Juan 8:54

Ñanderuete Ñe’ẽ Porã 2015

Hesu he’i ichupekuéra: Che añembotuicha rire, che ñembotuicha añetehápe ndovaleiva’erãmo’ã mba’eve. Che Ruete ningo chembotuicha, ha peẽ peje hese Ha’e pende Rueteha.

Referencias Cruzadas

Mga Kawikaan 25:27

Pe eíra je’u hetaiterei naiporãi, upévare ani rembojuruhe’ẽiterei nde rapichápe.

Isaías 66:5

Upévare pehendu pende Ruete ñe’ẽ, peẽ pekyhyjéva, pehendu che ñe’ẽ. Pene pehẽngue oñemoĩva penderehe ha penemosẽva okápe che réra rehe, he’ígui hikuái: Ñanderuete tohechauka ipu’aka ore rohecha hag̃ua peẽ pevy’aha; umía katuete oñemotĩmbava’erã.

Oséas 1:9

Ha Ñanderuete he’i: Embohéra ichupe Loami (he’ise: Peẽ ndaha’éi che retã), peẽ ndaha’evéigui che retã ha Che ndaikomo’ãvéima pende Jára ramo.

Juan 17:1

Ko’ã mba’e ko’ãva Hesu oñe’ẽvo ojesaupi yvága rehe ha he’i: Che Ruete og̃uahẽma pe hóra rembotuicha hag̃ua nde Ra’ýpe, ha nde Ra’y nembotuicha hag̃ua avei ndéve.

Juan 17:5

Ha ko’ág̃a che Ruete chembotuicha nendive pe teko jajaipápe, Che aguereko ypyva’ekue nendive aju mboyve guive ko yvy ári, ko múndo oiko mboyve.

Juan 2:11

Ko mba’e Hesu ojapo techaukaha ramo oñepyrũvo hembiapo Cana, Galiléa peguápe, upéicha ohechauka ijyvága reko jajaipa ha hemimbo’ekuéra ojerovia hese.

Juan 5:41

Che ndaipotái tetãyguakuéra chembotuicha.

Juan 7:18

Upe oporombo’éva iñakãgui reínte, oheka oñembotuicha hag̃ua; pe ombotuicháva pe ombouva’ekuépe ichupe, hendive oĩ pe añetegua, ha ipype ndaipóri japu ni ñembotavy.

Juan 7:39

Ko’ã mba’e Hesu he’i pe Pytu Porãmbáva rehe, oñeme’ẽva’erãva opaite ojeroviávape guive añetehápe hese. Hesu he’ívo ko’ã ñe’ẽ, pe Pytu Porãmbáva ne’ĩra ou, Hesu Crísto noñemboheko jajáigui gueteri.

Juan 8:41

Peẽ pejapo pende ru rembiapokue. Ombohovái hikuái ichupe: Ore ndaha’éi avave ra’y okára térã kuña reko vai memby. Ore ru ningo Ñanderuete voi, pe yvagakuéra Jára.

Juan 8:50

Che ndahekái añembotuicha hag̃ua, oĩ katu peteĩ chembotuicháva ha penembojovakétava.

Apostolkuéra 3:13

Abraham, Isaac ha Jacóbo Jára, ore rukuéra Jára, Ñanderuete voi, ombotuicha hembiguái Hesúpe, peẽ pemoĩva’ekue Piláto pópe pembotove (penega) hag̃ua ichupe Piláto renondépe ha’e omosãsose ramojepe Hesúpe.

2 Corintoyguakuérape 10:18

Ndopyta porãi upe oñemoĩ porãséva ojupe, ojererohoryva’erã upe Ñanderuete omomorãvape uvei.

1 Pédro 1:12

Hesu Crísto Pytu Porãite ohechaukava’ekue ichupekuéra ko mba’e kóva, ha’ekuéra oikuaaséva; ko mba’e katu ndaha’éi ichupekuéra g̃uarã, peẽme g̃uarãnte uvei ha’ekuéra omombe’ukáva. Ha ko’ág̃a oñemombe’úma avei peẽme Ñanderuete salvacion ha umi omyasãiva’ekue ko ñe’ẽ kóva pende apytépe ojapo hikuái Pytu Porãmbáva pu’aka rupi. Ko’ã mba’e yvága rembiguaikuéra (angelkuéra) jepe oikuaa porãse avei.

1 Pédro 1:21

Hesu Crísto rupi pejerovia Ñanderuete rehe, Ha’e voi omoingove jevy ichupe omanova’ekue apytégui, ha ome’ẽ ichupe teko jajaipáva, upéicha Ha’érupi peñemoĩ avei jeroviapópe Ñanderuete pópe ha peha’ãrõ Ha’e ojehechaukaha ára peve.

2 Pédro 1:17

Ñandejára Ñanderuete voi ombotuichaite Hesu Crístope ha ome’ẽ avei ichupe heko jajaipágui he’i ramoguare ichupe: Kóva ningo che ra’y ahayhuetéva ha Che aguerohorýva, (Matéo 17,5).