Juan 7:37

Ñanderuete Ñe’ẽ Porã 2015

Pe areteguasu ára pahápe Hesu oñembo’y ha oñe’ẽ hatã ha he’i: Upe ijy’uhéiva tou che rendápe ha toy’u.

Referencias Cruzadas

Nehemías 8:18

Ha Ésdras ko’ẽ ko’ẽ rehe omoñe’ẽ Moises rembiapoukapykuéra oñepyrũha ára guive ka’arupytũ meve; ha omboareteguasu hikuái 7 ára pukukue, ha pe ára 8-hápe oiko atyguasu, ojejapóva hekoitépe.

Salmokuéra 143:6

Chepojái nderehe ha che ánga ijy’uhéi ku yvy ikãiteváicha. Selah

Salmokuéra 42:2

Che ánga ijy’uhéi Ñanderuete rehe, Ñanderuete oikovéva rehe. Araka’épa ag̃uahẽne hendápe che ahecha hag̃ua hova.

Salmokuéra 63:1

Ore Ruete, Nde, che Jaratee, ko’ẽju jave rohekáta, che ánga ha che rete ijy’uhéi nderehe, ijy’uhéi háicha avei pe yvy ikãmbáva (ama rehe).

Mga Kawikaan 1:20

Pe arandu ojekuaauka sapukaipópe tapekueraha rupi, ha oñe’ẽ hatã táva pláza rupi,

Mga Kawikaan 8:1

Pejapysaka porãke, pe arandu penerenóima ha pe akãguapy porã ñe’ẽ oñehendúma.

Mga Kawikaan 8:17

che ahayhu umi cherayhúvape, ha umi cherekáva chejohúta avei katuete,

Mga Kawikaan 8:3

umi okẽ oĩháme pe táva ojeikehápe, umi okẽ ojeikehápe osapukái:

Mga Kawikaan 9:3

omondo hembiguaikuérape, pe táva ijyvateveha guive osapukái,

Cantar de los cantáres 5:1

Karia’y oñe’ẽ: Che ajúma che yvatýpe, nde che rembirekorãmi, amono’õma che mírra ha umi mba’e ryakuã porã; ha’úma che eíra, che víno ha che kamby. Pekaru joa che irũnguéra; che rayhupára pey’u ha peñemohyg̃uatã mborayhu reheve.

Isaías 12:3

Vy’apópe peguenohẽva’erã y pe salvacion yvúgui.

Isaías 40:2

Peñe’ẽ Jerusalen py’apýpe ha sapukaipópe peje ichupe og̃uahẽma pe ára ijehasa asy opamaha ha hembiapo vaikue oñemyengoviapamaha ohupity haguére jehavira jo’a Ñanderuetégui, opaite hembiapo vai ojapova’ekue rehe.

Isaías 40:6

Peteĩ oñe’ẽva he’i chéve: Emombe’u. Ha che ha’ékuri: Mba’e piko amombe’úta. Ere: Mayma yvyarigua oiko ku kapi’ícha ha iporãngue ku yvoty ñu meguáichante.

Isaías 44:3

Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.

Isaías 55:1

Mayma ijy’uhéiva, peju joa yrendápe, ha umi ipirapire’ỹva jepe peju pegueraha trígo pe’u hag̃ua. Pe’u, pejogua pirapire’ỹre, ha reiete oñeme’ẽ avei víno ha kamby.

Isaías 55:3

Pemboyke joa pende apysa, ha peju che rendápe; peneñe’…rendu ha pene ánga oikove porãvéta ha ñañombopy’apeteĩ opaite árape g̃uarã, péicha Che amoañetéta che poriahuvereko rehegua ñe’ẽ ame’ẽva’ekue Davídpe.

Isaías 58:1

Esapukái hatãke nde ahy’o ome’ẽ háicha, ani rekirirĩtei; turúicha hatã esapukái, ha emombe’u che retã reko ñaña ha Jacóbo róga angaipa.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 2:2

Tereho ha esapukái Jerusalengua apysápe, ha ere: Péicha he’i pende Ruete: Chemandu’a nderehe, ne kuñataĩ ramoguare reikómi hekoitépe che rapykuéri, ha che rembirekorã arakuépe cherayhu porã hague, ha reju chendive pe desiértope, pe yvy oñeñemitỹ’ỹháme mba’eve.

Ezequiel 47:9

Ha opaichagua pira térã ambue mymba oikóva guive ko ysyrýpe oikove porã jevýta; ha hetaiterei pira oĩta ipype, og̃uahẽ guive ko ysyry ha oñepohãnomba rire oikove porãmba hikuái.

Levítico 23:36

Siéte ára pukukue peikuave’ẽva’erã kuave’ẽmby hendypáva pende Ruetépe g̃uarã; ha pe ára 8-hápe peguereko jevýta atyguasu, ha pe arete pévape peikuave’ẽva’erã kuave’ẽmby hendýva pende Ruetépe g̃uarã, mba’eveichagua tembiapo ndapejapoiva’erã.

Levítico 23:39

Ha pe jasy 7-hápe, pe ára 15-hápe, pemono’õ rire pende kóga ra’ỹi pejapóta vy’aguasu pende Ruetépe 7 ára pukukue; pe ára tenondegua pytu’uha ára, ha pe ára 8-ha pytu’uha ára jevy.

Miquéas 6:9

Pehendúke, pende Ruete ohenói itávape. Ñande ñanearanduñaína jakyhyje ramo héragui. Peẽ peikóva táva térã ñúme pejapysaka porãke pe jehavira oútava rehe.

Zacarías 9:15

Ángel atykuéra Jára oñangareko porãta hesekuéra, Israelguakuéra omokõmba hag̃ua hese ija’e’ỹvape ha opyrũmba hag̃ua umi ita oñemombova’ekue rehe, ha omboy’úta hikuái huguy oje’u háicha pe víno, ha henyhẽta hikuái tuguýgui ku kuave’ẽmby ña’ẽmbéicha térã pe kuave’ẽmby renda ratĩcha.

Números 29:35

Pe ára 8-hápe pemboareteguasúta; mba’eveichagua tembiapo ndapejapoiva’erã.

Matéo 11:28

Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã.

Matéo 3:3

Hese oñe’ẽva’ekue pe proféta Isaías, he’i ramoguare: Oñehendu peteĩ oñe’ẽ hatãva desiértope: Pembosako’i mburuvichaguasu raperã, pemyatyrõ porã hape po’i ( Isaías 40,4).

Matéo 5:6

Ipy’a rory umi iñembyahýiva ha ijy’uhéiva ñembojovake heko pegua rehe, oñemohyg̃uatãva’erã ichupekuéra.

Juan 1:23

Ha Juan he’i: Che ningo peteĩ amombe’úva desiértope ko ñe’ẽ kóva: Pembosako’i porã Ñanderuete raperã, pe proféta Isaías he’i haguéicha, (Isaías 40,3)

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 4:10

Hesu ombohovái ichupe ha he’i: Reikuaa rire Ñanderuete remime’ẽ ha pe ojeruréva nde ymi, nde voi rejerureva’erãmo’ã ichupe, ha Ha’e ome’ẽva’erãmo’ã ndéve y oporomoingovéva.

Juan 4:11

Ha pe kuña he’i: Karai, ndereguerekói ningo mba’eve renohẽ hag̃ua ko ymi jepe, ko pózo ipypuku avei, mamo piko reguereko upe y oporomoingovéva.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 5:40

Peẽ katu napeg̃uahẽséi che rendápe peikove hag̃ua.

Juan 6:35

Upémaramo Hesu he’i ichupekuéra: Che voi ningo pe pan oikovéva, oimeraẽva oúva guive che rendápe naiñembyahyimo’ãi araka’eve, ha ojeroviáva guive cherehe, máramo ndaijy’uheimo’ãvéi.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Juan 6:55

Che ro’o ningo pe tembi’u añeteguáva, ha che ruguy pe ñemboy’u añeteguáva.

Juan 7:28

Upévove Hesu oñe’ẽ hatã Ñanderuete rogaguasúpe ha he’i: Peẽ chekuaa porã chéve, ha peikuaa porã avei mamoguápa Che, Che ndajúi chejehegui reínte, oĩ ningo pe chembouva’ekue, ha ichupe peẽ ndapeikuaái.

1 Corintoyguakuérape 10:21

Ndaikatúi peẽ pe’u Hesu Crísto vásogui ha mba’epochy vásogui avei; ndaikatúi peẽ peñemopeteĩ Hesu Crísto ndive imesa (Hesu Crístocéna) rupi, ha peñemopeteĩ avei mba’epochy mesa ndive,

1 Corintoyguakuérape 10:4

ha’ekuéra hoy’upava’ekue avei pe y Ñanderuete ome’ẽva’ekue ichupekuéra pe itaguasúgui omoirũva ichupekuéra hape pukukue rupi ha pe itaguasu ningo Hesu Crísto voi.

1 Corintoyguakuérape 11:25

Ho’u rire pe pan, peichaite ohupi avei pe váso, ha he’i: Ko váso ningo pe ñembopy’apeteĩ pyahu che ruguy rupi. Opaite ára pe’u jave ko váso kóvagui peñemomandu’a cherehe.

1 Corintoyguakuérape 12:13

Pe Pytu Porãmbáva añómente ningo ñande jajebautizava’ekue jaiko hag̃ua peteĩ tete ramo, taha’e Judaygua, térã tetã ambueygua; taha’e tembiguái térã patron; opavave ñande jajebautizava’ekue pe Pytu Porãmbáva rupínte.

Efesoyguakuérape 5:18

Ha anítei peka’u, upéva ningo ogueru teko vai, penerenyhẽ uvei Pytu Porãmbávagui.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.