Lúcas 1:46

Ñanderuete Ñe’ẽ Porã 2015

Upérõ María he’i: Che ánga omomba’eguasu Ñanderuetépe.

Referencias Cruzadas

Salmokuéra 35:9

Upéicharamo che avy’aite Ñanderuete ndive, chepytyvõ porã haguére.

Isaías 45:25

Ñanderuete rupínte ojejohukuaa justícia (tekojoja) ha opaite Israel ñemoñare omomba’eguasúta Ñanderuete rembiapo porãita.

Isaías 61:10

Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.

Romayguakuérape 5:11

Ndaupévai año, jarovy’aite avei Ñanderuetépe, Ñandejára Hesu Crísto rupi. Hesu Crísto rupínte jaiko porã jevýma avei ñande apohare, Ñanderuete ndive.

1 Corintoyguakuérape 1:31

upévare ojehai avei Ñanderuete kuatiañe’ẽme: Oime ramo oñemomba’eguasuséva toñemomba’eguasu Ñanderuetepype, (Jeremías 9,23).

2 Corintoyguakuérape 2:14

Che agradece katu Ñanderuetépe, Ha’e ombopoguy haguére Hesu Crísto rupi, hese ija’eỹva ha Hesu Crísto ojehechauka orérupi ikuaapy ha romosarambiha opárupi hyakuã porãva.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Filipoyguakuérape 4:4

Pevy’a tapia Hesu Cristopype, ha ha’e jevy: Pevy’ákena.

1 Tesalonicayguakuérape 5:23

Ñanderuete ningo pe py’aguapy Jára, Ha’e tapenemboheko porã pehóvo opaite mba’épe: Pende pytu porãme, pene ángape ha pende retépe, ha peñangareko pende rekove rehe, Hesu Crísto oúrõ g̃uarã, upévare anítei peñemongy’a.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,