Lúcas 1:32

Ñanderuete Ñe’ẽ Porã 2015

Ha’e mba’eguasu, ha oñehenóita Yvatevéva Ra’y, ha Ñanderuete, pe Jaraitéva ome’ẽta ichupe itúva David guapyhaguasu,

Referencias Cruzadas

2 Samuel 7:16

Ha nde róga oñemoĩ hatãta ha reikóta ne retã ári mburuvichaguasu ramo ha ndojepe’amo’ãvéima ára pahaite peve ne mburuvicha reko.

Salmokuéra 132:11

Añetehápe Ñanderuete ome’ẽma iñe’ẽ Davídpe, Ha’e nopyrũi iñe’ẽre ome’ẽmava’ekue ichupe: Iñemoñare amoĩta iguapyhaguasu ári.

Salmokuéra 132:12

Nde ra’ykuéra ojapo guive che ñe’ẽ ha che rembiapoukapy Che ambo’e haguéicha ichupekuéra, ita’yrarekuéra jepe oguapýta avei nde guapyhaguasu ári opaite árape.

Isaías 16:5

tetã ruvicha guapyha oñemohatãta mborayhu rupi, ha David guapyhaguasúpe oguapy hatãta peteĩ mbojovakehára hekoite peguáva.

Jeremías 17:25

upéicharamo oikova’erã David guapyhaguasúpe pene retã ruvichaguasu ha oikeva’erã ko’ã táva rokẽ rupi icárrope ha pene mburuvichakuéra ikavaju ári, ita’yrakuéra, Juda ha opaite Jerusalengua ndive; ha iñemoñare oikóta Jerusalénpe opaite árape g̃uarã.

Jeremías 22:2

Ehendúke Ñanderuete ñe’ẽ, nde Juda retã ruvicha reguapýva David guapyhaguasúpe, nde ha ne rembiguaikuéra, ha ne retãygua oikéva ko’ã okẽ rupi.

Daniel 2:44

Ko’ã tetã ruvicha árape Ñanderuete, Yvagakuéra Jára, omopu’ãva’erã peteĩ tetã guasutee noñehundimo’ãiva araka’eve, ha upe tetãguasutee ndo’amo’ãvéi ambue tetã poguýpe, hetã ruvichaguasurã ipu’akapa ha ohundipava’erã opaite tetãnguéra oĩva guive ko yvy apére, Ha’e katu oikóta opaite ára peve g̃uarã.

Matéo 1:1

Hesu Crísto ningo David ha Abraham ñemoñare.

Matéo 12:42

Pe kuñakarai, tetã ruvichaguasu yvy gotyogua, oñemoĩva’erã mbojovakeha árape ko’ã ñemoñare ko’ãva rehe, ha ocondenáta avei ichupekuéra. Ha’e ou haguére yvy apýra paha guive ohendu hag̃ua Salomon ñe’ẽ arandu, ha ko’ápe oĩ mba’eguasuvéva Salomóngui.

Matéo 28:18

Ha Hesu oñembojávo ha oñe’ẽvo ichupekuéra he’i: Oñeme’ẽmba chéve opaichagua pu’aka, yvága ha yvy apére.

Matéo 3:11

Che ningo pobautiza ýpe pejevy hag̃ua (Ñanderuete rendápe), upe oútava che rapykuéri katu ipu’akaiteve chehegui, ha ndaijái chéve ajora hag̃ua isapatusãnte jepe, Ha’e pendebautizáta Pytu Porãmbáva ha tatápe.

Márcos 14:61

Hesu katu okirirĩ ha nde’íri mba’eve. Oporandu jevy ichupe pe pa’iguasu ha he’i: Ndépa Ñanderuete Ra’y, pe Mesías.

Márcos 5:7

ha osapukái hatãvo he’i ichupe: Mba’épa che areko nendive, nde Hesu, pe Jára Ijyvatevéva Ra’y, ajerure asy ndéve, ani hag̃ua nde chemyangekõi.

Lúcas 1:15

Ha’e ituichava’erã Ñanderuete renondépe, ha ndo’umo’ãi víno térã ambue koichagua mba’e. Ha’e henyhẽva’erã Pytu Porãmbávagui, isy rye guive.

Lúcas 1:35

Ha pe ángel ombohovái Maríape he’ívo: Pe Pytu Porãmbáva oguejýta ndeári ha pe Yvatevéva Pu’aka nemo’ãta, ha upévare ne memby vove embohéra ichupe Heko Porãva ha Ñanderuete Ra’y.

Lúcas 1:76

Ha nde, che ra’y, rembohérata Ñanderuete proféta, reho hag̃ua Ñandejára renonderãme ha rembosako’i hag̃ua haperã.

Lúcas 3:16

Upérõ Juan he’i opavave renondépe: Che ningo añetehápe pobautiza ýpe, che rapykuéri katu ouhína pe Ipu’akavéva chehegui, ndaijái chéve ajora hag̃ua isapatu sãnte jepe, Ha’e pendebautizáta Pytu Porãmbáva ha tata reheve.

Lúcas 6:35

Pehayhu katu penderehe ija’e’ỹvape, ha pejapo mba’eporã ichupekuéra g̃uarã, ha peiporuka ichupekuéra peha’ãrõ jevy’ỹre mba’eve, ha pehupityva’erã mba’e tuicháva ha oikóta pendehegui Yvatevéva ra’ykuéra, Ha’e voi ipy’a porã avei umi oagradece’ỹva ha umi iñañáva ndive.

Juan 12:34

Ha umi oñembyatýva ombohovái Hesúpe: Ore ningo rohendu Ñanderuete kuatiañe’ẽgui pe Crísto oikove tapiava’erãha. Ha mba’éicha piko nde ere: Oñemopu’ãva’erã pe yvyarigua Ra’y. Máva piko upe yvyarigua Ra’y.

Juan 6:69

ha ore rojerovia ha roikuaa porã ningo Nde Ñanderuete Ra’yha, pe Crísto.

Apostolkuéra 16:17

Ha’e oho Páblo rapykuéri ha osapukái: Ko’ã kuimba’e ko’ãva yvága Jára rembiguái. Ha’ekuéra omombe’u peẽme pe salvacion rape.

Apostolkuéra 2:30

Ha’e ningo peteĩ profetakue, ha Ñanderuete ome’ẽ ichupe iñe’ẽ, peteĩ iñemoñare oguapyva’erãha iguapyhaguasúpe.

Apostolkuéra 2:36

Israel retã, eikuaa porãke, pe Hesu peẽ pemosãingova’ekue kurusúre, Ñanderuete omoingove jevýma oiko hag̃ua Ñandejára ha ñande Salvador (Mesías) ramo.

Apostolkuéra 7:48

Ñanderuete ndoikói ramojepe peteĩ óga kuimba’ekuéra omopu’ãva’ekuépe, peteĩ proféta he’i háicha:

Romayguakuérape 1:4

Ipytu Porã katu Ha’e Ñanderuete Ra’y voi. Pytu Porãmbáva pu’aka omoingove jevyva’ekue Hesúpe omanova’ekue apytégui.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.