Juan 8:41

Ñanderuete Ñe’ẽ Porã 2015

Peẽ pejapo pende ru rembiapokue. Ombohovái hikuái ichupe: Ore ndaha’éi avave ra’y okára térã kuña reko vai memby. Ore ru ningo Ñanderuete voi, pe yvagakuéra Jára.

Referencias Cruzadas

Éxodo 4:22

Ha eréta faraónpe: Ñanderuete péicha he’i: Israel ningo che ra’y ypykue.

Isaías 63:16

Nde ningo ore Ruete, Abraham ndaorekuaái ha Israel naimandu’ái orerehe, Nde katu, ore Ruete, Nde ningo ore Jára, oresalvátava, nde réra oĩma ymaite guive (ko ára peve).

Isaías 64:8

Upeichavéramo jepe Nde, ore Ruete, ore ningo ñay’ũ nde pópe, Jahve, Nde ore apohare; ore voi ningo nde po rembiapokue.

Jeremías 3:19

Che aimo’ãva’ekue peẽ peikóta che ra’y ramo ha upévagui Che ame’ẽ peẽme pe yvy iporãvéva tetãnguéra apytépe. Ha Che aimo’ã peẽ cherenoitaha: Ore Ruete, ha napeñemboykemo’ãira’e araka’eve che rapykuérigui.

Jeremías 31:20

Efrain piko ndaha’éi pe ta’ýra aguerohoryvéva, ndaha’éi piko pe mitãmi chembopy’a rorýva. Añe’ẽ ypy guive hese, tapiaite chemandu’a hese. Upéicha rupi chepy’a angekõi hese, añetehápe aiporiahuverekóta ichupe, he’i pende Ruete.

Oséas 1:2

Ñanderuete oñepyrũvo oñe’ẽ Oséas ndive he’i ichupe: Tereho emenda peteĩ kuña reko vaíva rehe ha tandera’y ichugui, che retã oikógui kuña reko vaícha, oguata ambue jára gua’u rapykuéri.

Malaquías 1:6

Pe ta’ýra omomba’e itúvape, ha pe tembiguái ijárape. Ha Che, pende Ruete ramojepe, mba’érehepa peẽ nachemomba’éi: Che ningo pende Ruete ha mba’éichapa peẽ ndapekyhyjéi chehegui. Péicha pende Ruete he’i ipa’ikuérape: Peẽ chemboyke, ha peẽ peje: Moõpa ore romboykéra’e.

Malaquías 2:11

Juda oñemboykéma Ñanderuete rapégui, Israel ha Jerusalengua oñemongy’áma, Judayguakuéra oiporu vai che rogaguasu, Che ahayhúva, omenda ambue jára gua’u rehe.

Juan 8:38

Che añe’ẽ’aína umi mba’e ahechava’ekue che Ruete ndive; peẽ katu pejapopeína pende ru (Satana) he’iukava’ekue peẽme.

Juan 8:44

Peẽ ningo Satana ra’ykuéra, Satana pende ru ha pejaposénte pende ru rembipota vai. Ha’e ningo oporojuka ñepyrũ guive, ha’e ndoguatái añetegua rapére, ipype ningo noĩri voi pe añetegua. Oñe’ẽ guive ijapu, ipy’apýgui osẽ pe japu, ha’e ningo pe japu ruvicha voi.

Deuteronómio 14:1

Peẽ ningo Jahve, pende Ruete ra’ykuéra: Napeñekytĩriva’erã ha napeñemoakãperõiva’erã omanómava’ekue rehe.

Deuteronómio 32:6

Péicha piko pemyengovia Ñanderuete rembiapo porã, peẽ tetãygua tarova ha itavýva. Ha’e piko ndaha’éi pende Ru, pende Apohare. Ha’e voi ningo pendeapo ha penemohenda,

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.