Lúcas 1:68

Ñanderuete Ñe’ẽ Porã 2015

Toñemomba’eguasu Ñanderuetépe, Israel Jára, Ha’e oguejýma hetãme osalva hag̃ua.

Referencias Cruzadas

Genesis 14:20

Toñemomba’eguasu Ñanderuete, pe Jára Ipu’akapáva, omoĩva’ekue nde poguýpe umi nderehe ija’e’ỹvape. Ha Abram ome’ẽ ichupe opaite mba’égui pe diézmo (10 mymbágui peteĩ).

Genesis 24:27

ha he’i: Toñemomba’eguasu Ñanderuete, che jára Abraham Járape nomboykéi haguére ichugui ijeporiahuvereko ni ipy’a porã, Ha’e voi chesãmbyhy che rape rehe, ag̃uahẽ meve che jára ryvy rógape.

Genesis 9:26

Ha he’ive: Toñemomba’eguasu Sem Jára, ha Canaan toiko hembiguái ramo,

1 Réyes 1:48

Ha tetã ruvicha he’i avei: Toñemomba’eguasu Israel Járape, omboguapýgui ko árape Salomónpe che guapyhápe, ha che ahecha ichupe che resatee rupi.

1 Réyes 8:15

Ha Salomón he’i: Toñemomba’eguasu Israel Járape, ojapopágui iñe’ẽ he’imava’ekue che ru Davídpe, he’ívo:

1 Crónicas 29:10

Upérõ tetã ruvicha David omomba’eguasu Ñanderuetépe opaite Israelgua ijatýva renondépe, ha he’i: Toñemomba’eguasu Ñanderuetépe, Israel Jára, ára atyguasu guive ára aty guasukuérape g̃uarã.

1 Crónicas 29:20

Upéi David he’i opaite hetãyguakuérape: Pemomba’eguasu ko’ág̃a Ñanderuete, pende Járape. Upéramo opaite ijatýva guive omomba’eguasu Ñanderuetépe, ituvakuéra Járape, ha oñesũ ha oñembo’e hikuái Ñanderuetépe, tetã ruvicha renondépe.

Salmokuéra 106:48

Toñemomba’eguasu Ñanderuete, Israel Járape, peteĩ ára atyguasu guive ambue ára atyguasu peve, ha mayma tetã te’i joaite: Taupéicha, amen, alelúia.

Salmokuéra 111:9

Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

Salmokuéra 130:8

Ha’émante oipe’a Israel rembiapo vaikue.

Salmokuéra 41:13

Toñemomba’eguasu ore Ruete, Israel Járape, ára atyguasu guive ára atyguasu peve, amen (taupéicha).

Éxodo 4:31

Ha hetãyguakuéra oguerovia; ha ohendúvo hikuái Ñanderuete oúma oñandu hag̃ua Israel ñemoñarenguérape ha Ha’e ohecha hague iñangekõinguéra, oñesũ hikuái ha omomba’eguasu Ñanderuetépe.

Lúcas 1:71

Ko mburuvichaguasu kóva ñandepe’áta opaite ñanderehe ija’e’ỹva pógui ha umi oñemoĩva ñanderehe poguýgui.

Lúcas 19:44

Nderehe ija’e’ỹva ndereitypáta yvýre ha ne mitãkuérape avei; ha ndohejamo’ãi peteĩ ita jepe ojo’ári, (Salmokuéra 137,7), nderehechakuaái haguére pe hóra porãitéva nde Jára ou neandúvo.

Lúcas 2:38

Ha pe hóra pévape ha’e og̃uahẽ avei Hesu oĩháme, ha omomba’eguasu Ñanderuetépe ha oñe’ẽ Hesu rehe opavave oha’ãrõvape guive Jerusalen salvacion.

Lúcas 24:21

Ore roha’ãrõ’akue Ha’e osalvataha Israélpe, ha ohasáma ko’ág̃a mbohapy ára Ha’e ojejuka hague.

Lúcas 7:16

Ha okyhyjepa joa hikuái ha omomba’eguasu Ñanderuetépe he’ívo: Peteĩ proféta tuichaitéva opu’ã ñande apytépe, Ñanderuete oñandúma hetãme.

Efesoyguakuérape 1:3

Toñemomba’eguasu Ñanderuete ha Ñandejára Hesu Crísto Rúpe, Ha’e ome’ẽ haguére ñandéve opaichagua yvága pegua jopói (jehovasa Pytu Porãmbáva rehegua) Hesu Crísto rupi.

Efesoyguakuérape 1:7

Hesu Crísto ruguy ñandesalva ha Ha’e operdona avei ñane rembiapo vai, ipy’aporã ituichaitégui.

hebreoyguakuerape 9:12

Hesu Crísto ndoikéi kavara térã vakara’y ruguy reheve pe kotyguasu oñemboykéva Ñanderuete ha pa’iguasúpe g̃uarã, huguytee reheve uvei oike peteĩ jevýnte ohupity hag̃ua tetãnguérape g̃uarã pe salvacion tapia g̃uarãva.

1 Pédro 1:3

Toñemomba’eguasu Ñandejára Ñanderuete ha Hesu Crísto Rúpe iporiahuvereko rupi omoingove jevyva’ekue Hesu Crístope omanomava’ekue apytégui, péva ñanepytyvõ porã ñande ñaha’ãrõ hag̃ua avei Ha’e ñanemoingove jevy peve,

1 Samuel 25:32

Ha David he’i Abigáilpe: Toñemomba’eguasu Israel Jára nembou haguére ko ára kóvape cherug̃uaitĩvo.