’ẽ Porã 2015

Ojehu ningo Zacarías omba’apo jave Ñanderuete rogaguasúpe, pa’i Abías atýpe.

Referencias Cruzadas

1 Crónicas 24:19

Ko’ã aty aty ojeporavókuri hembiaporãme, oike hag̃ua Ñanderuete rogaguasúpe oje’e hagueichaite ichupekuéra itúva Aaron rupi, ha Ñanderuete, Israel Jára, he’i hagueichaite ichupekuéra ojapo hag̃ua.

1 Crónicas 24:2

Nadab ha Abiu omano raẽ, itúva mboyve, ha ndaita’ýrai hikuái, upévare Eleazar ha Itamar oikónte pa’i ramo.

2 Crónicas 11:14

Umi Levigua ohejapa ijyvykuéra ha opaite mba’e oguerekóva guive, ha ou hikuái Juda yvýpe ha Jerusalénpe; Jeroboam ha ita’yrakuéra oipe’águi ichuguikuéra Ñanderuete rembiapo.

2 Crónicas 31:19

Aaron ñemoñarenguérape g̃uarã, umi pa’i oiko ha omba’apóva ambue Israel távape, upéicha avei umi ambue Levi ñemoñarenguérape (oñeme’ẽva’erã avei imba’erã, pe diézmogui). Ojeporavo avei opaite távape umi kuimba’e ombohasáva pa’ikuérape ha Leviguakuérape ipoteépe imba’erãva.

2 Crónicas 31:2

Upéi Ezequías omboja’o umi pa’i ha Leviguakuéra aty atýpe, peteĩteĩva omba’apo hag̃ua hi’araitépe; umi pa’i ha Levigua oikuave’ẽ hag̃ua kuave’ẽmby ojehapypáva ha py’aguapy reheguáva, ha ojapo hag̃ua avei ambue tembiapo omboete ha omomba’eguasu hag̃ua Ñanderuetépe hogaguasu korapýpe.

2 Crónicas 8:14

Ha omoĩ pa’ikuérape hembiaporãme, omba’apo hag̃ua aty atýpe David, itúva he’i haguéicha, ha upéicha omoĩ avei Leviguakuérape hembiaporãme omomba’eguasu hag̃ua ha oipytyvõ hag̃ua pa’ikuérape hembiapópe, opavave hi’araitépe; ha upéicha avei umi okẽ ñangarekoharakuéra, peteĩteĩva oñangareko hokẽnguéra rehe hi’arakuérape; péicha David, Ñanderuete rembiguái, he’iukava’ekue.

Ésdras 6:18

Ha omoĩ hikuái pa’ikuéra omba’apova’erãva aty atýpe Ñanderuete rogaguasu rembiapópe, ha umi Levigua aty oñemboja’o haguéicha omba’apo hag̃ua avei Ñanderuete rogaguasúpe Jerusalénpe, ojehai háicha Moises kuatiañe’ẽme.

Éxodo 28:1

Remog̃uahẽta ne rendápe nde ryke’y Aaron ha ita’yrakuérape: Nadab, Abiu, Eleazar ha Itamar. Ha’ekuéra oiko hag̃ua che pa’ikuéra ramo Israel ñemoñarenguéra apytépe.

Éxodo 28:41

Péicha remondéta umi ao nde ryke’y Aaron ha ita’yrakuérape; remonáta hesekuéra acéite ha emboheko potĩ oiko hag̃ua che pa’ikuéra ramo.

Éxodo 29:1

Ko’ã mba’e rejapova’erã emboheko potĩ hag̃ua ichupekuéra oikokuaa hag̃ua che pa’ikuéra ramo: Eiporavo peteĩ tóro ra’yrusu ha mokõi ovecha ra’yrusu iporãitéva;

Éxodo 29:44

Amboykéta pe óga jojohuha ha pe kuave’ẽmby renda che mba’erã ramo, ha Aaron, ita’yrakuéra ndive, oikóta che pa’ikuéra ramo.

Éxodo 29:9

Reiku’akuáta Aaron ha ita’yrakuérape ijokuahápe ha remoĩta ichupekuéra iñakã rehegua ha’ekuéra oiko hag̃ua che pa’ikuéra ramo opaite ára peve. Péicha emboykéta Aaron ha ita’yrakuérape chéve g̃uarã.

Éxodo 30:30

Emona avei Aaron ha ita’yrakuérare, oiko hag̃ua che mba’e ha che pa’ikuéra ramo.

Números 18:7

Nde, Aaron, ha nde ra’ykuéra peñangarekóta pendejehe pa’i rekoitépe opaite mba’e ojejapóva guive pe kuave’ẽmby rendápe ha óga jojohuha kotykuérape péva ningo pene rembiapo, Che ame’ẽma peẽme peiko hag̃ua pa’i ramo; oimeraẽ ndaha’éiva pa’i ha ojapo ramo pa’i rembiapo omanova’erã.

Lúcas 1:5

Oikova’ekue Heródes, Juda retã ruvicha árape, peteĩ pa’i hérava Zacarías, omba’apóva pa’i Abías atýpe, ha hembireko Elisabet, Aaron ñemoñaréva.

Lúcas 1:7

Ha’ekuéra katu naiñemoñaréi, Elisabet ndaikatúigui imemby, ha’e ig̃uaig̃uíma ha iména itujáma.