Juéces 4:3

Ñanderuete Ñe’ẽ Porã 2015

Ha umi Israel ñemoñare omba’ejerure asy Ñanderuetépe, Sísara oguereko 900 cárro hierroguiguáva ha ojopy asýgui Israel ñemoñarenguérape 20 áño pukukue.

Referencias Cruzadas

Salmokuéra 106:42

Umi hese ija’e’ỹva ojopy asy ichupekuéra ha ojepy’apy asy hikuái ipoguypekuéra.

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Salmokuéra 78:34

Ombohasa asy rire ae oheka jevy hikuái Ñanderuetépe.

Éxodo 2:23

Ha ohasa rire heta ára omano pe Egípto retã ruvichaguasu ha umi Israel ñemoñare heta pyahẽme oiko pe tembiguái reko poguýpe, ha osapukái tasẽme; ha ojupi Ñanderuete peve ipyahẽitakuéra.

Deuteronómio 28:29

Ha pejepovyvýta asajekuépe ku ohecha’ỹva ojepovyvy háicha iñypytũháme, ha nosẽ porãmo’ãi peẽme pejapóva guive; pejejopymanteva’erã ha oñemondapava’erã pendehegui, ha ndaiporimo’ãi avave penepytyvõtava.

Deuteronómio 28:33

Pende kóga’a ha mayma pene rembiapo repy ho’uva’erã tetã ambueygua, peẽ ndapeikuaáiva; ha peikova’erã jepy’apypópe tetã ambueygua poguýpe.

Josué 17:16

Ha umi Jose ñemoñare he’i: Ko ka’aguy ndaorerupitypamo’ãi; ha mayma Canaangua oikóva ñuguasúpe, oguereko cárro hierroguiguáva; umi Betseangua ha itava’ikuérape, ha umi oikóva Jizreel cerrokuéra pa’ũme avei.

Juéces 1:19

Ñanderuete oipytyvõ Judayguakuérape omosẽmba hag̃ua umi oikóvape umi cérrope; ha umi ñu rupiguágui katu Judayguakuéra okyhyje oguerekógui cárro hierroguiguáva.

Juéces 10:10

Upémaramo Israel ñemoñarenguéra omba’ejerure asy Ñanderuetépe, he’ívo: Ore roñemoangaipa ne renondépe ropoi haguére ore Járagui romomba’eguasu hag̃ua Baalkuérape.

Juéces 10:16

Ha oipe’a hikuái ijapytégui opaite ambue jára gua’u, ha omomba’eguasu jevy hikuái Ñanderuete oikovévape; ha Ñanderuetépe oipy’apy Israel jehasa asykuéra.

Juéces 3:15

Ha Israel ñemoñarenguéra omba’ejerure asýgui Ñanderuetépe, Ha’e omopu’ã ichupekuéra g̃uarã peteĩ pytyvõhára, Eud, Gera ra’ýpe, Benjamin tríbugui, péva ningo peteĩ kuimba’e ijasúva. Ha Israel ñemoñarenguéra oguerahauka Eud rupi umi impuésto Eglon, Moab retã ruvichápe.

Juéces 3:9

Ha Israel ñemoñarenguéra omba’ejerure asy Ñanderuetépe; ha Ñanderuete omopu’ã peteĩ pytyvõhára Israel ñemoñarenguérape g̃uarã osalva hag̃ua ichupekuéra; kóva ningo Otoniel, Cenez ra’y, Caleb ryvy imitãvéva.

Juéces 4:13

Upéramo Sísara, ombyaty opaite 900 cárro hierroguiguáva ha isoldadokuérape oho hag̃ua Haroset-goim guive Cison yakã meve.

Juéces 4:4

Umi árape peteĩ kuñakarai, Débora, peteĩ profetísa, Lapidot rembireko; oisãmbyhy Israélpe mbojovakehára ramo;

Juéces 5:8

Israelguakuéra oiporavo ijára pyahurã, pe ñorãirõ og̃uahẽma pe táva rokẽguasu peve, 40.000 Israel soldadokuéra apytépe ndojehechái piko rete mo’ãha yvyra puku akua (lánza).

Juéces 6:6

Péicha Israelguakuéra imboriahuve ohóvo Madiayguakuéra rembiapo vaikuéra rupi; upévare Israel ñemoñarenguéra omba’ejerure asy Ñanderuetépe.

1 Samuel 7:8

Upéramo Israel ñemoñarenguéra he’i Samuélpe: Aníke repytu’útei mba’ejerurépe orerehehápe Ñanderuetépe, Ha’e toñangareko orerehe ani hag̃ua ro’a jevy Filisteayguakuéra pópe.