Juan 8:12

Ñanderuete Ñe’ẽ Porã 2015

Hesu he’i jevy ichupekuéra: Che ningo ko múndo resape. Upe oúva che rapykuéri ndoikomo’ãvéima pytũnguýpe, oguerekóma uvei pe tekove resape.

Referencias Cruzadas

Job 33:28

Ñanderuete oguenohẽ che ánga ñemanógui, ahecha jevy hag̃ua hesape porã.

Salmokuéra 18:28

Nde remyendy chéve che rataindy, che Ruete, che Jára, ohesapéva chéve iñypytũha rupi.

Salmokuéra 49:19

Ohova’erã katuete ituvakuéra rendápe ha ndohechaveimava’erã kuarahy mimbi.

Salmokuéra 97:11

Tesape oñemyasãi heko potĩvape g̃uarã, ha vy’a umi ipy’a potĩvape g̃uarã.

Isaías 49:6

ha he’ive chéve: Che ndoroiporavói che rembiguairãnte, Che rohenói remopu’ã hag̃ua uvei Jacóbo tribukuéra, ha remyatyrõ hag̃ua Israel rembyre; regueraha hag̃ua avei che resape ha salvacion tetãnguéra yvy apýra paha peve.

Isaías 50:10

Mávapa pende apytépe okyhyje Ñanderuetégui, ha ohendu hembiguái ñe’ẽ. Ha nde reiko ramojepe pytũ guýpe térã nderehechái ramojepe pe arasakã, ejerovia Ñanderuete rehe, ha ejejoko nde Jára rehe.

Isaías 9:2

Pe tetã oikóva pytũ guýpe ohecháta tesape ndetuicháva, umi oikóva ñemano ypýpe ohecháta ára sakã ohesapéva hi’ári.

Oséas 6:3

Ñañeha’ãmba jaikuaave hag̃ua Ñanderuetépe. Ha’e katuete oúta ñane rendápe ku kuarahy rendýicha osẽva opaite árape ha og̃uahẽta jaikohápe ku ama tenondegua ha ipaha peguáicha oúva ko yvy apére.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Matéo 5:14

Peẽ ningo tetãyguakuéra resape; pe táva oñemopu’ãva cérro ru’ãme ndaikatúi oñemi.

Lúcas 2:32

Ha ko Salvador kóva opyta hag̃ua tesape añeteguáva ramo, ojehechaukátava opaite tetãnguérape g̃uarã ha oguerovy’a hag̃ua ne retã Israélpe, (Isaías 42,6; 49,6).

Juan 12:35

Ha Hesu ombohovái ichupekuéra: Pe Tesape ndahi’aremo’ãvéima pende apytépe. Upévare peguata, peguereko aja pe tesape, ha ho’a mboyve pe pytũ pende’ári, ha upe oguatáva pytũnguýpe ndoikuaái moõ rupípa oguatáta.

Juan 12:36

Peguereko aja gueteri pe Tesape, pejerovia pe Tesape rehe, oiko hag̃ua pendehegui Tesape ra’y ha rajykuéra. Oñe’ẽmba rire ko’ã ñe’ẽ ko’ãva ojei ijapytégui ha okañy ichuguikuéra.

Juan 12:46

Che ningo pe Tesape ha aju ko yvy apére, opaite cherehe ojeroviáva ani hag̃ua opyta pytũnguýpe.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 3:19

Kóva ningo pe ñembojovake oúva Tesape rupi ko yvy ape ári, tetãyguakuéra ohayhuve pe pytũme tesapégui, ha ndohechaséi hembiapokuéra ivaiha.

Juan 7:17

Upe ojaposéva añetehápe Ñanderuete rembipota, upéva oikuaava’erã ko che ambo’éva ou Ñanderuetégui térãpa che ñe’ẽnte.

Juan 9:5

Che aiko aja ko yvy ári, che’aĩna ko múndo resapehára.

Apostolkuéra 13:47

Ñanderuete voi he’iuka oréve: Che amoĩ Hesu Crístope tesape ramo opaite tetãnguérape g̃uarã yvy pahaite peve, ha’ekuéra ojesalva hag̃ua (Isaías 49,6).

Apostolkuéra 26:23

Ha’ekuéra voi he’imava’ekue Hesu Crísto ohasa asytaha, ha omano rire oikove jevytaha, ogueru hag̃ua pe tesape Israelguakuérape ha tetã ambueyguakuérape avei.

2 Pédro 2:17

Ko’ã mbo’ehára japu ningo ojogua yvu hi’y’ỹvape ha arai tatatĩnáme, pe yvytu oguerovevéva, ichupekuéra g̃uarã oñembosako’íma peteĩ tenda iñypytũetevéva.

2 Pédro 2:4

Ñanderuete noperdonaiva’ekue umi yvága rembiguaikuéra (angelkuéra) oñemohembiapo vaiva’ekuépe, oity uvei ichupekuéra pe tenda pypukuetépe (infiérnope) oñembosako’imava’ekue Satanáme g̃uarã, ha upépe Ha’e oñongatu ichupekuéra pe ñembojovakeha árape g̃uarã.

1 Juan 1:6

Ja’érõ ñañembopy’apeteĩha hendive ha jaiko pytũmbýpe (angaipápe) ñandejapu, ha ndaja’éi pe añetegua.

Júdas 1:13

Ojogua hikuái y pochýpe (ypenu) ombohyjúiva imba’e ky’akuéra y rembe’ýpe, térã jasytata osẽva’ekue hapégui, vevépe oho hag̃ua tapia g̃uarã pytũmbýpe.

Júdas 1:6

Ha umi yvága rembiguaikuéra (angelkuéra) oiko’ỹva’ekue heko ypykuépe, ha opoi haguére heko ypykuégui Ha’e oñapytĩ ha oñongatu tapia g̃uarã pytũmbýpe (infiérnope) oñembojovake hag̃ua pe ára pahápe,

Apocalípsis 21:24

Ha ipype umi tetãnguéra oguatáta hesapépe ha tetãnguéra ruvichakuéra ogueruva’erã upépe imba’e repyeta ha ipu’aka.