Juéces 1:2

Ñanderuete Ñe’ẽ Porã 2015

Ha Ñanderuete he’i: Juda raẽ ohóta, péina ápe Che amoĩma pe yvy ipópe.

Referencias Cruzadas

Números 2:3

Ko’ã mbohapy tríbu opytáta kuarahyresẽ gotýo: Juda tríbu oñembyaty isoldádo aty reheve ipoyvi oĩháme; Naason, Aminadab ra’y, opyta itríbu ruvicha ramo.

Números 7:12

Upéicharamo pe ára peteĩháme Naason, Aminadab ra’y, Juda tríbu ruvicha oikuave’ẽ.

hebreoyguakuerape 7:14

Ojekuaa porã ningo Hesu Crísto, Juda tríbu reheguaha, upévare Moises nde’íri mba’eve Juda tríbu rehe, oñe’ẽ ramoguare pa’i reko rehe.

Josué 2:24

Ha he’i hikuái Josuépe: Ñanderuete omoĩmbáma pe yvy ñande pópe; ha mayma hetãygua ipy’a kangýma ñane renondépe.

Apocalípsis 5:5

Ha peteĩ umi karai ancianokuéra apytégui he’i chéve: Ani rejahe’o. Ema’ẽ porãke ipu’aka ningo pe leõ, Juda ñemoñare peteĩva, oúva David rapógui, Ha’émante ikatu oipe’a pe kuatiañe’ẽ ojorávo umi 7 ta’ãnga jopyha.

Juéces 1:3

Ha Juda he’i ityke’ýra Simeónpe: Ejúna chendive pe yvýpe oñeme’ẽva’ekue chéve, ha ñañorãirõ Canaanguakuéra ndive, ha upéi che aháta avei nendive ne mba’épe. Ha Simeon oho hendive.

Juéces 20:18

Upéi Israel ñemoñarenguéra opu’ã ha oho Ñanderuete rógape omba’eporandu hag̃ua Ñanderuetépe, he’ívo: Mávapa ohóta tenonde oñorãirõ hag̃ua Benjamin ñemoñarenguéra ndive. Ha Ñanderuete he’i: Juda ohóta tenondete.

Juéces 20:28

Ha Finees, Eleazar ra’y, Aaron ra’y omba’apo henondépe umi árape, ha he’i hikuái: Rosẽ jevýtapa rojeity hag̃ua ore pehẽnguekuéra ári, Benjamin ñemoñarenguéra ári, térãpa ndorohomo’ãvéi. Ha Ñanderuete he’i: Tapeho, ko’ẽ ramo Che amoĩta ichupekuéra pende pópe.