Juan 9:24

Ñanderuete Ñe’ẽ Porã 2015

Upérõ ohenói jevy hikuái pe hesatũva’ekuépe ha he’i ichupe: Emomba’eguasu Ñanderuetépe, ore roikuaa pe nemonguerava’ekue peteĩ heko vaíva.

Referencias Cruzadas

Ésdras 10:11

Ha ko’ág̃a pemomba’eguasu Ñanderuete, pende rukuéra Járape, ha pejapo Ha’e oipotáva, ha peñemboyke ambue tetãyguakuéragui ha ikuñakuéragui.

Isaías 66:5

Upévare pehendu pende Ruete ñe’ẽ, peẽ pekyhyjéva, pehendu che ñe’ẽ. Pene pehẽngue oñemoĩva penderehe ha penemosẽva okápe che réra rehe, he’ígui hikuái: Ñanderuete tohechauka ipu’aka ore rohecha hag̃ua peẽ pevy’aha; umía katuete oñemotĩmbava’erã.

Márcos 15:27

Ha hendive oñemosãingo avei kurusúre mokõi mondaha; peteĩ ijakatúa gotýo ha ambue ijasu gotýo.

Lúcas 15:2

Umi fariséo ha umi oporombo’éva Ñanderuete ñe’ẽ oñe’ẽngururu hese he’ívo: Ko kuimba’e kóva oiko angaipavóra apytépe ha okaru avei hendivekuéra.

Lúcas 19:7

Ha hetãyguakuéra ohendúvo péva, oñe’ẽngururu ha he’i: E’ána, Hesu oike peteĩ kuimba’e heko vaíva rógape opyta hag̃ua.

Lúcas 7:39

Pe fariséo oconvidava’ekue Hesúpe, ohechávo péva he’i ipy’apýpe: Ko kuimba’e kóva añetehápe proféta rire, oikuaava’erãmo’ã mávapa pe opokóva hese, ha mba’eichagua kuñápa ha’e, ha’e ningo peteĩ kuña reko vaíva.

Juan 14:30

Nañe’ẽ hetamo’ãvéima penendive, oúmagui ko yvy jára, Satana, chemoĩvai hag̃ua, ndojohumo’ãi katu mba’evete jejavy che rekovépe.

Juan 16:2

Pa’ikuéra ha fariseokuéra penemosẽta Ñanderuete rogaguasúgui, ha og̃uahẽta gueteri umi ára oimeraẽva pendejukátava oimo’ãgui omomba’eguasuha Ñanderuetépe (umi tembiapo rupi).

Juan 18:30

Ha’ekuéra ombohovái ichupe: Kóva nahembiapo vaíri rire ndoromoĩriva’erãmo’ã nde pópe.

Juan 19:6

Umi pa’iguasu rembiguái ha tahachikuéra ohechávo Hesúpe osapukái joa ha he’i hikuái: Emosãingo kurusúre, emosãingo kurusúre. Upérõ Piláto he’i ichupekuéra: Pegueraha katu peẽ ha pemosãingo ichupe kurusúre, che ningo ndajohúi hekovépe mba’evete ivaíva.

Juan 5:23

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

Juan 8:46

Mávapa pende apytégui ikatu ohechauka che añemohembiapo vaiha. Che ningo ha’e pe añetegua, ha mba’éicha rupi piko aipóramo peẽ ndapegueroviái.

Juan 8:49

Hesu ombohovái ichupekuéra: Chepype ndaipóri mba’epochy, Che ambotuicha uvei che Ruetépe, peẽ katu chemboyke, ha peẽ nachemoañetéi.

Juan 9:16

Fariseokuéra apytégui oĩ umi he’íva: Pe kuimba’e péva ndaha’éi Ñanderuete reheguáva, nomomba’éigui sábado ára. Ambuekuéra katu he’i: Mba’éicha piko kuimba’e heko vaíva ikatu ojapo koichagua milágro. Ha oñoñe’ẽapi hikuái.

Juan 9:25

Upéramo pe hesatũva’ekue he’i ichupekuéra: Che ndaikuaái pe chemonguerava’ekuépa peteĩ heko vaíva, aikuaa porã katu cheresatũ hague ha ko’ág̃a Ha’érupi che ahecha porãha.

Romayguakuérape 8:3

Ha umi mba’e Moises rembiapoukapykuéra ikatu’ỹva ojapo, ñande kuimba’e ha kuña reko ikangýgui, péva Ñanderuete ojapova’ekue ita’ýra Hesu Crísto rupi, omboúvo ichupe kuimba’e reterõguáicha ko yvy apére, ha péicha Ñanderuete ikatu ocondena pe angaipa Hesu Crísto rete rupi, ndo’áigui Ha’e angaipápe.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

Josué 7:19

Upémaramo Josue he’i Acánpe: Che ra’y, emboete Ñanderuete, Israel Járape, ha emomba’eguasu ichupe, eikuaaukávo chéve mba’épa rejapora’e; ani reñomítei chehegui mba’evete.

Apocalípsis 11:13

Ha upejave oiko yvyryryiguasu, ha pe óga atyguasu apytégui cáda óga 10-ha ho’a ha 7.000 hetãygua omano, ambuekuéra ohecháva guive umi mba’e oñemondyiete, ha omomba’eguasu Ñanderuete yvága peguápe.