Juéces 1:3

Ñanderuete Ñe’ẽ Porã 2015

Ha Juda he’i ityke’ýra Simeónpe: Ejúna chendive pe yvýpe oñeme’ẽva’ekue chéve, ha ñañorãirõ Canaanguakuéra ndive, ha upéi che aháta avei nendive ne mba’épe. Ha Simeon oho hendive.

Referencias Cruzadas

Genesis 29:33

Hyeguasu jevy ha imemby peteĩ mitãkuimba’e, ha he’i: Ñanderuete ohendúgui ndajehayhuiha, ome’ẽ avei chéve kóva. Ha ombohéra ichupe Simeon.

2 Samuel 10:11

Upéi Joab he’i Abisaípe: Umi Siriaygua imbareteve ramo chehegui, eju chepytyvõ hag̃ua; ha Amon ñemoñarenguéra imbareteve ramo ndehegui che roipytyvõta.

Josué 19:1

Pe po’a jeporavo mokõiha osẽ Simeónpe g̃uarã, hogaguasukuérape g̃uarã; ha ijyvy opyta umi Juda ñemoñarenguéra yvy pa’ũme.

Apocalípsis 7:7

Simeon tríbugui 12.000, Levi tríbugui 12.000, Isacar tríbugui 12.000,

Juéces 1:17

Ha Juda oho ityke’ýra Simeon ndive, ha sarambi ojapo hikuái umi Canaangua apytépe oikóva Sefátpe, ha ombotapere rire itáva ombohéra Horma.

Juéces 1:2

Ha Ñanderuete he’i: Juda raẽ ohóta, péina ápe Che amoĩma pe yvy ipópe.

Juéces 1:4

Juda oho, ha Ñanderuete omoĩ ipópe umi Canaangua ha Ferezguápe; ha ojuka hikuái Bezécpe 10.000 ikuimba’épe.