Lúcas 1:49

Ñanderuete Ñe’ẽ Porã 2015

Tuichaite mba’e Ñanderuete, pe Ipu’akapáva, ojapo cherehe, héra Teko Porãitéva.

Referencias Cruzadas

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Salmokuéra 111:9

Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

Salmokuéra 24:8

Máva piko aipo tetã ruvicha heko ojajaipáva, Ñanderuete voi ningo, Yvága Atykuéra Jára. Ha’e pe tetã ruvichaguasu ipy’aguasuetéva ñorãirõguasúpe.

Salmokuéra 99:3

Tomomba’eguasuete hikuái nde réra iporãitéva ha ituichaitéva.

Salmokuéra 99:9

Pemomba’eguasúke Ñanderuete, Ñandejárape, ha peñesũ icérro porãme, Ñanderuete heko porãitégui.

Éxodo 15:11

Máva piko Ndéicha, che Ruete, tetãnguéra jarakuéra apytépe. Mávapa Ndéicha iporã, heko porãva ha oporomondýiva tembiapo techapyrã apópe.

Isaías 1:24

Upévare, he’i pende Ruete, yvága atykuéra Jára, pe ipu’akapáva Israel retãme: Cháke añembopy’arorýta cherehe ija’e’ỹva rehe amyengoviávo ichupekuéra hembiapo vaikuére.

Isaías 57:15

Péicha he’i pe Ijyvatetéva, pe oisãmbyhypáva tapia g̃uarã iguapyhágui ha hérava Heko porãitéva: Che aisãmbyhy ijyvatehágui ha aiko ikane’õva ha ojepy’apýva ndive, amokyre’ỹ jevy hag̃ua umi ikane’õva ha oñemomirĩvape.

Isaías 6:3

Ha osapukái joa hikuái ojopekuéra: Heko porã, heko porã, heko porã, ñande yvága atykuéra Jára; pe yvy tuichakue oñemyenyhẽ heko jajaipágui.

Isaías 63:1

Máva piko pe oúva Edómgui, itáva guasu Bósragui, ijao pytãmbáma, Ha’e og̃uahẽma tetã ruvichaguasu ramo ipu’akapa reheve. Che voi ningo hekoitépe ajapopa Ñanderuete rembipota ha aju aporosalva hag̃ua che pu’akapa reheve.

Jeremías 10:6

Ore Ruete, Ndeichagua ndaipóri; mba’eguasuete ningo Nde, ha mba’eguasuete nde réra ipu’akapáva.

Jeremías 20:11

Ñanderuete katu oĩ chendive ku kuimba’e py’aguasuetéicha; upévagui umi chemuñáva oñepysãngapáta, ha ndapu’akamo’ãi cherehe, ha’ekuéra tuicha oñemotĩta, opaite mba’e ojaposéva guive osẽ vaíta, itĩndýta opytávo, ndohupitýigui umi mba’e oha’ãrõitéva ha araka’eve ndahesaraimo’ãi iñemotĩgui.

Márcos 5:13

Ha Hesu oheja. Upérõ umi mba’epochy osẽ pe kuimba’égui ha oike umi kure ryepýpe, ha pe aty oĩ háicha ojeitypa pe cérro ykégui yguasúpe ha omanomba.

Lúcas 1:48

Ha’e oma’ẽ haguére hembiguái oñemomirĩva’ekue rehe ha águi rire Israel nẽmoñarenguéra ovy’aitéta chendive.

Lúcas 1:50

Ha’e ohechaukáta imborayhu ha ijeporiahuvereko opaite tetãyguakuérape g̃uarã, umi okyhyjéva guivépe ichugui.

Efesoyguakuérape 3:20

Upévare ñamomba’eguasu Ñanderuetépe, Ha’e voi ñanemombareteiteve hag̃ua, ñande jajeruréva térã ñapensakuaávagui, ipu’aka rupi, ha omba’apóva ñandepype.

Apocalípsis 15:4

Máva piko ndokyhyjemo’ãi ndehegui ha nanemomba’eguasumo’ãi. Nde añómante ningo nde reko porãite, upévare opaite tetãnguéra oúta nemomba’eguasu hag̃ua ojehechauka haguére Nde rembojovake porã ha hekoitépe.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.

1 Samuel 2:2

Ndaipóri hekoporãva Ñanderuetéicha; ndaipóri voínte avave ndejoguáva, ha ndaipóri ambue mo’ãha renda.