Juan 8:56

Ñanderuete Ñe’ẽ Porã 2015

Pende ru Abraham ovy’aite cherechávo, ha’e ningo cherecháma voi ha ovy’aite.

Referencias Cruzadas

Genesis 22:18

Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

Matéo 13:17

Añetehápe Che ha’e peẽme, heta proféta, ha heta heko potĩva ohechaseva’ekue ko’ã mba’e peẽ pehechavapeína, ha ndohechaiva’ekue; ha ohenduseva’ekue ko’ã mba’e peẽ pehendúva ha nohenduiva’ekue hikuái.

Lúcas 10:24

Añetehápe Che ha’e peẽme, heta proféta ha tetã ruvichakuéra ohechaseva’ekue peẽ pehechavapeína ha ndohechái hikuái, ha’ekuéra ohenduseva’ekue peẽ pehenduvapeína, ha nohendúi hikuái.

Juan 10:25

Hesu ombohovái ichupekuéra: Che ha’éma peẽme ha ndapegueroviái, umi tembiapo ajapova’aína che Ruete rérape ohechauka porã mávapa Che.

Juan 8:37

Che ningo aikuaa porã voi peẽ Abraham ñemoñareha, upeichavéramo jepe peẽ peñeha’ã chejuka hag̃ua, peẽ napemoingéigui che ñe’ẽnguéra pende py’apýpe.

Juan 8:39

Ha’ekuéra he’i: Ore ru ningo Abraham. Hesu katu ombohovái ichupekuéra he’ívo: Peẽ Abraham ra’ykuéra ramo, peẽ pejapova’erãmo’ã avei Abraham rembiapokue.

hebreoyguakuerape 11:13

Ko’ãva omanomba ohupity’ỹre opaite mba’e Ñanderuete oprometeva’ekue, opáichavo ijerovia rupi ohechava’ekue mombyry guive umi mba’e, ha jeroviapópe oñemomirĩ ha oiko mbohupa ha tetã ambueygua ramo ko yvy apére (Deuteronómio 34,1-8).

hebreoyguakuerape 11:39

Ha opaite ko’ãva ombovy’a ramojepe Ñanderuetépe ijerovia rupi, ndohupitýi gueteri ipromésa.