Lúcas 1:72

Ñanderuete Ñe’ẽ Porã 2015

Oiporiahuverekóvo ñande ru ypykuérape ha Ñanderuete ndahesaráirigui pe ñe’ẽme’ẽ ome’ẽmava’ekue ichupekuéra.

Referencias Cruzadas

Genesis 12:3

Ahovasáta umi nderovasávape, ha umi nemaldecívape Che amaldecíta avei ha nderupi ojehovasava’erã opaite tetãnguéra oĩva guive ko yvy apére.

Genesis 22:18

Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

Genesis 26:4

Amboheta hetavéta ne ñemoñarenguéra mbyjakuéra árare oĩ háicha, ha ne ñemoñarenguérape ame’ẽmbaitéta ko yvy kóva; ha mayma tetã yvy ariguáva ojehovasava’erã ne ñemoñarenguéra rupi,

Genesis 28:14

Ha ne ñemoñare hetáta ku yvy timbóicha, ha reñemyasãita kuarahyreike ha kuarahyresẽ gotýo, yvatévo ha yvy gotýo; ha yvy ape ariguakuéra ojehovasáta ne ñemoñarenguéra rupi.

1 Crónicas 16:16

Ha’e oñembopy’apeteĩ Abraham ndive, ha ome’ẽ iñe’ẽ Isaácpe;

Salmokuéra 105:42

Ñanderuete imandu’águi iñe’ẽme’ẽ rehe, ome’ẽva’ekue hembiguái Abrahámpe.

Salmokuéra 106:45

Ñanderuete imandu’a jepi iñe’ẽme’ẽ rehe, ha oiporiahuvereko jevy jey, Ha’e ipy’a porãgui.

Salmokuéra 111:5

Umi ichugui okyhyjévape Ha’e ome’ẽ hembi’urã, opaite ára peve imandu’a hag̃ua iñe’ẽme’ẽ rehe.

Salmokuéra 98:3

Ha’e imandu’a iporiahuvereko rehe ha iñe’ẽ añetegua rehe Israel ndive g̃uarã, opaite yvyarigua yvy apýra peve ohecháta Ñanderuete salvacion rembiapo.

Ezequiel 16:60

Upeichavéramo jepe Che chemandu’a jevýta pe ñe’ẽme’ẽngue rehe aja pova’ekue nendive ne mitãrusuha árape, ha añembopy’apeteĩta nendive tapia g̃uarã.

Ezequiel 16:8

Ha ag̃uahẽ jevývo nde ypýpe, ha ama’ẽ ramo nderehe, péina rejúma mborayhu rekávo; ha aipyso che ahoja ndeári añu’ã hag̃ua nde rete opívo; ha ame’ẽ che ñe’ẽ ndéve, nde Ruete ramo, ha reikova’ekue che mba’e ramo.

Levítico 26:42

Upéicharamo chemandu’a jevýta che ñe’ẽ ame’ẽva’ekue rehe Jacóbope, ha avei che ñe’ẽme’ẽ Isaac ha Abrahámpe, chemandu’a jevýta avei ko yvy kóva rehe.

Miquéas 7:20

Nde remoañete pe ñe’ẽ reme’ẽva’ekue ymaguare ore rukuérape, Abraham ha Jacóbope, ha rehechauka jevýta ne mborayhu ha nde jeporiahuvereko.

Romayguakuérape 11:28

Ko’ág̃a heta Israelguakuéra oñemoĩ gueteri Hesu Crísto evangélio rehe ha upévare avei penderehe, upeichavéramo jepe Ñanderuete ohayhuhína Israelguakuérape iñepyrũha ára guive, Ha’e oiporavógui ichupekuéra.

Romayguakuérape 9:4

Ñanderuete voi ningo oiporavova’ekue ichupekuéra hetãtee ramo, ita’yrakuéraicha, ohechaukáma ichupekuéra heko jajaipa, ome’ẽ ichupekuéra heta promésa ha ikuatiañe’ẽ, ome’ẽ ichupekuéra Moises rupi hembiapoukapykuéra ha ohechauka ichupekuéra mba’éichapa icúltope omomba’eguasuva’erã Ijapoharépe, ome’ẽ avei ichupekuéra heta profecía.