Juan 7:41

Ñanderuete Ñe’ẽ Porã 2015

Ambuekuéra katu he’i: Kóva ningo pe Crísto voi, ambueve katu he’i: Galiléagui piko oúne pe Crísto.

Referencias Cruzadas

Juan 1:41

Andres ojoúvo ityke’ýra Simon Pédrope, he’i ichupe: Ore rojohúma pe Mesíaspe, he’iséva pe Crísto, ñande ñaha’ãrõva, Ha’e ningo Ñanderuete poravopyre.

Juan 1:46

Ha Natanael oporandu Felípepe: Osẽnepa Nazarétgui mba’eporã. Ha Felípe he’i ichupe: Ejumína ha ndete voi, ehecha ichupe.

Juan 1:49

Upéramo Natanael he’i Hesúpe: Mbo’ehára, Nde ningo Ñanderuete Ra’y, Nde ningo Israel retã ruvichaguasu voi.

Juan 4:25

Upéramo pe kuña he’i Hesúpe: Che aikuaa pe Mesías, hérava Crísto, outaha. Ha Ha’e ou vove, orembo’epáta.

Juan 4:29

Peju, pehecha peteĩ kuimba’e, he’ipava’ekue chéve ajapova’ekue, ha’éne piko pe Crísto.

Juan 4:42

ha upévare he’i hikuái pe kuñáme: Ko’ág̃a ndaha’evéima ne ñe’ẽ rehe rojeroviáva ore voi katu, rohendu haguére ichupe, ha roikuaáma kóva ha’eha tetãyguakuéra Salvador, pe Crísto añeteguáva.

Juan 6:69

ha ore rojerovia ha roikuaa porã ningo Nde Ñanderuete Ra’yha, pe Crísto.

Juan 7:27

Ore roikuaa porã katu moõguipa kóva ouva’ekue, pe Crísto ou ramo katu avave ndoikuaamo’ãi mamoguápa Ha’e ou.

Juan 7:31

Hetami Israelgua ojerovia hese, ha he’i hikuái: Pe Crísto ou ramo piko ojapo hetavéne milágro kóva ojapova’ekuégui.

Juan 7:52

Ombohovái hikuái ichupe ha he’i: Nde piko Galileaygua avei. Ehekánte Ñanderuete kuatiañe’ẽme ha rehechava’erã Galiléagui ndoumo’ãiha pe Crísto.