Juan 7:39

Ñanderuete Ñe’ẽ Porã 2015

Ko’ã mba’e Hesu he’i pe Pytu Porãmbáva rehe, oñeme’ẽva’erãva opaite ojeroviávape guive añetehápe hese. Hesu he’ívo ko’ã ñe’ẽ, pe Pytu Porãmbáva ne’ĩra ou, Hesu Crísto noñemboheko jajáigui gueteri.

Referencias Cruzadas

Salmokuéra 68:18

Ore Ruete, Nde rejupíma cérro ru’ãme, rerahávo heta iñapytĩmbýva, ha regueraha jopói yvyariguakuéragui, ha avei umi opu’ãva nderehe jepe oikova’erã nde poguýpe.

Mga Kawikaan 1:23

Pejevýke, pehendu hag̃ua che ñe’ẽ pohýi; péina ápe Che añohẽta che Pytu Porãite pendeári, ha aikuaaukáta peẽme che ñe’ẽ arandu.

Isaías 12:3

Vy’apópe peguenohẽva’erã y pe salvacion yvúgui.

Isaías 32:15

Oñeñohẽ meve Pytu Porãite yvate pegua ñandeári pe ñu perõgui oiko jevýta kokue porã oñeñemitỹ hag̃ua, ha pe kokue porãgui oiko jevýta ka’aguy porã.

Isaías 44:3

Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.

Joel 2:28

Ha ã mba’e rire añohẽta che Pytu Porãmbáva mayma kuimba’e ha kunñakuéra ári ha pende ra’y ha pende rajykuéra oprofetizáta; pende karai ancianokuéra ohecháta ike pegua, ha pene mitãrusukuéra ohecháta techapaykuéra (vision).

Matéo 16:14

Ha ha’ekuéra he’i ichupe: Oĩ he’íva, Juan Bautistaha; ambue katu he’i Eliasha; ha ambueve katu he’i: Jeremías térã peteĩva umi proféta apyteguiguavaha.

Matéo 21:11

Ha hetãyguakuéra he’i: Kóva ningo pe proféta Hesu, Nazaret, Galiléa pegua.

Lúcas 24:49

Ha upevarã Che voi pomondo ha che Ruete promesakuéra penemoirũmbáta. Pepyta katu Jerusalénpe oñeme’ẽ meve peẽme pe pu’aka yvagaguigua.

Lúcas 3:16

Upérõ Juan he’i opavave renondépe: Che ningo añetehápe pobautiza ýpe, che rapykuéri katu ouhína pe Ipu’akavéva chehegui, ndaijái chéve ajora hag̃ua isapatu sãnte jepe, Ha’e pendebautizáta Pytu Porãmbáva ha tata reheve.

Lúcas 7:16

Ha okyhyjepa joa hikuái ha omomba’eguasu Ñanderuetépe he’ívo: Peteĩ proféta tuichaitéva opu’ã ñande apytépe, Ñanderuete oñandúma hetãme.

Juan 1:21

Ha oporandu jevývo hikuái ichupe: Máva piko aipórõ nde. Nde piko Elías. Ha Juan ombohovái: Che ndaha’éi. Upéi oporandu hikuái: Nde piko peteĩ proféta. Ha Juan he’i: Che ndaha’éi.

Juan 1:25

Upéramo umi fariséo rembiguaikuéra oporandu Juánpe: Nde ndaha’éi ramo pe Crísto, ni Elías, ni peteĩ proféta, mba’érehepa nde reporobautiza.

Juan 1:33

Che ndaikuaái ichupe, upe chembouva’ekue aporobautiza hag̃ua ýpe, katu he’i chéve: Nde rehecha ramo peteĩ kuimba’e ári oguejy ramo pe Pytu Porãmbáva ha opytáva hi’ári, péva ningo pe oporobautizátava Pytu Porãmbávape.

Juan 12:16

Ko’ã mba’e ko’ãva hemimbo’ekuéra ndohechakuaái ñepyrũrãme, Hesu oñemoingove jevy rire katu imandu’a opaite ko’ã mba’e rehe, ojehaipa hague avei ko’ã mba’e Ñanderuete kuatiañe’ẽme, ha ha’ekuéra voi ojapo hague ko’ã mba’e ichupe g̃uarã.

Juan 12:23

Hesu katu oñe’ẽ ichupekuéra ha he’i: Og̃uahẽmahína pe hóra yvyarigua Ra’y oñembotuicha hag̃ua.

Juan 14:13

Ha opaite mba’e peẽ pejeruréva che rérape, upéva Che ajapóta avei. Che Ruete oñembotuicha hag̃ua chérupi.

Juan 14:26

Pe Pytyvõhára, pe Pytu Porãmbáva, Ñanderuete omboútava pene rendápe che rérape, Ha’e penembo’éta opaite mba’e, ha penemomandu’áta opaite umi mba’e Che ha’emava’ekue peẽme.

Juan 16:14

Pe Pytu Porãmbáva chembotuichava’erã, Ha’e ombohasátagui peẽme umi mba’e ohendúva guive chehegui.

Juan 16:7

Che amombe’úma peẽme pe añetegua: Iporã ningo peẽme g̃uarã Che aha ramo, Che ndahái ramo, ndoumo’ãi pe Pytyvõhára pene rendápe, Che aha rire katu, amboúta ichupe pene rendápe.

Juan 17:1

Ko’ã mba’e ko’ãva Hesu oñe’ẽvo ojesaupi yvága rehe ha he’i: Che Ruete og̃uahẽma pe hóra rembotuicha hag̃ua nde Ra’ýpe, ha nde Ra’y nembotuicha hag̃ua avei ndéve.

Juan 17:5

Ha ko’ág̃a che Ruete chembotuicha nendive pe teko jajaipápe, Che aguereko ypyva’ekue nendive aju mboyve guive ko yvy ári, ko múndo oiko mboyve.

Juan 20:22

Ha he’ipávo ko’ã ñe’ẽ, Ha’e oipeju hi’ári he’i ichupekuéra: Perecibi pe Pytu Porãmbáva.

Juan 6:14

Umi kuimba’e ohechávo Hesu ojapoha milágro he’i hikuái: Añetehápe, kóva ningo pe proféta ouva’erãva ko yvy ape ári.

Juan 7:12

Heta oime umi oñe’ẽngururúva hese, oime he’íva: Ha’e heko porãha. Ambuekuéra katu he’i: Ndaupéichai, Ha’e oporombotavysenteha.

Juan 8:54

Hesu he’i ichupekuéra: Che añembotuicha rire, che ñembotuicha añetehápe ndovaleiva’erãmo’ã mba’eve. Che Ruete ningo chembotuicha, ha peẽ peje hese Ha’e pende Rueteha.

Apostolkuéra 19:2

ha oporandu ichupekuéra: Peẽ pehupitýmapa pe Pytu Porãmbáva pejeroviávo Hesu Crísto rehe. Ha’ekuéra ombohovái: Ore norohendúi gueteri oĩha Pytu Porãmbáva.

Apostolkuéra 2:17

Ñanderuete voi he’i: Umi ára pahápe Che añohẽta che Pytu Porãmbávagui opaite tetãyguakuéra ári, ha pende ra’ykuéra ha pende rajykuéra oprofetizáta ha pende karia’ykuérape ojehechaukáta ipayetépe (visiónpe) umi mba’e Ñanderuete ohechaukaséva ichupekuéra ha umi ikaraietémava ohecháta ike pegua.

Apostolkuéra 2:33

Ñanderuete ningo omboguapy ichupe ijakatúape ha Ha’e ome’ẽ avei Hesúpe promésa pe Pytu Porãmbáva outaha, ha ko’ág̃a Hesu oñohẽma avei pe Pytu Porãmbáva tetãyguakuéra ári.

Apostolkuéra 2:38

Pédro he’i ichupekuéra: Peñembyasy peiko vai haguére, pejevy Ñanderuete rendápe ha peteĩteĩva tojebautizauka Hesu Crísto rérape, Ha’erupínte ojepe’akuaa pene rembiapo vaikue (angaipa) ha oñeme’ẽva’erã peẽme pe Pytu Porãmbáva oporosãmbyhýtava.

Apostolkuéra 2:4

Ha opyta henyhẽmba hikuái Pytu Porãmbávagui ha oñepyrũ oñe’ẽ tetã ambueygua ñe’ẽme, pe Pytu Porãmbáva ome’ẽ háicha peteĩteĩme oñe’ẽ hag̃ua.

Apostolkuéra 3:13

Abraham, Isaac ha Jacóbo Jára, ore rukuéra Jára, Ñanderuete voi, ombotuicha hembiguái Hesúpe, peẽ pemoĩva’ekue Piláto pópe pembotove (penega) hag̃ua ichupe Piláto renondépe ha’e omosãsose ramojepe Hesúpe.

Apostolkuéra 4:31

Ha oñembo’epa rire oryrýi pe óga oñembyatyhápe hikuái, ha opavave oñemyenyhẽ Pytu Porãmbávagui, ha kyre’ỹpópe omombe’u Hesu Crísto evangélio.

Romayguakuérape 8:9

Peẽ katu ndapeikói pende py’apy rembipota vai poguýpe, peikopeína Ñanderuete Pytu Porãite poguýpe, Ha’e oikógui pendepype, ha opavave oguereko’ỹva Hesu Crísto Pytu Porãite ndaha’éi imba’e (ita’ýra ni itajýra).

2 Corintoyguakuérape 3:8

Ndaupéichai pe tembiapo ojejapóva Ñanderuete Pytu Porãite poguýpe, ojajaiva’erãva (ogue’ỹre).

Efesoyguakuérape 4:30

Ani pembopy’ambyasy Ñanderuete Pytu Porãmbávape, Ha’érupi peñemarcamava’ekue salvacion árape g̃uarã.