Juéces 7:2

Ñanderuete Ñe’ẽ Porã 2015

Ha Ñanderuete he’i Gedeónpe: Umi tetãygua nendive oĩva hetaitereíma, Che amoĩ hag̃ua Madiayguakuéra pende pópe, ani hag̃ua Israelguakuéra oñemomba’eguasuve chehegui, he’ívo: Ore pu’aka rupi rombopoguy ichupekuéra.

Referencias Cruzadas

Genesis 46:2

Ha Ñanderuete oñe’ẽ Israélpe (Jacóbope) pe pyhare techapáype (visiónpe), ha he’i: Jacóbo, Jacóbo. Ha ha’e he’i ichupe: Na’ápe aĩ.

2 Crónicas 14:11

Ha Asa ojerure asy Ñanderuete, Ijárape, ha he’i: Che Ruete, ndéve g̃uarã ndaipóri ikatu’ỹva, reme’ẽkuaa ñepytyvõ ipu’akapáva térã ipu’aka’ỹvape g̃uarã. Orepytyvõmína, ore Ruete, ore Jaratee, nderehe ningo rojerovia ha nde rérape roju ko soldádo atýpe. Nde ningo ore Ruete, ore Jára, aníke yvyariguakuéra ipu’aka nderehe.

Isaías 10:13

Ha’e voi ningo péicha he’i: Che pyapy mbarete rupi, che arandu rupi ha che akã porãgui ambopoguy umi tetãme ha tóroicha aity imburuvichaguasukuérape iguapyhaguasúgui.

Isaías 2:11

Umi yvyarigua oñembotuicháva itĩndyva’erã, ha umi ojejapóva oñemomirĩva’erã; ha upe ára upévape oñemomba’egusuva’erã añónte Ñanderuetépe.

Isaías 2:17

Umi yvyarigua oñembotuichava’ekue ojeityva’erã yvy rehe, ha kuimba’ekuéra ojejapóva oñemotĩndyva’erã; upe ára upévape oñemomba’eguasuva’erã Ñanderuete añoitémante.

Jeremías 9:23

Péicha he’i Ñanderuete: Upe iñarandúva anítei ojerovia iñarandu rehe, upe ipy’aguasúva anítei ojerovia ipy’aguasu rehe, ha upe imba’erepyetáva anítei ojerovia imba’erepyeta rehe.

Ezequiel 28:17

Neporãitereígui reñembotuicha nde py’apýpe ha nde voi remboyke ne arandu ojehecha porãve hag̃ua ne mimbi, upévagui Che roitýma yvýre ambue tetã ruvichakuéra oñembohory hag̃ua nderehe.

Ezequiel 28:2

Kuimba’e ra’y, ere Tíro ruvichápe: Péicha he’i Yvága Atykuéra Jára, reñembotuicha haguére nde py’apýpe, ha erégui: Che ningo peteĩ Jára, ha aguapýta guapyhaguasúpe yguasu mbytépe; nandéi katu peteĩ jára, yvy ariguánte nde, reimo’ã ramojepe nde nearanduha peteĩ járaicha.

Daniel 4:30

ha he’i sapy’a: Ndachéi piko amopu’ãva’ekue ko tavaguasu ha che rogaguasu che pu’aka mbarete rupi, toñemoherakuã porã opárupi che réra tuichaitéva.

Habacuc 1:16

Upévare oikuave’ẽ hikuái irédpe g̃uarã, ha ohapy hyakuã asýva ired inimbópe g̃uarã. Umíva rupi oguenohẽ hag̃ua heta hembi’urã ikyráva.

Zacarías 12:7

Ñanderuete oipytyvõta raẽ ojejapo hag̃ua Juda rogakuéra hymba pirekuégui ha opytáva mombyry Jerusaléngui, ani hag̃ua David rogaguasu ha Jerusalen oñembotuichave Juda róga hymba pirekue peguágui.

Zacarías 4:6

Upéramo ha’e oñe’ẽ chéve ha he’i: Kóva ningo Ñanderuete ñe’ẽ Zorobabélpe g̃uarã: Ndaha’éi soldádo aty rupi, ni yvyarigua pu’aka rupi, che Pytu Porãite rupínte katu ojehupahína, he’i ángel atykuéra Jára.

Números 31:4

Peteĩteĩva Israel tríbugui pemondóta 1.000 kuimba’e pe ñorãirõháme.

Romayguakuérape 11:18

upévare ani reñembotuicha rei umi ambue hakãnguéra rehe, ha reñembotuicha ramo, eikuaa porãke, nandéi remongaruha pe olívo yvyra rapo, hapokuéra omongaru uvei opaite yvyra rakãnguéra hykuere porãite rupi, ha ndéve avei.

Romayguakuérape 3:27

Moõ piko aipórõ tetãyguakuéra oñembotuichakuaa, mamove. Tetãyguakuéra ojesalvakuaa piko oñeha’ãmba ramojepe ojapo hag̃ua heta tembiapo porã. Nahániri, péva ndaikatúi, ojeroviaite ramo uvei Hesu Crísto rehe.

2 Corintoyguakuérape 4:7

Roguereko ningo ko mba’erepyete, peteĩ mba’yru yvyguiguápe, rohechauka hag̃ua pe pu’aka oremombaretéva ndaha’eiha kuimba’e pu’akágui, Ñanderuete pu’akágui uvei.

Efesoyguakuérape 2:9

Ndaha’éi yvyarigua rembiapo porã rupi, ani hag̃ua avave oñembotuicha.

Deuteronómio 32:27

hese ija’e’ỹva oñembohoryva’erã hesekuéra, upévare hese ija’e’ỹva ojererovu reíta he’ívo: Ore ipu’akapa rupi ojapopa ko’ã mba’e, ndaha’éi Jahve, Israel Jára.

Deuteronómio 8:17

ha ani pejétei pende py’apýpe: Orepu’aka ha orepyapy mbarete rupi rohupitypa ko’ã mba’erepyeta.

Deuteronómio 8:18

Penemandu’áke Ñanderuete, Ñandejára rehe; Ha’e ome’ẽgui peẽme pu’aka pembyaty hag̃ua mba’erepyeta, omoañete hag̃ua iñe’ẽme’ẽ he’imava’ekue pende rukuérape, ko’ág̃a ojapovahína.

Tiágo 4:6

Ñanderuete katu ñanepytyvõse, Ha’e ipy’aporãgui. Upévare Ñanderuete kuatiañe’ẽ he’i: Ñanderuete oñemoĩ umi oñembotuicháva rehe, ha oipytyvõ umi oñemomirĩvape, (Provérbios 3,34).

1 Samuel 14:6

Ha Jonatan he’i hembiguáipe: Eju jaha ko’ã kuimba’e ipire’i oñekytĩ’ỹva rendápe, ikatu Ñanderuete ojapo ñanderehehápe oimeraẽ mba’e, ndahasyiete ichupe g̃uarã oporopytyvõ heta térã mbovy (kuimba’e) rupi.