Juan 9:30

Ñanderuete Ñe’ẽ Porã 2015

Pe hesatũva’ekue ombohovái ichupekuéra he’ívo: E’a, peẽ ndapeikuaái mamoguápa ha’e, ha chéve chemonguera.

Referencias Cruzadas

Salmokuéra 119:18

Cheresape’amína, tama’ẽ ne mba’e techapyrãva rehe oĩva guive ne rembiapoukapýpe.

Isaías 29:14

Upévare Che ahechaukáta ko tetã kóvape tembiapo techapyrãva oporomongyhyjéva; opa rei hag̃ua umi iñarandúva arandu, ha ogue hag̃ua iñakã porãva.

Isaías 29:18

Upe ára upévape umi ijapysapéva ohendu porãva’era ko kuatiañe’ẽ; ha umi hesatũva ohecha porãva’erã iñypytũha guive.

Isaías 35:5

Upérõ umi yvyarigua resa ohecha’ỹva ohecháta, ha umi apysa ohendu’ỹva ohendúta avei.

Matéo 11:5

Hesatũva ohecha jevy; ijapáva oguata jevy; ijai vaíva (iléprava) ipotĩmba jevy; ijapysapéva ohendu jevy; omanova’ekue oikove jevy; ha mboriahukuérape oñemombe’u pe evangélio.

Matéo 21:42

Ha Hesu oporandu ichupekuéra: Ndapejohúi piko Ñanderuete kuatiañe’ẽme: Pe itaguasu umi óga apoha omombova’ekue, upéva katu ojeporu pe óga yke ñepyrũmbyha akã ramo; kóva ningo Ñanderuetéguio ou, ha mba’e techapyrãva ñande resápe g̃uarã (Salmokuéra 118, 22).

Márcos 6:6

Ha Hesu ohechávo ha’ekuéra ndojeroviaseiha hese, oho oguata umi tava’i rupi oporombo’e hag̃ua.

Lúcas 7:22

Ha Hesu he’i ichupekuéra: Tapeho pemombe’u Juan Bautístape umi mba’e peẽ pehecháva ha pehendúva: Hesatũva ohecha jey, ijapáva oguata jey, iléprava okuera, ijapysapéva ohendu jey, omanomava’ekue oikove jey, mboriahukuérape oñemombe’u pe evangélio (marandu porã).

Juan 12:37

Hesu ojapo ramojepe heta milágro opavave renondépe, ndojeroviái hikuái hese.

Juan 3:10

Hesu ombohovái ichupe ha he’i: Nde ningo mbo’ehára herakuã tuicháva Judayguakuéra apytépe ha ndereikuaái piko ko’ã mba’e ko’ãva.

Juan 9:29

Ore ningo roikuaa porã Ñanderuete oñe’ẽ hague Moiséspe; kóva katu ndoroikuaái mamoguarépa ha’e.

Juan 9:31

Jaikuaa porã ningo Ñanderuete nohenduiha heko vaívape, umi oñemomirĩva ha ojapóva uvei hembipota, umívapente Ha’e ohendu.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.