Juan 9:3

Ñanderuete Ñe’ẽ Porã 2015

Hesu katu he’i ichupekuéra: Kóva, ndaha’éi itúva ni isy angaipáre ha’e onace hague hesatũva. Péva ojehúnte ojehechauka hag̃ua ha’érupi Ñanderuete pu’aka, peteĩ milágro rupi.

Referencias Cruzadas

Job 21:27

Peikuaa porãke, che aikuaa porã voi peẽ peguerekóva pende py’apýpe, ha pe temiandu vai peguerekóva cherehe.

Job 32:3

Ipochy avei iñirũnguéra mbohapyvéva ndive, nombohovái porãi haguére Jóbpe, ha ha’e opytáre peteĩ heko potĩva ramo.

Job 42:7

Ha Ñanderuete oñe’ẽmba rire Job ndive, oñe’ẽ avei Elifaz, pe Teman peguápe ha he’i: Che chepochyete nendive ha ne irũ mokõivéva ndive napeñe’ẽ porãigui cherehe ojapo haguéicha che rembiguái Job.

Matéo 11:5

Hesatũva ohecha jevy; ijapáva oguata jevy; ijai vaíva (iléprava) ipotĩmba jevy; ijapysapéva ohendu jevy; omanova’ekue oikove jevy; ha mboriahukuérape oñemombe’u pe evangélio.

Juan 11:4

Ha Hesu ohendúvo péva, he’i: Ko mba’asy kóva ndoguerahamo’ãi ichupe ñemanóme, Ñanderuete reko jajaipa ojehechauka hag̃uánte, ha kóva rupi oñembotuicha hag̃ua avei Ñanderuete Ra’ýpe.

Juan 11:40

Hesu katu ombohovái ichupe: Nda’éi piko ra’e ndéve: Reguerovia ramo rehechataha Ñanderuete reko jajaipa ha ipu’aka.

Apostolkuéra 28:4

Umi Maltaygua ohechávo pe mbói osãingoha ipóre he’i joa hikuái ojupe: Oiméne porojukahare ko kuimba’e kóva, ojesalva y pochýgui, opáichavo pe jehavira jára ndohejái oikove.

Apostolkuéra 4:21

Upérõ umi mburuvicha omongyhyje jevy ichupekuéra, ha opoi Pédro ha Juángui, ndojohúigui hesekuéra mba’evete ikatúva omoĩ vai hag̃ua ichupekuéra, hetãyguakuéra omomba’eguasúgui Ñanderuetépe pe milágro oikomava’ekue rehe.

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

1 Juan 4:9

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.