Lúcas 1:15

Ñanderuete Ñe’ẽ Porã 2015

Ha’e ituichava’erã Ñanderuete renondépe, ha ndo’umo’ãi víno térã ambue koichagua mba’e. Ha’e henyhẽva’erã Pytu Porãmbávagui, isy rye guive.

Referencias Cruzadas

Genesis 12:2

Ha ajapóta ndehegui peteĩ tetã ndetuicháva. Che rohovasáta ha ambotuicháta nde réra, ha aipota nde reiko jehovasapyrã ramo ambuekuérape g̃uarã.

Genesis 48:19

Itúva katu ndoipotái, ha he’i: Aikuaa voi ningo, che ra’y, ichugui oikóta avei peteĩ tríbu, ha’e oñembotuicháta avei; ityvýra katu ituichavéta ichugui, ha iñemoñarégui oikóta peteĩ tríbu ndetuichaitéva.

1 Crónicas 17:8

ha aiko nendive mamo reikoha rupi, ha ahundipáta ne renonderãgui opaite nderehe ija’e’ỹvape, ha ambotuichavéta nde réra umi tetã ruvichaguasuetevévagui.

1 Crónicas 29:12

Nde reme’ẽ mba’erepyeta ha verapy, Nde reisãmbyhy opaite mba’e; Nde pópe oĩ mbarete ha pu’akapa, ha Nde rembotuicha ha remombarete yvyariguakuéra ndéve iñe’ẽ rendúvape.

Salmokuéra 22:9

Ha Nde voi cherenohẽva’ekue che sy ryégui, ha chejokova’ekue kyhyje’ỹme che sy pyti’a rehe aikove guive.

Jeremías 1:5

Reime mboyve nde sy ryépe roikuaamava’ekue, che roiporavóma ha romboykemava’ekue che proféta ramo tetãnguérape g̃uarã.

Jeremías 35:6

Ha’ekuéra katu he’i: Ndoro’umo’ãi víno; ore ru Jonadab, Recab ra’y, he’imava’ekue oréve: Peẽ ha pende ra’yrekuéra araka’eve ndape’uiva’erã víno,

Levítico 10:9

Nde ha nde ra’ykuéra, ndape’uiva’erã víno térã ambue mba’e oporomonga’úva peike guive pe óga jojohuhápe, ani hag̃ua pemano; kóva ningo peteĩ tembiapoukapy opaite ára peẽme ha pene ñemoñarenguérape g̃uarã,

Zacarías 9:15

Ángel atykuéra Jára oñangareko porãta hesekuéra, Israelguakuéra omokõmba hag̃ua hese ija’e’ỹvape ha opyrũmba hag̃ua umi ita oñemombova’ekue rehe, ha omboy’úta hikuái huguy oje’u háicha pe víno, ha henyhẽta hikuái tuguýgui ku kuave’ẽmby ña’ẽmbéicha térã pe kuave’ẽmby renda ratĩcha.

Lúcas 1:14

Nde revy’áta ha nde py’arorýta, ha heta ovy’a joáta ha’e onace haguére.

Lúcas 7:28

Ha Che ha’e peẽme ndaipóri proféta ituichavéva Juángui, onaceva’ekue guive kuñakuéragui. Upe imichĩvéva katu Ñanderuete retãguasúpe ituichavéta ichugui.

Lúcas 7:33

Juan ningo ou oporobautiza hag̃ua, ha’e ndo’úi pan ni víno, ha upeichavéramo jepe peẽ peje ha’e oguerekoha ipype peteĩ mba’epochy.

Juan 5:35

Juan oikova’ekue tataindy ramo omimbi hag̃ua ha peẽ pevy’aseva’ekue sapy’amínte jepe hesape rendýpe.

Apostolkuéra 2:4

Ha opyta henyhẽmba hikuái Pytu Porãmbávagui ha oñepyrũ oñe’ẽ tetã ambueygua ñe’ẽme, pe Pytu Porãmbáva ome’ẽ háicha peteĩteĩme oñe’ẽ hag̃ua.

Galaciayguakuérape 1:15

Ha hi’ãgui Ñanderuetépe, Ha’e cherenoiva’ekue ipy’aporã rupi chendive che sy rye guive,

Efesoyguakuérape 5:18

Ha anítei peka’u, upéva ningo ogueru teko vai, penerenyhẽ uvei Pytu Porãmbávagui.

Josué 3:7

Upéramo Ñanderuete he’i Josuépe: Ko ára guive añepyrũta ajapo mba’e guasu nderupi mayma Israel resa renondépe, oikuaa hag̃ua hikuái aĩtaha nendive aime haguéicha Moises ndive.

Josué 4:14

Pe ára pévape Ñanderuete ombotuicha Josuépe hetãyguakuéra resápe; ha’ekuéra okyhyje ha iñe’ẽrendu hag̃ua Josuépe, iñe’ẽrendu ha okyhyje haguéicha Moisésgui.