Juan 8:47

Ñanderuete Ñe’ẽ Porã 2015

Ñanderuete reheguáva ohendu ha ojapo Ñanderuete ñe’ẽ; ha peẽ nacherendúigui, peẽ ndaha’éi Ñanderuete reheguáva.

Referencias Cruzadas

Daniel 12:10

Heta ojeporavóva oñemopotĩuka ha oñemomorotĩuka hag̃ua; umi iñaña rekóva katu oikovéta iñaña rekópe, ijapytépe avave nahesakãmo’ãi; umi heko potĩva katu oikuaáta ha hesakã porãta umi mba’e ojehúva rupi.

Juan 12:48

Upe chemboykéva ha ndojapóiva che ñe’ẽ, ojohúma imbojovakehára, pe ñe’ẽ Che amombe’úva, upéva voi ombojovakéta ichupe.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 5:25

Añetehápe, añetehápe, Che ha’e peẽme: Oúta pe hóra ha og̃uahẽma voi, umi omanova’ekue ohendúta ha iñe’ẽrendúta Ñanderuete Ra’y ñe’ẽme ha oikoveva’erã tapia g̃uarã.

Juan 6:65

Ha upévare Hesu he’i: Avavete ndaikatúi ou che rendápe Che Ruete ndoguerúi ramo ichupe.

Juan 8:37

Che ningo aikuaa porã voi peẽ Abraham ñemoñareha, upeichavéramo jepe peẽ peñeha’ã chejuka hag̃ua, peẽ napemoingéigui che ñe’ẽnguéra pende py’apýpe.

Juan 8:43

Mba’érehe piko ndapehechakuaái ko che ñe’ẽ kóva, peẽ napehenduséigui che ñe’ẽ.

Juan 8:45

Che katu, añe’ẽ ramojepe peẽme pe añetegua, peẽ ndapegueroviaséi.

1 Juan 3:10

Péicha ojekuaa porã mávapa Ñanderuete ra’y térã itajýra ha mávapa aña ra’y térã itajýra. Opaite umi ndojapóiva pe heko peguáva ha upe ndohayhúiva iñermanokuérape ndaha’éi Ñanderuete ra’y ni itajýra.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.

3 Juan 1:11

Che rayhupára, ani rejapo ivaíva, iporãva uvei. Upe ojapóva mba’e iporãva, Ñanderuete reheguáva; ha pe hembiapo vaíva katu, ndohechái Ñanderuetépe.