Juan 8:44

Ñanderuete Ñe’ẽ Porã 2015

Peẽ ningo Satana ra’ykuéra, Satana pende ru ha pejaposénte pende ru rembipota vai. Ha’e ningo oporojuka ñepyrũ guive, ha’e ndoguatái añetegua rapére, ipype ningo noĩri voi pe añetegua. Oñe’ẽ guive ijapu, ipy’apýgui osẽ pe japu, ha’e ningo pe japu ruvicha voi.

Referencias Cruzadas

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

1 Réyes 22:22

Ha’e he’i: Che aháta ha oikóta pytu japu ramo opaite iprofetakuéra juru rupi. Ha ha’e he’i: Nde reipy’ara’ãta, ha rehupitýta avei umi mba’e reipotáva, tereho ha ejapo nde ere háicha.

1 Crónicas 21:1

Satana katu oñemoĩ Israel rehe, ha oipy’ara’ã Davídpe oipapa hag̃ua Israelguakuérape.

Job 1:11

Eipyso katu nde po ha epoko opaite mba’e oguerekóva guive rehe, ha rehecháta katuete opoitaha ndehegui.

Matéo 12:34

Peẽ mbói ñemoñare. Mba’éichapa peñe’ẽkuaáta mba’eporã, peẽ peneñaña ramo. Umi mba’e omyenyhẽva ñande py’apy, umíva katuete osẽ jevy ñande jurúgui.

Matéo 13:15

Ko’ã tetãygua py’apy oñemohatã ha ohendu vaiete ijapysakuéra rupi; omboty hikuái hesa ani hag̃ua ohecha hesa rupi, ani ohendu ijapysa rupi, anioentende ipy’apy rupi, upévare nog̃uahẽséi che rendápe, ha upévare Che ndaikatúi amonguera ichupekuéra.

Matéo 13:38

Pe kokue ningo hína ko múndo; pe mba’e ra’ỹi porã ningo hína Ñanderuete retãguasu ra’ykuéra; ha pe ñana vai katu aña ra’ykuéra.

Juan 6:70

Hesu he’i ichupekuéra: Ndapoiporavói piko ra’e 12-pe, ha peteĩva pende apytépe peteĩ mba’epochy.

Juan 7:17

Upe ojaposéva añetehápe Ñanderuete rembipota, upéva oikuaava’erã ko che ambo’éva ou Ñanderuetégui térãpa che ñe’ẽnte.

Juan 8:38

Che añe’ẽ’aína umi mba’e ahechava’ekue che Ruete ndive; peẽ katu pejapopeína pende ru (Satana) he’iukava’ekue peẽme.

Juan 8:41

Peẽ pejapo pende ru rembiapokue. Ombohovái hikuái ichupe: Ore ndaha’éi avave ra’y okára térã kuña reko vai memby. Ore ru ningo Ñanderuete voi, pe yvagakuéra Jára.

Juan 8:55

Peẽ ndapeikuaái ichupe Che ningo aikuaa ichupe; ha Che ha’e ramo ndaikuaaiha ichupe, chejapúta peẽ pendejapu háicha.

Apostolkuéra 13:10

Nde, tekove japu ha iñañáva, aña ra’y, oñemoĩva opaichagua heko peguáva rehe, nderepoimo’ãi piko nde reko ñaña ombyaisévagui Ñanderuete rape porã.

Apostolkuéra 24:9

Ha opaite ambue Judayguakuéra oĩva guive upépe he’i avei añeteha opaite mba’e Tértulo he’imava’ekue guive.

Apostolkuéra 5:3

Pédro katu he’i ichupe: Ananías, mba’érehe piko Satana omyenyhẽ nde py’apy, ndejapu hag̃ua Pytu Porãmbávape ha reñomi pe yvy repykuégui.

2 Corintoyguakuérape 11:3

Akyhyje ningo ku mbói ombotavy haguéicha Évape, péicha pe mbói ombotavymo’ãma avei pene pensamientokuérape, pejei hag̃ua Hesu Crísto reko potĩgui, pejapyhy hag̃ua Satana reko ky’a.

1 Pédro 5:8

Peñemoakãguapy ha peñeñangarekóke, pe mba’epochy (Satana) penerãirõséva oikógui pende jerekuévo, leõ okororõvaicha, ha oheka mavapépa ho’úta.

2 Pédro 2:4

Ñanderuete noperdonaiva’ekue umi yvága rembiguaikuéra (angelkuéra) oñemohembiapo vaiva’ekuépe, oity uvei ichupekuéra pe tenda pypukuetépe (infiérnope) oñembosako’imava’ekue Satanáme g̃uarã, ha upépe Ha’e oñongatu ichupekuéra pe ñembojovakeha árape g̃uarã.

1 Juan 1:8

Ja’érõ nañaneangaipaiha, ñande ñañembotavy ñandejupe voi, ha ñandepype ndaipóri pe añetegua.

1 Juan 2:21

Ndahaíri peẽme peikuaa’ỹrõguáicha pe añetegua, peikuaa porã uvei, ha peikuaa porã avei mba’eveichagua japu nosẽiha pe añeteguágui.

1 Juan 2:4

Oime ramo he’íva che aikuaa ichupe, ha ndojapói hembipota, ijapu ha ipype ndaipóri pe añetegua.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.

1 Juan 3:15

Oimeraẽ ija’e’ỹva iñermáno rehe ningo oiko porojukahára ramo, ha péicha peikuaa opaite porojukahára ndoguerekoiha ipype pe tekove opa’ỹva.

Júdas 1:6

Ha umi yvága rembiguaikuéra (angelkuéra) oiko’ỹva’ekue heko ypykuépe, ha opoi haguére heko ypykuégui Ha’e oñapytĩ ha oñongatu tapia g̃uarã pytũmbýpe (infiérnope) oñembojovake hag̃ua pe ára pahápe,

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 13:14

ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 2:10

Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.

Apocalípsis 21:8

Umi ipy’amirĩva, umi opiáva pende Ruete rapégui, umi heko ky’áva, umi oporojukáva, umi oikóva oñondive omenda’ỹre (heko ky’áva), umi paje apoha, umi omomba’eguasúva ambue jára ra’ãngápe ha opaite ijapúvape oñemombova’erã upe lágo tataguiguápe, hendyhápe avei azúfre, kóva ningo pe ñemano mokõiha.

Apocalípsis 22:15

Okápe katu opytáta umi jagua (umi oñemoĩva Ñanderuete rehe hembiapo vaiete rupi. Matéo 7,6), paje apohára, umi ojoguerekóva menda’ỹ rehe, umi oporojuka reíva, umi omomba’eguasúva jára ra’ãngápe, ha opaite ohayhúva ha oikóva japúpe.

Apocalípsis 9:11

Umi tuku ruvicha ningo aña retã rembiguaiguasu, oñembohéra Israelgua ñe’ẽme Abadon, ha Greciaygua ñe’ẽme Apolion, he’iséva porombyaihára.