Juan 8:36

Ñanderuete Ñe’ẽ Porã 2015

Upévare pe Ta’ýra penemosãso ramo, Satana ha angaipa poguýgui, añetehápe peẽ penesãsóma.

Referencias Cruzadas

Salmokuéra 119:133

Chemboguata hekoitépe ne ñe’ẽ rupive, ani hag̃ua mba’eveichagua tembiapo vai oñembojára cherehe.

Salmokuéra 119:32

Ne rembiapoukapy rape rehe aguatase, Nde chemoarandu porã che py’apýpe.

Salmokuéra 19:13

Añembotuichase ramo chejokomína, anítei pe ñembotuicha ipu’aka cherehe, upéichante che reko oñemomirĩve ohóvo ha tachepotĩ apytávo oimeraẽva ñepu’ãguasu reígui.

Isaías 61:1

Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Romayguakuérape 8:2

Pe tembiapoukapy Pytu Porãmbáva rehegua oporomoingovéva, omosãsóma opaite ojeroviávape Hesu Crísto rehe, pe tembiapoukapy angaipa ha ñemano rehegua poguýgui.

1 Corintoyguakuérape 7:22

Pe tembiguáipe oñeme’ẽma sãso, opyta Hesu Crísto rembiguáirõ, ha pe karai oikomava’ekue sãsóme opyta Hesu Crísto rembiguáirõ (ojeroviágui hese).

2 Corintoyguakuérape 3:17

Ñanderuete ningo Pytu Porãite ha Ñanderuete Pytu Porãite oĩháme, upépe oĩ sãso (libertad).

Galaciayguakuérape 5:1

Hesu Crísto ñanerenói pe teko sãsóme g̃uarã, upévare pepyta hatãkena pe teko sãsóme ha anítei peñemoĩ jevy tembiguái cangálla poguýpe.