Lúcas 1:30

Ñanderuete Ñe’ẽ Porã 2015

Ha pe ángel he’i ichupe: Ani rekyhyjétei, María, Ñanderuete jeporiahuvereko ningo oĩ nendive.

Referencias Cruzadas

Genesis 6:8

Ñanderuete katu ipy’aporã Noe ndive.

Isaías 41:10

Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.

Isaías 41:14

Ani rekyhyje, nde Jacóbo yso, peẽ Israelgua pene mbovy ramojepe, Che ningo pene pytyvõhára, Che voi pende Ruete, Israel Jára, peneguenohẽva pende jejopy vaígui.

Isaías 44:2

Péicha he’i nde Ruete, nde apohare, nde’apova’ekue nde sy ryépe, Che ha’e ne pytyvõhára: Ani rekyhyjétei, nde Jacóbo, che rembiguái, nde Jesurun, Che aiporavomava’ekue.

Matéo 14:27

Ha Hesu pya’e oñe’ẽ ichupekuéra, ha he’i: Peñembopy’aguapy, Chénteko, ani pekyhyje.

Matéo 28:5

Ha pe yvága rembiguái katu oñe’ẽ umi kuñáme, ha he’i: Ani pekyhyje, aikuaa pehekaha Hesúpe, oñemosãingova’ekue kurusúre.

Lúcas 1:13

Pe ángel katu he’i ichupe: Ani rekyhyje Zacarías, pe mba’e rejeruréva ne ñembo’épe oñehendúma ha ne rembireko Elisabet imembýta, ha rehenoiva’erã pe mitãkuimba’épe Juan.

Lúcas 12:32

Ani pekyhyjétei peẽ, Ñanderuete iglesiayguakuéra napenderetái ramojepe, pende Ruete voi ome’ẽta peẽme hetãguasu.

Apostolkuéra 27:24

Páblo, ani rekyhyje, nde rejehechaukava’erã Róma retã ruvichaguasu renondépe, ha eikuaa porãke, opaite oĩva guive nendive ko barcoguasu kóvape Ñanderuete omẽ’ẽmbáma ndéve nde jopói ramo.

Romayguakuérape 8:31

Mba’épa ja’éta upéicharamo ko’ã mba’e ko’ãva rehe. Ñanderuete oĩ ramo ñanendive, máva piko ikatu oñemoĩ ñanderehe.

hebreoyguakuerape 13:6

Ja’e uvei jeroviapópe ha kyhyje’ỹre: Ñanderuete ningo che pytyvõhára ha ndakyhyjemo’ãi: Mba’e piko ikatúne ojapo cherehe che rapichakuéra, (Salmokuéra 118,6).