Juan 8:31

Ñanderuete Ñe’ẽ Porã 2015

Upéramo Hesu he’i umi Judaygua ojerovia ramóvape hese: Peẽ pepyta ramo che ñe’ẽme, añetehápe peẽ che remimbo’ekuéra.

Referencias Cruzadas

Matéo 24:13

Ha upe ogueropu’akáva ipahaite peve, péva ojesalvava’erã katuete.

Juan 1:47

Ha Hesu ohechávo Natanael ouha hendápe, he’i: Kóva ningo Israelgua añeteguáva, ipype ndaipóri tova mokõi.

Juan 2:2

Ha oñeconvida avei Hesu ha hemimbo’ekuérape upe mendahápe.

Juan 6:55

Che ro’o ningo pe tembi’u añeteguáva, ha che ruguy pe ñemboy’u añeteguáva.

Juan 8:36

Upévare pe Ta’ýra penemosãso ramo, Satana ha angaipa poguýgui, añetehápe peẽ penesãsóma.

Apostolkuéra 13:43

Opa rire pe cúlto heta Judayguakuéra ha tetã ambueygua omoirũ Páblo ha Bernabépe. Páblo ha Bernabe omokyre’ỹ ichupekuéra ojeroviaite hag̃ua Hesu Crísto rehe.

Apostolkuéra 14:22

Opárupi omokyre’ỹ hikuái hermanokuérape ha ohekombo’e ichupekuéra ojerovia mbareteve hag̃ua ohóvo, ha omombe’u porã avei ichupekuéra heta sufrimiénto (jehasa asy) rupi jaikeva’erã Ñanderuete retãguasúpe.

Apostolkuéra 26:22

Ñanderuete oñangareko ha chepytyvõ porã haguére che aikove gueteri ko’ág̃a peve, ha che añembo’y amombe’u hag̃ua umi mba’e ojehechaukava’ekue chéve michĩva ha tuichávape. Añe’ẽvo amombe’u hekópe umi mba’e Moises ha umi proféta he’imava’ekue ojehuva’erãha Hesu Crísto rupi.

Romayguakuérape 11:22

Ema’ẽ porãke, Ñanderuete ipy’a porã, Ha’e katu ohavirakuaa avei. Ñanderuete ohavira umi iñe’ẽrendu’ỹvape, ha nde neñe’ẽrendu porã ramo Ha’e ohechaukáta ipy’aporã, repoi ramo katu Ñanderuetégui, Ñanderuete nekytĩ’óta avei pe ijyvyra mátagui.

Romayguakuérape 2:7

Ñanderuete voi ningo ome’ẽta tekove opa’ỹva umi ojapóvape tembiapo porã, ha oñeha’ãmbáva ohupity hag̃ua Ñanderuete reko ojajaipáva, tekove opa’ỹva ha ombotuichaséva Ijárapente.

Colosayguakuérape 1:23

upévare pepyta hatãkena pende jeroviápe, peñemongu’e’ỹre akatúa ni asu gotýo, ha aníke peñemomombyry ichugui, ha ani pepoi Ñanderuete ñe’ẽ porãgui, ni pe esperánza Ha’e oguerumava’ekuégui peẽme. Ko evangélio pehendumava’ekue ha oñemyasãiva opaite yvy apére, che, Páblo, aiko ko evangélio rembiguái ramo, ha aipytyvõ oñemyasãive hag̃ua ohóvo.

1 Timotéope 2:15

Ha’e ojesalváta imemby ramo, ojerovia porã ramo Hesu Crísto rehe, oporohayhu ramo ha oñemboheko porã ramo ñemomirĩ reheve.

1 Timotéope 4:16

Eñangareko ndejehe ha umi mba’e reporombo’éva rehe, epyta ipype, rejapórõ upéicha, Ñanderuete omoañetéta nde salvacion ha umi nerendúvape avei.

2 Timotéope 3:14

Nde katu ani remboyke umi mba’e reikuaa porãva ha epyta hatãke umi tekombo’épe oñeme’ẽmava’ekue ndéve, reikuaa porãgui mávapa nembo’eva’ekue,

hebreoyguakuerape 3:14

Ñande, Crísto reheguáva, jajejoko hatãkena ñande jerovia rehe ipaha peve, jarekóva iñepyrũha guive,

hebreoyguakuerape 8:9

Ndaha’evéima ku ñembopy’apeteĩ ajapo haguéicha ijypykuéra ndive, ajapyhy ramoguare ipógui pe ára aguenohẽ ramoguare ichupekuéra Egípto retãgui; Israelguakuéra opoi haguére che ñembopy’apeteĩgui, Che nañangarekovéima avei hesekuéra, (Éxodo 19,5-6).

Tiágo 1:25

Upe oma’ẽ porãva pe tembiapoukapy hekoite peguáva ñanemosãsóvare ha oñeha’ãmbaite ojapo hag̃ua ko tembiapoukapy kóva he’i háicha, upéva ndaha’éi peteĩ ohendúnteva ha uperire hesarái jevýva; upéva ningo peteĩ ovy’aitéva hembiapo porã rupi.

1 Juan 2:19

Osẽ hikuái ñande apytégui, ndaha’éi ramojepe ñande reheguáva, ñande reheguáva rire, opytava’erãmo’ã ñande apytépe; osẽ uvei hikuái ojehecha hag̃ua ndaopavavéi ñande reheguaha.

1 Juan 2:24

Umi mba’e pehenduva’ekue ñepyrũ guive topyta pendepype. Pendepype opytárõ pe ñepyrũ guive pehendumava’ekue, peẽ pepytáta avei Ta’ýra ha Tuvapype.

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.

1 Samuel 12:14

Tapekyhyje Ñanderuetégui, tapejapo iñe’ẽ ha tapeneñe’ẽrendu ichupe, ha ani pepu’ãtei Ñanderuete ñe’ẽ rehe, peẽ ni pene retã ruvicha, Ñanderuete voi penemboguata porãségui.