Juéces 3:4

Ñanderuete Ñe’ẽ Porã 2015

umía opytákuri oipy’ara’ã hag̃ua Israélpe, ohechauka hag̃ua Israelguakuéra iñe’ẽrendúpa térã nahániri Ñanderuete rembiapoukapy, Ha’e ome’ẽmava’ekue ituvakuérape Moises po rupi.

Referencias Cruzadas

Éxodo 15:25

Ha Moises omba’ejerure asy Ñanderuetépe ha Ha’e ohechauka ichupe peteĩ yvyrarakã; péva ha’e oity ýpe ha pe y oñemohe’ẽ. Upépe Ñanderuete ome’ẽ ichupekuéra hekombo’e ha hembiapoukapy ha Ñanderuete oha’ã (ipy’apýpe) ojehechauka hag̃ua mba’épa oĩ ipype;

1 Corintoyguakuérape 11:19

Pe jejuavy rupi ojekuaáta umi oiko porãva ha hekopeguáva pende apytépe, ha umi oiko vaíva avei.

Deuteronómio 33:8

Levípe he’i: Ne Tumim ha ne Urim Ñanderuete mba’e; Masápe nde reipy’ara’ã ichupe ha Meriba ýpe reñemoĩ hese (Éxodo 28,29; 17,7; Números 20,13).

Deuteronómio 8:2

Penemandu’áke umi tape, pende Jára pendegueruva’ekuére, ko’ã 40 áño pukukue pe desiérto rupi, pendera’ã ha oikuaa’uka hag̃ua peẽme mba’épa oĩ pende py’apýpe, ha pejaposépa térã nahániri hembiapoukapykuéra.

Juéces 2:22

Umíva rupi aha’ãta (aprováta) Israélpe, ohecha hag̃ua oñeha’ãmba ramo oiko porã hag̃ua Ituvaite rape rehe, ituvakuéra oiko haguéicha, térã nahániri.

Juéces 3:1

Ñanderuete oheja ko’ã tetã oipy’ara’ã hag̃ua Israelguakuérape, noñorãirõi ha nombopoguypái haguére Canaanguakuérape.