Lúcas 1:17

Ñanderuete Ñe’ẽ Porã 2015

Juan ohóta Hesu Crísto renonderãme Elías pytu porã ha ipu’aka reheve, ha’e omoĩ porãta tuvakuéra ita’yrakuéra ndive, ha umi iñe’ẽrendu’ỹva iñe’ẽrendu porã hag̃ua, ha ombosako’íta peteĩ tetã Ñanderuetépe g̃uarã.

Referencias Cruzadas

1 Réyes 17:1

Upérõ Elías, peteĩ Tisbetgua, Galaadgua yvýgui, he’i Acábpe: Ñanderuete, Israel Jára, pe oikovéva tapia g̃uarã chejokuái che ha’e hag̃ua ndéve ko’ã áño pukukue javeve ndoikomo’ãiha ama ni ysapy, che ñe’ẽ rupímante.

1 Réyes 18:18

Ha Elías ombohovái ichupe: Che nambyaíri Israélpe, nde ha nde ru rogaygua katu pembyai Israélpe pepoi haguére Ñanderuetégui, peiko hag̃ua Baalkuéra rapykuéri.

1 Réyes 21:20

Ha Acab he’i Elíaspe: Cherayhu’ỹva piko chejohu jevy. Ha Elías ombohovái ichupe he’ívo: Rojohu rejapo vaígui Ñanderuete renondépe, remondágui Nabot yvy pehẽngue.

2 Réyes 1:16

Ha Elías he’i ichupe: Péicha he’iuka ndéve Ñanderuete: Remondo haguére ne rembijokuaikuéra omba’eporandu hag̃ua Baal-zebub, Ecron járape, ndaipóri ramoguáicha Israélpe pende Jára remba’eporandu hag̃ua, upévagui nerepu’ãmo’ãvéi nde rupágui, katuete remanóta.

1 Crónicas 29:18

Ore Ruete, Abraham, Isaac ha Israel, ore rukuéra Jára, ejoko ne retãyguakuéra py’a oguata hag̃ua kyre’ỹpópe ha py’a potĩme nde rapépe.

2 Crónicas 29:36

Ha ovy’a Ezequías mayma hetãyguakuéra ndive, Ñanderuete ombosako’ígui tetãyguakuérape ojejapo pya’eiterei opaite mba’e.

Salmokuéra 10:17

Nde, che Ruete, rehendu umi oñemomirĩva mba’ejerure; Nde voi remokyre’ỹ jevy ichupekuéra, ha rejapysaka porã hesekuéra,

Salmokuéra 111:10

Jakyhyje ramo Ñanderuetégui ñande ñanearanduve jahávo. Iñaranduetégui umi ojapóva hembiapoukapy ha omomba’eguasúva héra opaite árape.

Salmokuéra 78:8

Ani oiko hikuái ituvakuéraicha, peteĩ tetã oñembopy’a hatãva ha oikóva iñakã he’i háicha rei reheve, peteĩ tetã ndojeroviaséiva ha noñemoambueséiva Ñanderuete oipota háicha.

Isaías 29:24

Ha umi ko’ág̃a hi’angapýpe ojejavýva, iñakã porãta, ha umi oñe’ẽguyguy vaíva ko’ág̃a, oñemohekombo’e porãmbáta.

Amos 4:12

Upévare péicha Che ajapóta nderehe, Israel: Eñembosako’i rejojohu hag̃ua nde Járape,

Matéo 11:14

Ha peikuaase ramo, Juan voi pe Elías ouva’erãva’ekue.

Matéo 14:4

Juan he’ígui ichupe: Naikatúi reiko nde ryvy rembireko ndive.

Matéo 3:3

Hese oñe’ẽva’ekue pe proféta Isaías, he’i ramoguare: Oñehendu peteĩ oñe’ẽ hatãva desiértope: Pembosako’i mburuvichaguasu raperã, pemyatyrõ porã hape po’i ( Isaías 40,4).

Matéo 3:4

Juan oñemonde upérõ caméllo raguekuégui, ha iku’a jokuaha katu vakapígui, hembi’u tuku ha eíra ka’aguy.

Lúcas 1:16

Ha’e ombojevyva’erã heta Israelguakuérape Ñanderuete rapére.

Lúcas 1:76

Ha nde, che ra’y, rembohérata Ñanderuete proféta, reho hag̃ua Ñandejára renonderãme ha rembosako’i hag̃ua haperã.

Juan 1:13

Kóva nonacéi yvyarigua ruguy rupi, ni yvyarigua ro’o rupi, ni kuimba’e rembipota rupi, Ñanderuete rembipota rupínte uvei onace.

Juan 1:34

Ha che ajesareko porã hese, ha upévare apyta avei hechahare ramo, amombe’u hag̃ua ha’eha Ñanderuete Ra’y.

Juan 3:28

Peẽ voi ningo peikuaa porã che ha’e hague: Che ndaha’éi pe Crísto, añemboúnte henonderãme.

Apostolkuéra 10:33

Upévare ningo pya’e rohenoiuka ha nde rejapo porã rejúvo. Ko’ág̃a roñembyatyroína Ñanderuete renondépe rohendu hag̃ua opaite mba’e Ha’e he’iukáva oréve ndérupi.

Romayguakuérape 9:23

Ha’e ojejoko gueteri ohechauka hag̃ua avei imba’yru poriahuvereko reheguáva ituichaveha imba’yru pochy reheguávagui ha oñembosako’íma avei ohechauka hag̃ua heko jajaipa.

Colosayguakuérape 1:12

Peagradece Ñanderuetépe penembokatupyrýgui pehupity hag̃ua avei Ñanderuete resape peteĩ jopói ramo.

2 Timotéope 2:21

Upéicha avei umi ojeroviaitéva Ñanderuete rehe toñemboyke opaichagua mba’evaígui, oiko hag̃ua Ñanderuete renondépe imba’yru oroguiguáva térã plataguiguávaicha, Ñanderuete oiporukuaáva opaichagua tembiapo porãme, oñembosako’iva’ekue guive Ha’érupi.

1 Pédro 2:9

Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).

1 Juan 2:28

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.

1 Samuel 7:5

Ha Samuel he’i toñembyaty opaite Israelguakuéra Mizpápe, ha che añembo’éta penderehe Ñanderuetépe.