Juan 7:4

Ñanderuete Ñe’ẽ Porã 2015

Avave ningo ndojapói mba’eve ñemiháme ojekuaaukase ramo. Ejehechauka opavavépe Jerusalen aretépe.

Referencias Cruzadas

1 Réyes 22:13

Pe ohova’ekue Miquéas renóivo, oñe’ẽ ichupe he’ívo: Péina ápe umi proféta peteĩ ñe’ẽme omoherakuã mba’eporã tetã ruvichápe; eñe’ẽkena nde avei ha’ekuéraicha, emoherakuã avei osẽ porãmbataha.

Matéo 23:5

Ojapo hembiapokuéra ojehechauka hag̃uánte hapichakuérape; ombope mbopeve pe vakapi inimbo oñapytĩva isyva ha ijyva rehe ha ombopuku pukuve ijahoja ruguái rague.

Matéo 4:6

ha he’i Hesúpe: Nde ramo Ñanderuete Ra’y, ejeity ko’águi yvýpe, Ñanderuete kuatiañe’ẽme he’i voi: Ha’e omboúta nderehehápe hi’angelkuéra, ha ndejokóta ipópe, ani hag̃ua reñepysãnga itáre, (Salmokuéra 91,11-12).

Matéo 6:16

Pekaru’ỹ (peajuna) aja, ani peiko tovasýpe umi hova mokõivaicha; ha’ekuéra ningo omoambue hovakuéra, hapichakuéra ohecha hag̃ua ohasaha karu’ỹre. Añetehápe ha’e peẽme, ha’ekuéra ohupitýma hembiapo repykue.

Matéo 6:5

Ha reñembo’e ramo, ani reñembo’e umi tovamokõi oñembo’e háicha; ha’ekuéra ningo oñembo’e ñembo’yhápe Ñanderuete rógape ha umi tape ojuasaha rupi, ojehechauka hag̃ua hapichakuérape. Añetehápe Che ha’e peẽme, ha’ekuéra ohupitýma hembiapo repy umi mba’e rupi.

Lúcas 6:45

Pe tekove ipy’a porãva ningo oguenohẽ mba’eporã ipy’apy porãgui, ha pe tekove vai oguenohẽ mba’evai ipy’apy vaígui, ha umi mba’e omyenyhẽva ñande py’apy, umía katuete osẽ jevyva’erã ñande juru rupi, taha’e ñe’ẽ iporãva, taha’e ñe’ẽ ivaíva.

Juan 18:20

Hesu ombohovái ichupe: Che ningo aporombo’e’aína opavave rovake Ñanderuete rogakuéra Israel retãme ha Ñanderuete rogaguasúpe oĩva Jerusalénpe ha mba’eve nambo’éi ñemiháme.

Juan 7:3

Hesu ryvykuéra he’i ichupe: Esẽ ko’águi ha tereho Judápe, ne remimbo’ekuéra upepeguáva ohecha hag̃ua avei ne rembiapokuéra.

Juan 7:5

Ityvyrakuéra voi jepe ndojeroviái hese.