Juan 8:9

Ñanderuete Ñe’ẽ Porã 2015

Ohendu rire hikuái Hesu ñe’ẽ, osẽ joa peteĩteĩ, oñepyrũvo pe itujavévagui; ipahápe Hesu opyta ha’eño pe kuña ndive, opytava’ekue oñemoñembo’y haguépe.

Referencias Cruzadas

1 Réyes 17:18

Ha pe kuña he’i Elíaspe: Moõpa che ajavy nendive nde kuimba’e Ñanderuete reheguáva, rejupi piko ra’e che rendápe chemomandu’a hag̃ua che reko vai rehe, ha rejuka hag̃ua che membýpe.

1 Réyes 2:44

Tetã ruvicha he’i avei Simeípe: Nde reikuaa voi opaite mba’evai oĩva nde py’apýpe, ha rejapova’ekue che ru David rehe, Ñanderuete ombou ko’ã mba’evai ne akã ári.

Job 20:27

Pe yvága omyesakãta heko vai, ha pe yvy opu’ãta hese.

Job 20:5

Iñañáva vy’a imbykyha, ha heko vaíva sapy’aiténte ovy’aha,

Salmokuéra 40:14

Toñemotĩ ha tojesarea joaite peteĩcha umi ohekáva ohundi hag̃ua che rekove. Tokañy hapykue gotýo ha toñemotĩ opaite umi chehundiséva.

Salmokuéra 50:21

Opaite ko’ã mba’e rejapova’ekue, ha upeichavérõ jepe Che akirirĩ, reimo’ãra’e Che ndeichagua voi avei, Che katu añeko’õi nderehe, ha ko’ã mba’e amoĩmbáta nde resa renondépe nde rejepy’amongeta porã hag̃ua umi mba’ére.

Salmokuéra 71:13

Toñemotĩmba ha tomanomba umi cherehe oñemoĩva, ñemotĩ ha ñembohory tohupity umi chejukasévape.

Eclesiástes 7:22

Eikuaa porãke nde voi remaldeci hague avei, nde py’apýpe, heta jevy nde rapichápe.

Lúcas 13:17

Ha umi oñemoĩva Hesu rehe otĩmba opytávo, umi ambue oñembyatýva katu, ovy’aite opaite mba’eguasu Hesu ojapóvare.

Juan 8:10

Oñakãrapu’ãvo Hesu oporandu ichupe: Nde kuña, moõ piko oime umi oñemoĩmava’ekue nderehe. Avave piko nanecondenáira’e.

Juan 8:12

Hesu he’i jevy ichupekuéra: Che ningo ko múndo resape. Upe oúva che rapykuéri ndoikomo’ãvéima pytũnguýpe, oguerekóma uvei pe tekove resape.

Juan 8:2

Ko’ẽjúvo Ha’e ou jevy Ñanderuete rogaguasúpe ha Israelguakuéra oñembyaty hendápe, ha Hesu oguapy ohekombo’e hag̃ua ichupekuéra.

Juan 8:3

Umi kuatia haihára ha fariseokuéra ogueru Hesu rendápe peteĩ kuña ojejohuva’ekue omongy’ahápe imendare reko ha omoñembo’y ichupe imbytepekuéra.

Juan 8:8

Ha ojayvy jevy ohai hag̃ua yvýre.

Romayguakuérape 2:15

Ha’ekuéra ohechauka hembiapo rupi umi tembiapoukapy ojehai hague avei ipy’apýpe (Génesis 3,22). (Mbohapy techahare oĩ tetãyguakuéra rekovépe, ndoguerekói ramojepe Moises rembiapoukapykuéra, umía ha’e: Pe ñe’ã (corazon), pe py’apyñe’ẽ (conciéncia) ha pensamientokuéra.) Umi pensamiénto rupi tetãyguakuéra omoneĩ térã ombotove hapicha rembiapokue.

Romayguakuérape 2:22

Nde ere ani rembyai mendare, ha ndete voi rembyai ne mendare. Nde ere ani remomba’eguasu jára gua’úpe, ha ndete voi remonda Ñanderuete rogaguasu pegua mba’e.

1 Juan 3:20

Ñande py’apyñe’ẽ ñanemoĩ vaisérõ Ñanderuete renondépe, imborayhu ituichave ñande py’apyñe’ẽgui, Ha’e oikuaapágui voi ñande py’apýpe oĩva guive.