Juan 9:34

Ñanderuete Ñe’ẽ Porã 2015

Upérõ umi fariséo ha Judayguakuéra he’i ichupe: Angaipa reheve ningo renace, ha nde piko orembo’éta. Ha omosẽ hikuái ichupe okápe.

Referencias Cruzadas

Genesis 19:9

He’i ichupe hikuái: Ejei upégui; ha he’ive hikuái: Ou ko tetã ambueygua oiko hag̃ua ñande apytépe, ha oikóta piko ko’ág̃a ñane mbojovakehára ramo, roñembosarái vaivéta nderehe ichuguikuéragui. Ha’ekuéra omyaña mbarete ichupe, ha oñemboja hikuái ojokapa hag̃uáicha hokẽ.

2 Crónicas 25:16

Pe proféta he’ívo ko’ã mba’e ichupe, ha’e ombohovái ichupe: Reñemoĩ piko ra’e tetã ruvicha rekombo’eha ramo. Ejehejána umi mba’égui. Mba’upéiko remanose. Ha ha’e oñe’ẽmbávo, pe proféta he’i jevy ichupe: Che aikuaa Ñanderuete he’íma hague Ha’e nehunditaha, rejapo haguére ko mba’e ha nerehendúigui che ha’éva ndéve.

Job 14:4

Heko ky’ávape piko omoheñoikuaa heko potĩva, ndaikatúi ningo.

Job 25:4

Ha oĩ piko yvyarigua oñemoporãkuaáva Ñanderuete renondépe. Ha mba’éichapa kuña ñemoñare oñemopotĩkuaa henondépe.

Salmokuéra 51:5

Aikuaa porã ningo, che aikove guive pe ivaíva oĩ chepype, ha che asẽ guive che sy ryégui che reko iky’aha voi.

Éxodo 2:14

Ha ha’e he’i ichupe: Máva piko nemoĩ ndéve mburuvicha ramo ha mbojovakehára ramo oreári. Chejukase piko avei, rejuka haguéicha pe Egiptoyguápe. Upérõ Moises okyhyje ha he’i: Añetehápe ojekuaapáma che rembiapokue.

Mga Kawikaan 22:10

Emosẽ pe oñembohorývape, ha opáta pe jeja’o ha pe ñorãirõ avei.

Mga Kawikaan 26:12

Nde rehecha ramo peteĩ tapicha he’íva ijehe iñaranduha, ichupe g̃uarã naipohãvéima, oĩve katu esperánza pe ivýrova rehe, hese rãngue.

Mga Kawikaan 29:1

Pe tapicha omboykéva opaite tekombo’e oñemohatãve ohóvo, oñehundiva’erã katuete.

Isaías 65:5

Ha he’i hikuái: Epytáke reimeháme, ani reñembojátei cherehe, che ningo añembohekopotĩ’aína. Ko’ã mba’e oiko tatatĩ ha tata hendýva ramo ára pukukuépe che tĩme.

Isaías 66:5

Upévare pehendu pende Ruete ñe’ẽ, peẽ pekyhyjéva, pehendu che ñe’ẽ. Pene pehẽngue oñemoĩva penderehe ha penemosẽva okápe che réra rehe, he’ígui hikuái: Ñanderuete tohechauka ipu’aka ore rohecha hag̃ua peẽ pevy’aha; umía katuete oñemotĩmbava’erã.

Lúcas 11:45

Peteĩ oporombo’éva Ñanderuete ñe’ẽ, he’i Hesúpe: Ne ñe’ẽ rupi Nde oremotĩ avei.

Lúcas 14:11

Opaite oñembotuicháva ijupe oje’apo’iva’erã, ha opaite oñemomirĩva ijupe oñembotuichava’erã.

Lúcas 18:17

Añetehápe Che ha’e peẽme, upe oñemomba’e’ỹva mitãicha Ñanderuete retãguasúre, ndoikemo’ãi ipype.

Lúcas 6:22

Pevy’aite peẽ, umi kuimba’e ha kuñakuéra ndaija’éi ramo penderehe ha oñemomombyry ramo pendehegui, ha pendeja’órõ ha omboykérõ pende réra iñañáva ramo yvy arigua Ra’y (Hesu Crísto) rehehápe.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Juan 8:41

Peẽ pejapo pende ru rembiapokue. Ombohovái hikuái ichupe: Ore ndaha’éi avave ra’y okára térã kuña reko vai memby. Ore ru ningo Ñanderuete voi, pe yvagakuéra Jára.

Juan 9:2

Ha hemimbo’ekuéra oporandu Hesúpe, ha he’i hikuái: Mbo’ehára, mávapa oñemoangaipa (oñemohembiapo vai) raka’e, itúva, térã isy, térãpa ha’e voi, onace haguére hesatũva ramo.

Juan 9:22

Upéicha itúva ha isy he’i okyhyjégui Judayguakuéragui. Fariseokuéra he’iukáma voi oimeraẽ he’íva Hesu ha’eha pe Crísto, oñemosẽtaha Ñanderuete rogaguasúgui.

Juan 9:35

Hesu ohendúra’e pe hesatũva’ekuépe oñemosẽ hague okápe, ha ojohúvo ichupe oporandu: Rejeroviápa yvyarigua Ra’y rehe.

Juan 9:40

Ha umi fariséo oĩvahína hendive upépe, ohendúvo péva, oporandu hikuái ichupe: Ore piko oreresatũ avei.

1 Corintoyguakuérape 5:13

Umi oka peguávape ningo Ñanderuete ombojovakeva’erã. Pemosẽ katu pende apytégui pe tekove ky’a pévape.

Galaciayguakuérape 2:15

Ñande ñanace Judaygua ramo, upéicharõ ñande ndaha’éi tetã ambueyguakuéra angaipavóra.

Efesoyguakuérape 2:3

Ijapytépe ñande jaikopava’ekue avei, ha jajapova’ekue opaite umi mba’e ñande yvyarigua rete ha reko rembipota vai ojaposéva, ha jaiko avei ambuekuéraicha ñande reko pochy poguýpe.

1 Pédro 5:5

Upéicha avei peẽ mitãrusu ha kuñataĩkuéra peñemoĩ karai ancianokuéra poguýpe. Peñemomirĩke, Ñanderuete voi oñemoĩgui umi oñembotuicháva rehe; upe oñemomirĩvape katu Ha’e ohechauka ipy’aporãha.

3 Juan 1:10

Upévarehe che ahárõ hendápe amomandu’áta ichupe hembiapo vaikue ha iñe’ẽ japu rehe ha’e omyasãiva avei orerehe. Ha hi’ariete nomog̃uahẽi hógape umi hermáno mombyrygua omyasãiva Hesu Crísto réra ha ndoipotái avei avave omog̃uahẽ ichupekuéra hogakuerateépe, omosẽ uvei ko’ãvape iglésiagui.

3 Juan 1:9

Che ahaíma peteĩ kuatiañe’ẽ pe iglésiape, Diótrefes katu pe oñemotenondesevéva opavavégui, naoremog̃uahẽi.

Apocalípsis 13:17

Ha avave ndaikatúi ojogua térã ohepyme’ẽ (ovende) ndoguerekói ramo upe mymba márca, térã upe mymba réra térã inúmero, inúmero ojekuaáta héra letrakuéra rupi.